¹ Vikaheza ivyo siva izwi saviya mwilo mkulu wa bunga dya wantu kwembingu dikagamba, mtogoleni Zumbe, ukuka, wambulwa, na udahi ni vya Chohile ywetu. ² Nkanto zakwe ni az chindedi, kwaviya kamkantila yudya mchilanga mkulu abalnge isi kwa ugonyi wakwe, kamlihiza chigoda kwa sakame ya wandima wakweiyo etile yeye mwenye. ³ Nkanana ya kaidi wagamba, mtunyeni Zumbe mosi walawa kwakwe ulo na ulo. ⁴ Wadya wadalahala moilongo midi na nne na vyumbe vimeso niyo vyamfunamila na kumvikila Chohile akwikala mwe chigoda cho uzumbe, nendile wakagamba tTaile, mtunyeni Zumbe. ⁵ Niyo izwi dyalawa kwe chigoda cho uzumbe dyagamba mtunyeni Zumbe Chohile ywetu nyuwe wandima wakwe nyoseni, nyuwe mkumogoha yeye, wose hewene mhuli na wata udahi. ⁶ Naho nivile izwi kulu saviya izwi dya fyo dya wantu, saviya izwi dya chivumilo cha mazi yalozize naho saviya ntuntumo ya lubaula ikugamba, Zumbne atogolwe ni Chohile ywetu maesuta wa mwe isi ⁷ Naho chelelwe na kumtoila nchelejele na kumwinka ukulu kwaviya inyinka ye chinyemi cha Mwana ngoto chiza na umwali kemalanya kale. ⁸ Kalekeilwa kuvikwa chitani chitana naho chikung'ala chitani chitana ni ntendwa za wazumile. ⁹ Mndima ywa kwembingu niyo alonga na miye yadolonye yano wajimbikwa wadya wagonekwe mwe ichinyemi che inyinka ya Mwana ngoto naho niyo agamba, uno ni ulosi wa chinde3di wa Chohile. ¹⁰ Niyo nfika madi mo ulongozi we viga vyakwe niyo namvikila, mna anigamba usekutenda vino miye ni mndima mnyawo na walukolo lwako mta kutoza ukuzi wakwe Yesu, mvikileni Chohile kwaviya ukuzi wa Yesu ni muye wa uoni. ¹¹ Niyo nawona izimbingu zigubuka kaula nakuna falasi ing'aile yudya aikweile etangwa mchindedi na mkanuni akatila kwa kuwagila kungisa nkondo. ¹² Meso yakwe yenga moto ukwaka na mlanga mo mtwi wakwe, ana vilemba vilozize, ana zina didolonywe mlanga mwakwe, hedimanyike kwa wantu mafani kwa yeye mwenye. ¹³ Kavala suche itufikwe mwe sakame, idizina dyakwe etangwa ulosi wedi wa Chohile. ¹⁴ Wankondo wa kwembingu nendile wakamtimila mlanga mwe falasi ing'aile, wavikwa chitani ntana, ing'aile na ikukile. ¹⁵ Komlomo wakwe kwalwa bamba dikukola dikusawanisa izisi na uyo awalongoze kwa nkome ya chumanaye ajanta viya vya mpombe kwa maya makulu ya Chohile alongoza mlanga mwa wose. ¹⁶ Naye kadolonywa mlanga mwe suche zakwe na mwe diwambo dyakwe zina SEUTA YWA MASEUTA NA ZUMBE YWA MAZUMBE. ¹⁷ Nasiwona mndima ywa kwembingu kachimala mwe dizuwa, niyo etanga kwa izwi kulu madege yose yapuluka kulanga, sooni mdugane hamwenga kwe nkande inkulu ya Chohile. ¹⁸ Soni mdye nyama ya waseuta nyama ya wakulu wa nkondo, nyama ya wantu wakulu, nyama ya falasi na awo wakupanda falasi na nyama ya wantu wose, walekeilwe na watalizwe, hewelekelwe na wata udahi. ¹⁹ Siwona kala na maseuta wa kwe isi hamwenga na wankondo wawo, nendile nawemalanya kwa kutenda nkondo na yumwenga apandile falasi na wankondo weyawe. ²⁰ Idikala niyo dyagwilwa na waoni wakwe wa udanti atendile lagiso mwe udahi wakwe, kwevilagiso ivyo kawadanta wadya wahokele chiwalo che dikala naho nawavikile iditukulu dyakwe wose waidi wadulwa wachei wajima mwe diziwa dyo moto ukwaka kwa chibiliti. ²¹ Wadya wabanike niyo wakomwa na mabamba yalaile mo mlomo wakwe yumwenga akweile mlanga mwe falasi, madege yose niyo yadya imba vye imili yakwe.