¹ Yumwenga ywa wandima mfungate nandile ana vitasa mfungate keza na kumgamba, soo hulagise mkanti wa mchilanga mkulu akwikala mlanga mwa amazi yalozize. ² Uyo maseuta we isi wadamanya mbuli ya kumgonya yeye, naho impombe yo ugonyi wakwe yekala we isi iwakola. ³ Mndima kaniguha mo muye kanigala kwe nyika niyo namuona mvyele keka mlanga mwe kala dinkundu kamema mazina ya mahuluto diya idikala nadina mitwi mfungate na mahembe mlongo umwenga ⁴ Uyo mvyele kavikwa suche za zambalau inkundu naho kahamba kwa zahabu mayuwe ya yombe kulu na lulu, nandile katoza mo mkono wakwe chikombe cha zahabu chimemile vintu vya kwihiza vya uzavu vyo ukonyi wakwe. ⁵ Mlanga mo uso wakwe didolonywa zina dya chinyele BABELI MKULU, MVYELE WA WACHILANGA NA VINTU VYA KWIHIZA VYE ISI. ⁶ Niyo nawona kugamba umvyele uyo nendile kakolwa ni sakame ya wazumile ne isakame ya wabanike kwachausa cha Yesu, umo nimuone niyo nehelwa vidala. ⁷ Mna mndima niyo anigamba ni mbwani kwehelwa? Nahugambile vikuleka yudya mvyele na diya idikala dikumguha diya idikala nidyo dyenye imitwi mfungate na yudya anamahembe mlongo umwe. ⁸ Diya idikala uone nadiyaho, hahali naho haluse, diheza kukwela kulawa mwe bome hedina uhelo, niyo dyajendeleza na ubanasi wadya wakwikala mwe isi, ni wadya ambawo mazina yawo hayadolonywe mwe chitabu cho ujima kukongela kwikwa udamanyo we isi na wehelwa wakadiwona idikala nediyaho kugamba hadihali haluse mna dihajihi kweza. ⁹ Mwitango uno ni kwachausa cha umanyi wendile na udahi, mitwi mfungate ni magulu mfungate ambayo yudya mvyele ekalaga mlanga mwakwe. ¹⁰ Naho ayo maseuta mfungate maseuta washano wagwa yumwenga eyaho na mtuhu hanati kwiza, mna aho akwizila nekale chidogo du. ¹¹ Dikala diyaho mna haluse hadihali idyo nadyo ni seuta wa mnane mna ni yumwenga mwa wadya maseuta mfungate naho aita mwe kubalanga. ¹² Yadya amahembe mlongo umwenga, uyawone ni maseuta mlongo mwe awo hawanati kuhokela useuta kwa saa dimwenga, hamwenga ne dikala. ¹³ Wano wanalonga dimwe naho nawamwinke nguvu zawo na udahi diya idikala. ¹⁴ Nawadamanye nkondo awamwenga na Mwana ngoto mna Mwana ngoto nawahude kwaviya Zumbe wa Mazumbe na Seuta wa Maseuta mwa yeye chitangwa, chisagulwa naho chiwazumizi wachindedi. ¹⁵ Mndima niyo anigamba, yadya amazi uwine aho ekale yudya mchilanga ni wantu bunga dye isi na longa. ¹⁶ Yadya amahembe uwone mlongo umwenga uyo ni diya idikala nawamwihiwe yudya mchilanga naho nawamwase ichedu naho elusi nawamdye umwili wakwe naho nawausilikize kwa moto. ¹⁷ Chohile kaika mwe myuye yawo kwimula kwa mevano ya kumwinka idikala nguvu za useuta kubula mbuli ya Chohile aho naichinte. ¹⁸ Yudya mvyele uwone ni mzi udya mkulu ukuwalongoza mwa maseuta we isi.