¹ Na umo mwe zimbuli zino nasisinya niyo naona kugamba ulwivi nednile uvugalwa kwembingu udya ukulonga nkongo longa na miye saviya talumbeta ikagamba, so hano nahulagise nayalaile umo mwe izimbuli zino. ² Nkanana imwenga nendile ni mwe Muye nasiwona nakwendile na chiti cha ukulu chikwa kwembingu na mntu achikaile. ³ Yumwenga nendile achikaile nakasinya saviya yuwe dya yabisi na akiki nakuna lutamwasi uchizunguluka ichiti cho Ukulu utamwasi usinywa saviya zamalidi. ⁴ Kuchizunguluka ichiti cho Ukulu, nakuna viti vya Ukulu vituhu milongo midi na kane na awo wekale mwe viti vyo Ukulu nawatenda wadalahala milongo midi na kane wavalwa suche zing'aile na taji dya zahabu mwe mitwi yawo. ⁵ Kulawa kwe chiti cho Ukulu, kulawa seseza lubaula na kunguluma ko ubaula vibatali mfungate nendila zikaka kulongo kwe ichiti cho Ukulu vibatali abavyo ni Myuye mfungate ya Chohile. ⁶ Naho kuongozi ko Ukulu nakuna bahali imwazi saviya chiyoo wose chizunguluke chiti cho Ukuklu na kuna wata ujima wane, wamemile meso kulongozi na kunyuma. ⁷ Chumbe cha nkongo chenye ujima, nakekala saviya kala, chumbe cha kaidi chenye ujima nakekala saviya ndama, chumbe cha katatu chenye ujima nednile china uso saviya wa mntu na yudya mtoa ujima wa kane kekala saviya tai akupaa. ⁸ Vyumbe venye ujima vine chila chimwenga nachitenda na mawawa mtandatu yamema meso kulanga na hasi hakwe, chilo na msi hawana uhelo wa kulonga Ukukile, Ukuile, Ukukile ni Zumbe Chohile ukulongoza kulanga kwa wose atendekaga aho na uyo eyaho, na uyo neze. ⁹ Chila chipindi vyumbe vyenye ujima umo wakalavya Ukuka, utunya, na kutogola kulongozi kwa uyo endile ekale umo mwe icho ichiti cho Ukulu uyo emo ujima wa kale na kale ukwikala. ¹⁰ Wadalahale milongo midi na kane, wafika madi wenye kulongozi kwakwe uyo achikaile ichiti cho Ukulu wefumaniza hasi kwakwe uyo akwikala kale na kale ukwikala na kudula hasi taji zawo kulongozi kwe ichiti cho Ukulu wakagamba, ¹¹ Wawagila weye Zumbe na Chohile ywetu, kuhokela Ukuka na ntunyo na udahi kwa viya na kuvyumba vintu vyose na kwa kunga kwako na viyuko naho navymbwa.