¹ Niyo neva izwi kulu diketanga kulawa mwe hantu hakukise niyo dyalonga kwa wadya wandima mfungate hita uketile mlanga mwe isi mabakuli mfungate ya zahabu ya Chohile. ² Mndima wa kwembingu ywa nkongo nakaita na kwitila, na kwitila bakuli dyakwe mwe isi, malumizo yehiye yakuluma vidala nayeza kwa wamtu wata chiwala cho mnyama kwa wadya ambawo wavikila amatukulu yakwe. ³ Mndima ywa kaidi ketila bakuli dyakwe mwe bahali, niyo yatenda saviya sakame ya mntu abanike na chila chumbe chimeso mwe bahali nachibanika. ⁴ Mndima ywa katatu niyo etila idibauli dyakwe mwe dikolongo na mwe mifajo ya mazi niyo yatenda sakame. ⁵ Niyo neva mndima ywa mazi akagamba, weye ni mchindedi yumwenga eyaho na endile eyaho, akukile, kwaviya kuzileta nkanto zino. ⁶ Kwaviya nawetila sakame za wazumizi na waoni, kuwenka ayo kuvuta sakame, nicho chikuwagila. ⁷ Niyo neva chilinge chikahitula, Heye Zumbe Chohile weye kulongoza mlanga mwa vyose, nkanto bzakwe ni chindedi na za wedi. ⁸ Mndima ywa kaidi niyo etila kulawa mwe ibakuli yakwe kulanga kwe dizuwa, niyo enkwa luhenyo wa kuwoka wantu mo moto. . ⁹ Nawokwa kwa vuguto dikutisa, niyo waihuluta mbuli yedi ya Chohile, mta udahi mlanga mwe zinkomano zose, haweile hegu kumwinka yeye ntunyo. ¹⁰ Mndima ywa kwembingu ywa shano niyo ajida kulawa mwe bakuli dyakwe, mwe chiti cho ukulu cha mnyama na ziza niyo dyagubika useuta wakwe, nawaluma ameno kwaviya wakusulumilisa. ¹¹ Niyo wamhuluta Chohile ywa kwembingu kwaviya wasulumilaga na kuhutwa kwawo naho hawanati kujendeleza kweila kwachiya wachidamanye. ¹² Ndima ywa mtandatu naketila kulawa kwe bakuli ywakwe mwe idikolono idikulu, fulati na mazi yakwe niyo yanyala, chanim kudaha kutenda sila kwa Maseuta wakunga weze kulawa mashaliki. ¹³ Niyo nawona myeye mitatu michafu iwoneke saviya majula yakulawa kuse ko mlomo wa yudya nyoka, yudya mnyama na yudya muoni wo udanti. ¹⁴ Ni muye wa mpepo zikudamanya lagiso na mpituko nendile wakita kwa maseuta we isi chani kudaha kuwachisanya hamwenga kwa nkondo mwe zuwa nkulu dya Chohile uydya akwikala mlanga mwa vyose. ¹⁵ Kaula neza saviya mbavi afazali yudya akwikala mwe kucheleza, akwika suche zakwe chani asekudaha kwitwa kweise lusi, na kuiwona soni yakwe. ¹⁶ Nawaleta hamwenga hantu hetangwe mwe chiebulaiya Amagedini. ¹⁷ Mndima ywa mfungate naketila kulawa mwe bakuli yakwe mwe ulangazi, niyo izwi kulu niyo dyevika kulawa hantu hakukile na kulawa mwe chiti cha ukulu ikagamba isila. ¹⁸ Nkutenda na misale ya manga wa mbaula, kubuma sindo za mbaula na zingiziko dikutisa singisiko kulu dye isi ambadyo hadisunguze kulaila mwe isi kulawa wantu wendile mwe isi ivyo ni singisiko kulu dijendeleze ¹⁹ Mzi mkulu nawepanga mwe hantu hatatu, na mizi ya izisi niyo yagwa, niyo Chohile ekumbusaBabeli inkulu, niyo mawinka umzi uwo chikombe chendile chimema divai kulawa mwe mwa maya yakwe makulu. ²⁰ Chila chisiwa niyo chaga na magulu niyo yaga. ²¹ Fula nkulu ya mayuwe, ikatenda na uzami wa talata niyo yasela kulawa kwe mbingu mlanga mwa wantu niyo wamligita Chohile kwa mahuluto ye fula ya mayuwe, kwaviya idya inkomano nendile iha vitendese.