¹ Akajika nasiwona mndima wa kwembingu akaesla na kulawa ko ulanga, akatenda no lufungulo wa bome hedina uhelo na minyolo mikulu mo mkono. ² Nawaditoza diya idizoka, nyoka ya chikale, uyo umwavu hegu naho Shetani niyo adinyinya mihilimo magana na mlongo. ³ Nakamdula mwe bome hedina uhelo, niyo adinyinya na kudivenga mlanga mwakwe ino nandile ivyo chani kugamba asekudanta izisi naho kubula mihilimo magana na mlongo umo ikasila, akajika aho nalekeilwe mwe chipindi chiguhi. ⁴ Akajika nasiwona viti vya Chizumbe, nendile wavikaila wadya wendile wenkigwa udahi wa nkato iviya, iviya nasiwona naussi za wadya wendile wakantwa imitwi kwachausa cha ukuzi kulanga Yesu na mwe ulosi wa Chohile, nendile hawavikile mnyama hegu tukulu dyakwe naho nawalemela kuhokela luvengo mlanga mo uso hegu mkono, naweza mo ujima niyo walongoza hamwenga na Kulisito mwe mihilimo gana na mlongo. ⁵ Wabanike wasigale hawezile mo ujima, kubula mihilimo gana umo ize yajike uno nuwo uyuso wa nkongo. ⁶ Mjimbikwa na mkuka ni mntu yoyose akuguha hantu mo uyuso wa nkongo kubanika kwa kaidi hakuna udahi mlanga mwe wantu enga wano, nahatende na walavyantambiko wa Chohile na wa Kulisito naho nawalongoze naye mwe mihilimo gana na mlongo. ⁷ Ichipind mihilimo gana na mlongo umo ukabula udumo, mwavu nafungulwe kulawa mwe dijeleza enga msanga wa bahali. ⁸ Naite kuse kudanta izisi mwe ntendele nne ze isi, Gogu na magogu kwaleta hamwenga kwachausa cha nkumbizi, nawatende walozize saviya msanga wa bahali ⁹ Nawaita mlanga mwe ntambalale ye isi, nawo nawazunguluka nkambi za wazumile, mzi ungigwe, mna moto nawiza kulawa mo ulanga na kuwalangaza. ¹⁰ Mwavut uyo nakawadanta na muwadula mndani mwe ziwa dikwaka chibiliti umo umnyama ni muwoni ywa lulimi nendile wadulwa, nawasulumizwe msi na chilo kale na kale. ¹¹ Akajika nasiwona chiti cha Uzumbe chikulu ching'aile na yudya endile ekale mlanga kwe isi no ulanga naziguluka hale kulawa mo wiyaho wakwe, mna hahatendile hantu hawo wowo kwita. ¹² Nasiwaona wabanike wabala na siyo wabala wachimala mwe chiti cho ukulu ne vitabu navigubulwa, akajika chitabu chituhu nachigubulwa, chitabu cho ujima, wabanike nawakantila mwe chila chidolonywe mndani mwe ivitabu, ulailo wa chila icho wadamanye. ¹³ Bahali naiwalavya wabanike awo nendile mndani mwakwe, file na kuzimu naviwalavya wabanike awo wendile mndani mwakwe na wabanike wakantila ukuligana na viya wadamanye. ¹⁴ File na kuzimu nazidulwa mndani mwe diziwa dyo umoto, ino ni file ya kaidi ziwa dyo umoto. ¹⁵ Saviya zina dya yoyose hadiwoneke didolonywa mndani mwe ichitabu cho ujima, nakadulwa mndani mwe idiziwa dyo umoto