¹ Akaheza ivintu vino simuona mndima mtuhu akasela has kulawa kwe mbingu yeye nandile ana udahi mkulu mwe isi, ing'ala kwa ukulu wakwe. ² Kaila kwa izwi kulu akagamba, ugwa, ugwa, udya umzi umkulu wa Babeli, utenda wikalo wa mapepo na wikalo wa chila muye wihye na wikalo wa chila madege yakwihiza. ³ Kwaviya wantu wa si zose wanywa divai ikwingiza uchilanga wakwe, ambawo wamleteile maya maseuta we isi wagonywa ni yeye wachuluzi we isi atenda wagoli kwa nguvu na wikai wakwe wa tama. ⁴ Naho niyo neva izwi tuhu kulawa kwembingu dikugamba, mlaweni mwakwe wantu wangu chani mnase mkatongela amasa yakwe chani mnase mkahokela nkato yakwe yose. ⁵ Masa yakwe ni chisungu saviya mlanga mwe mbingu na Chohile kakumbuka ntendwa zakwe zihiye. ⁶ Mliheni ivyo awalihile watuhu naho mkamlihe gana na mbili kwa viya atendile mwe chikumbe ahanganye, mhanganyizeni nkanana mbili kwachausa chakwe. ⁷ Enga ivyo atunyeze mwenye nakekala kwa uchilanga mwinkeni masulumizo yalozize chinyulu kwaviya agamba mo muye wakwe sikala saviya seuta sibanikilwe ni mgosi naho siwona wakulombeza. ⁸ Mna zuwa dimwenga dya nkomano yakwe dyambwila file mwe lombezo, na sala, na silikizwe kwa moto kwaviya Zumbe Chohile ni mta nguvu naho ni mkanti ywakwe. ⁹ Maseuta we isi wagonyizwe naye na kutenda mazezeta naye na waile na kulomboleza kwakuona mosi wo kuhya kwakwe. ¹⁰ Nawachimale hale naye, kwa chunyulu, masulumizo yakwe wakagamba, na mluwone, namluwone umzi mkulu Babeli mzi una nguvu kwa saa dimwenga ukanti wako uheza. ¹¹ Wachuluzi wa mwe isi ilani na kulomboleza kwachausa chakwe kwaviya hehena hata yumwenga akugula vintu vyakwe naho. ¹² Vintu vya zahabu, hela , mayuwe ya yombe kulu, lulu, chitani yedi, zambalau, hakiki unkundu, aina zose za miti ya mhepe wedi chila chombo cha mahembe ya ntembo chila chombo chidamanywe kwa miti ya yombe kulu shaba chuma yuwe. ¹³ Mdalasini, vilungo, uvumba, manemane, ubani , divai, mavuta, unga wedi, ngano, ng'ombe na ngoto falasi na magali na watalizwa myuye ya wantu. ¹⁴ Matunda ungile kwa nguvu zako yahalawa kulawa kwako tama zako zose zimlawa havipatikane naho. ¹⁵ Wachuluzi we vintu vino wapatile ugoli kwa umbuya wakwe nawachimale hale kulawa kwakwe kwaviya chunyulu cha masulumizo yakwe wakaila kwa izwi dya malombolezo. ¹⁶ Wakagamba nauluwone, nauluwone, mzi udya mkulu uvaligwe chitani ntana, zambalau na inkundu naho kuhambwa kwa zahabu na vintu vya yombe kulu na lulu. ¹⁷ Mndani mwe saa dimwenga ugoli wose uwo umlawa chi mlongoza meli na chila mtafi na wose wana mazi na wose wakudamanya ndima mwe bahali wachimala hale. ¹⁸ Watula ndilo weze waone umosi ukuhya kwakwe wagamba, ni mzi wani ukuligana na mzi uno umkulu? ¹⁹ Wadula msanga mlanga mwe mitwi yawo, niyo waila wakalawa mesozi wakalomboleza nawaluone na uluone umzi uwo mkulu ahantu hose nandile mwe zimeli zawo mwe bahali nandile wagoli kulawana na ugoli wakwe, mndani mwe saa dimwenga ubalangwa. ²⁰ Elelwani mlanga mwakwe mwe mbingu nyuwe mzumile, wasigilwa, na waoni kwaviya Chohile kaleta ukanti mwenyu mlanga mwakwe. ²¹ Mndima mwenye nguvu kenula yumwenga saviya yuwe kulu dya kusagila, niyo adidula mwe bahali agamba kwe isila ino Babeli udya umzi umkulu naudulwe hasi kwa nguvu naho hauwonekane vituhu. ²² Izwi dya visinds mgund vya wakubweda wakutowa miluli na magunda hawevike naho kwenyu hata fundi wa aina yoyose haonekane kwenyu hedu izwi dya tuli hadivike naho kwenyu. ²³ Ulangazi wata haulangaze mndani mwako izi dya msozi na msolwahadivigwe naho mndani mwako kwaviya wachuluzi wako ndile ni wakulu mwe isi na wantu wadantwa ni usai wako. ²⁴ Mndani mwakwe sakame ya waoni na mazumbe iyonekana na sakame ya wose wakomigwe mlanga mwe isi.