¹ Niyo asinya chipindi mwana ngoto eze agubule chimwenga cha idya imihuli mfungate niyo neva yumwenga wa wadya wata ujima wane wakalonga kwa izwi iligane lubaula, So. ² Niyo nasinya nahendile na Falasi ing'aile uyo amkweile nednile anamabakuli, naho kenkigwa taji, nakalaila saviya mhudi ahidile chani ahihude. ³ Umo mwana ngoto eze avugule umhuli wakaidi, niyo neva mta ujima wa kaida akagamba, So. ⁴ Niyo kwalaila Falasi ntuhu inkundu saviya moto, akweile nakenkigwa lususa ya kusa utondowazi mwe isi, chani kugamba, wantu wachinjane, uyo aikweile nakenkigwa bamba kulu. ⁵ Umo mwana ngoto eze avugule udya umhuli wa katatu niyo neva mta ujima wa katatu akagamba, Soo, niyo nawona Falasi ntitu na uyo apandile anamligano mo mkono wakwe. ⁶ Nasiva izwi diwoneke saviya yumwenga wa wadya wata ujima dikagamba, kopo dya ngano kwa hela imwenga na makopo matatu ya shaili kwa hela imwenga mna usekuyabalanga mavuta na divai. ⁷ Chipindi mwana ngoto eze avugule mhuli wa kane siva izwi dya mta ujima ywa kane akagamba, Soo. ⁸ Mna niyo nawona Falasi ichijivu uyo aikweile naketangwa zina dyakwe mto kubanika wa bome hedina uhelo, niyo yatenda ikamtongela mwe lobo ye isi kukoma kwa mabamba, kwa sala, kwa unyonje, na kwawanyama wa kumbago umo mwe isi. ⁹ Umo mwana ngoto eze avugule mhuli wa shano niyo nawona hasi he divikilo loho za wadya wendile wakomigwe kwachausa cha ulosi wa Chohile na kulawana kuwagambila watoze vya chindedi. ¹⁰ Waila kwa izwi kulu na umo ini chilongozi wa vyose akukile ywa chindedi nawakantile wakwikala kulanga kwe isi, kulihiza vibanike sakame yetu? ¹¹ Niyo chila yumwenga enkigwa nkazu ing'aile niyo awagambila kugamba wongigwa kugoja chidogo na umo navichintize kwa kuwaza kuchinta kwa wasigilwa na walukolo wawo, wachiche na wachilume umo navichinte awo wakukile oge viya ambavyo wowo na wakomwa. ¹² Chipindi mwana ngoto eze avugule wa mtandatu nasisinya nahendile na msingisiko mkulu zuwa ditemda titu saviya guniya dya singa no mwezi mjima utenda saviya sakame. ¹³ Ntondo za kwembingu niyo zagwa mwe isi, saviya mtini ukupukusuka matunda yakwe ya chipindi cha mpeho ukusingiwsa ni ng'ung'unto. ¹⁴ Ulanga ufosa saviya gombo divingiliswe chila lugulu na nkuta zisamizwa hantu hakwe. ¹⁵ Niyo waseuta we isi na wantu wamanyikise wachimala na weyawe wata ugoli wenye udahi na chila yumwenga msigilwa na alekeilwe niyo wefisa mwe zipanga mo uluwe lo lugulu. ¹⁶ Niyo wayagamba amagulu no luwe chigweleni chifiseniumo mo uso wakwe uyo ekale mwe chiti cho ukulu nakulawa maya ya mwana ngoto. ¹⁷ Kwaviya zuwa kulu dya kukantilwa kwawo dibula naho ni yuhi akudaha kuchimala?