¹ Kwawandima wa vikilo dya Salidi dolonya, milosi ya yudya akutozeleza idya imyuye mfungate ya Chohile na ntondo mfungate simanya icho adamanye una ntogozi ya kutenda mjima mna kubanika. ² Inuka na kuchintiza yasigale, mna yako yehajihi kubanika, kwaviya siwona izintendwa zako zichinta mwa meso ya Chohile ywangu. ³ Ivyo bunkula yadya uhokele na kwiva, zumila na kweila mna hunenuke, nanize saviya mbavi, naho homanye ni sa ihi nanizile mwako. ⁴ Mna kuna mazina majeche ya wantu mwe Salidi ambawo hawachafuwe izisuche zawo, wajenda hamwenga na miye, wevala suche zing'aile kwaviya wawagila. ⁵ Uyo nahuse navikwe suche zing'aile naho ng'o sanidifute idizina dyakwe kulongozi kwa Tati yangu na kulongozi kwa wandima. ⁶ Unatenda na gutwi, tegelaza Muye ivyo ukolonga na mavikilo ⁷ Kwa wandima wa vikilo dya Piladefiya dolonya, milosi ya ekale Mkuka wa chindedi anezifunguwo za Daudi, avugala na hakuna akuvugula avugala na hakuna akudaha kuvugula. ⁸ Simanya icho utendile, sinya sikwikiya kulongozi kwako lwivi luvugulwe ambawo hakuna akudaha kuvugula, simanya una nguvu chidogo mna kuzumila ulosi wangu naho hudilemele idizina dyangu. ⁹ Kaula wose wekala mwe vikilo dya wavu, wadya wakulonga wenye ni Wayahudi na kubesa sivyo, badala yakwe wadanta, naniwatende weze kuvikila kulongozi kwa matukulu yakwe, nawamanye kunga nasiwaunga. ¹⁰ Kwaviya wadima sigilizi yangu kwa ujijimizi uchintile, nahwamile naho mwe isa yako yakujezwa ambayo yeza mwe isiyose, kuwajeza wadya wose wakwikala mwe isi. ¹¹ Neza upesi toza kabisa chia unanacho chani asekutenda eyaho mntu wa kuguha idijeleko dyako. ¹² Nanimtende yeye akuhuda kutenda chegamo mwe vikilo kulu dya Chohile yawngu, na afose kuse kabisa, nanidolonye kwakwe zina dya Chohile ywangu, Yelusalemu mpya, ukusela hasi kulawa kwe mbingu kwa Chohile ywangu, na zina dyangu hya. ¹³ Mta gutwi neve, neve chiya muye akulonga na mavikilo. ¹⁴ Kwa wandima wa vikilo dya Laodikiya dolonya milosi yakwe ikale taile, akutunywa na mukuzi mchindedi, akulongoza kulanga ko umbi wa Chohile. ¹⁵ Simanya ambacho kudamanya, nakugamba weye hwimpeho hegu moto nabesa kugamba, watendile wi mpeho hegu moto. ¹⁶ Kwaviya weye wi luvuguvugu, hwimoto hegu hwimpeho, nahutahike ufose mo mlomo wangu. ¹⁷ Kwaviya nalonga miye ni mgoli, sitenda na ugoli ulozize, nasikunga chochose, mna humanyize kugamba weye ni nkuto vitendese, wafilwa mbazi, wachiwa, tuntu na umwazi. ¹⁸ Kwetegeleze kuhembeleza kwangu gula kwangu zahabu isuntigwe kwa moto, chani upate kutenda mgoli, na suche zing'aile za kumelemeta chani uvale mwenye naho usekujela soni za umwazi wako, na mavuta ta kuhaka mwa meso yako upate kusinya. ¹⁹ Chil humunga namgamila na kuwahinya ivyo ikuwanga kwikala, kwa ivyo, tenda mchindedi na kweila. ²⁰ Kaula nachimala mo lwivi na kutowa hodi yoyose akwiva izwi dyangu na kuvugula ulwivi, nanize na kwingila mwe inyumba yakwe, na kudya nkande naye na yeye hamwenga na miye. ²¹ Nuyo akuhuda, nanimwinke chindedi cha kwikala hasi hamwenga na miye kulanga kwe chiti changu che enzi, saviya miye nihudile na kwikala hasi hamwenga na Tate ywangu kulanga kwe chiti chakwe che enzi. ²² Mta magutwi netegeleze ambacho Muye alonga na mavikilo.