¹ Kwa wandima wa vikilo dya Efeso dolonya uno ni ulosi wa yudya akutozeleza ziya izindondo mfungate o mkono wakwe wa kulume, yeye akujenda hagati he vinala vya zahabu vya ta mfungate alonga vino. ² Simanya chiya utendile na kuhikiliza mwe ndima, na ujijimizi wako kabisa nakugamba, hukudaha kwambizana na awo wekale wabanasi na kuwajeza wose wakwetanga wandima na kumbela sivyo na kuwonekana ktenda walulimi. ³ Simanya una kugoja na ujijimizi na kujinkila yalozize kwachausa cha zina dyangu, naho husokele bado. ⁴ Mna dino ni dya kujinka kwako, kuleka ungi wako wa nkongo. ⁵ Ivyo, bunkula hadya ugwele, ukweile na kudamanya ntendwa udamanye kukongela nkongo, heneile neza kwako na kuchusa ichinala chako kulawa hantu hakwe. ⁶ Mna weye una dino wehiwa yadya ambayo Wanikolai wayadamanya ambayo hata miye nehiwa. ⁷ Uneva una magutwi tegeleza yadya ambayo Muye ayagambila mavikilo na kwa yeye akuhuda nanimwinke chibali cha kudya kulawa mo mti wo ujima wili mwe Paladiso ya Chohile. ⁸ Kwa wandima wa vikilo dya Samilina dolonya, uno ni ulosi wa yudya ambaye ni nkongo na udumo ambaye anabanika teenda mjima naho. ⁹ Simanya amasulumizo yako na uchiwa wako mna weye ni mgoli na lulimi lwa wadya wakwetanga ni Wayahudi mna sivyo, awo ni wavikilo dya mwavu. ¹⁰ Usekogoha masulumizo yakunga yakupate, kaula mwavu aunga kuwadula bazi yenyu jela chani apate kujezwa na msulumizwe kwa mazuwa mlongo tendani wazumizi kubula kubanika naho naniwenke jeleko dya ujima. ¹¹ Uneva una gutwi kwetegeleze, tegelaza ivyo Muye akuyagambila mavikilo, uyo akuhuda habalangwe ni file ya kaidi. ¹² Kwa wandima wa vikilo dya Peligano dolonya ino, na ayo akulonga yeye ekale naye iyo isime inkali ya makali ya kwidi. ¹³ Simanya hantu ukwikala ni hantu heli ichiti cha ukulu cha mwavu hata ivyo weye watoza vidala zina dyangu naho hudilemele utondowazi wako wikala kwangu, hata mazuwa yadya ya Antipasi mukuzi ywangu akomigwwe mwa awamwenga wenyu aho naho mwavu akwikala. ¹⁴ Mna nina mbuli njeche kujinka izo, unanazo uko wantu watozize mahinyo ya Balamu uyo niyo awahinya Balaki kwika mihigano kulongozi kwa Mwana ywa Izulaeli chani wadye nkande zilavigwe jeleko kwa matukulu na kugonyana. ¹⁵ Mwe hali iyo iyo, hata weye unanayo bazi yawe wakutoza mahinyo ya wanikolai. ¹⁶ Ivyo kweile hunatendile ivyo, neza upesi, nanidamanye nkondo kujinkila wowo kwa sime ikukanta mwe milomo yangu. ¹⁷ Hegu una gutwi tegeleza muye icho akuyagambila mavikilo uyo nahude namwinke bazi ye idya imana ifisigwe, naho nanimwinke yuwe ding'aile didolonye zina dya kulanga kwediyuwe, zina ambadyo hakuna amanyize mafani uyo enkigwe. ¹⁸ Kwa wandima wa vikilo dya Thiatila dolonya inoniyo imilosi ya Mwana ywa Chohile yeye ekale na meso yakwe miyale ya moto na nyayo saviya shaba ikunulwe vitendese. ¹⁹ Simanya icho udamanye ungi wa utondowazi na ndima ya ujijimizi wako utoga na kugamba chiya udamanye vino hajihi ni kujinka ya chiya ya chiya udamanye nkongo. ²⁰ Mna nina dino zidi yako wamjijimiza mvyele Yezebelli kwa mahinyo yakwe, wazaganya wandima wangu kugonyana na kudya nkande ilavigwe jeleko kwa matukulu. ²¹ Nasimwinka chipindi cha kweila mna haungile kuleka wavu wakwe. ²² Kaula simdula ko lusazi wa manyonje na wadya wakutenda uchilanga niyo kwa masulumizo makali bila ivyo weile kweicho wadamanye. ²³ Naniwatowe wanawe wose na mavikilo yose wamanye kugamba miye nuyeo nikaule fanyanyi na tama, nanimwinke chila yumwenga ywenyu kuligana ne zintendwa zakwe. ²⁴ Mna kwa mbazi yenyu nyuwe msigale mwe Ttiatila, kwa wadya wose hemkutoza hinyo dino na hemkuhuma chiya ambacho baizi mwitangwa mafumbo ya mwavu, nalonga kwenyu sanike kutanga kwenyu mzigo wowose. ²⁵ Kwaviya mbuli yoyse, vyaungwa utende utogile kubula aho nanizile. ²⁶ Yoyose akuhuma na kudamaya chiya nidamanye kubula udumo, kwakwe yeye nani mwinke udahi kulanga kwe isi. ²⁷ Nawalongoze kwa nkome ya chuma saviya mabakuli ya ulongo, nawavune mabendu bendu. ²⁸ Enga ivyo nihokele kulawa kwa Tati yenyu nanimwinke naho ntondo ya mtondo. ²⁹ Ukatenda na magutwi, tegeleza chiya ambacho muye ayagambila mavikilo.