¹ Nahisinya niyo nawona Mwana ngoto kachimala kulongozi kwangu, mlanga mo lugulu lwa Sayuni, hamwenga na yeye hendaga 144,000 wata zina dyakwe na dya Tati yakwe didolonywa mwe vinengo vye zinyuso zawo. ² Niyo neva izwi dikulawa kwembingu dikevika saviya ntuntumo ya mazi yalozize, na izwi kulu dya ubaula, izwi nivile saviya wakutowa visinda mgunda vyawo. ³ Wakachema wila mhya kulongozi kwe chigoda cha Useuta, na ulongozi mwa wenye ujima wane na wadalahala, hakuna hata mta udahi wakwehinya uo uwila mafani wadya 144000 awo wambulwe mwe isi. ⁴ Wano ni wadya hewechafuwe wowo wenye kwa wavyele, kwaviya wehinya wenye kulanga mbuli za kugonya, ni wano wamtongele Mwana ngoto hohose aitile, wano wambulwa kulawa mwa wantu wakatenda matunda ya nkongo ya Chohile na Mwana ngoto. ⁵ Hakuna lulimi lupatikane mwe milomo yawe hawakulahwa. ⁶ Niyo nawona mndima mtuhu ywa kwembingu akapuluka mgti mwe imbingu mta sigilizi za ko ulanga za mbuli yedi, kwa kuwagambila wantu wa mwe isi kwa chila si na chila kabila na chila longa na chila wantu. ⁷ Niyo awetanga kwa izwi kulu, mohoheni Chohile na kumvikila kwaviya chipindi cha kukantilwa chibula, mvikileni yeye, yeye aumbile isi ne ibahali na mifajo ya mazi. ⁸ Mndima mtuhu wa kwembingu niyo atongela akagamba, kugwa, kugwa Babeli mkulu, weye uwanywesize izisi zose mpmbe ya kugonya, mpombe ikuleta maya yakulanga uwo. ⁹ Mndima mtuhu wa katatu niyo awatongela niyo alonga kwa iawi kulu, yoyose akunga amvikile uyo kala ne ditukulu dyakwe, na kuhokela chiwalo mwe chinengo cho uso wakwe hegu mo mkono, ¹⁰ yeye naye nanywe ipmbe ya amaya ya Chohile, mpombe idamanywe na kwitilwa bila kuganganywa mwe ichikombe cha amaya yakwe, mntu akunga anywe na asulumizwe na moto, na moyo wa chibiliti, ulongozi wa wandima wakukile na kulongozi kwa Mana ngoto. ¹¹ Naho umosi wo lulimi wawo nawite kale na kale naho hakuna kuhumula chilo na msi, awo wakuvikila idikala na iditukulu dyakwe na chila mntu ahokele ichiwala cha zina dyakwe. ¹² Uno ni mwitango wa kungojeza na ujijimizi wa wadya wazumile, wadya wakutongela lagizo dya Chohile na uzumizi mwa Yesu ¹³ Niyo neva izwi dikulawa ko ulanga dyagamba, dolonya yano afazali wakubanika wakatenda na Zumbe, heye alonga Muye, chani wapate kuhema kulawa mwe zindima zawe, kwaviya mbuli zawo zawatongela. ¹⁴ Sisinya niyo nawona nandile kuna ingu ding'aile, uyo ekale mwe dingu ni yumwenga ekale, ana Mwana mntu, andaga na chilemba cha zahabu mo mtwi wakwe na bamba dikukola mo mkono wakwe. ¹⁵ Mndima mtuhu wa kwembingu niyo eza, alawa kwe nyumba ye divikilo niyo etanga kwa izwi kulu aita kwa yudya ekale mwe dingu guha bamba dyako ukonge kuvuna, kwaviya chipindi cho kuvuna chibula kwaviya ulozo wi mwe isi ubula. ¹⁶ Naho yudya endaga mwe dingu niyo ajisa bamba dyakwe mlnga mwe isi niyo isi yavunwa. ¹⁷ Na mndima wa kwembingu mtuhu niyo eza, alawa kwe nyumba ye divikilo dya kwembingu, naye nandile ana bamba dikukola. ¹⁸ Bado niyo kweza mndima mtuhu alawa na kwe nchanja yo kuvikila ya Chohile, niyo mndima wa kwembigu endaga na udahi wa mbuli za moto niyo amwitanga mndima yudya endaga ne dibamba kali, guha bamba dikukola uyavune hamwenga matambi ya mzabibu kulawa mo mzabibu wa hasi kwaviya haluse zabibu ziva. ¹⁹ Mndima wa kwembingu niyo egala bamba dyakwe mwe isi, niyo achisanya ulozo wa zabibu za mwe isi niyo adula mwe pipa kulu dya mpombe ya maya ya Cohile. ²⁰ Fumbuilo dya impombe niyo dyahondwa hondwa kuse ko mzi niyo sakame yetika kulawa mwe icho chimo cha falasi na utalizwa wakwe maili magana matatu.