¹ Niyo naona mnyama kulaila kwe bahali, nendile na mahembe mlongo na mahembe mfungate, mwa mahwmbe yakwe nandile kuna taji mlongo, na mwa mo mtwi wakwe nendile na meno ya kumbela Chohile. ² Dino ni dikala niwone dyendaga suwi, viga vyakwe vyendaga dubu na mlomo wakwe wendaga simba diya idizoka niyo dyamwinka udahi, na mwe chiti chakwe cha uzumbe na udahi wakwe mkulu wa kuchimaila. ³ Umtwi we idikala dimwenga uwoneka una ngeu ikwile, ambayo dihosa file yakwe, mna usulumizwa kuwona mna isi yose niyo yamwehelwa niyo waditongela idikala. ⁴ Niyo wamvikila yudya zoka kwaviya kamwinka udahi uydya kala, niyo wadivikila idikala nadyo niyo wajendeleza kugamba, ni yuhi akwinga kala? Naho ni yuhi akudaha kutowana nadyo? ⁵ Kala niyo dyenkigwa mlomo chani dilonge mbuli za kwetunya na mahuluto, kenkwa udahi kwa miezi milongo mine na midi. ⁶ Ivyo yudya kala afungulwa umlomo wakwe, kulonga akahuluta kumlanga Chohile, niyo ahuluta idizina dyakwe, ikiwasa endaga akekala na wadya wakwikala ko ulanga. ⁷ Kala niyo dyenkwa luhenyo kutenda nkondo na wamzumile niyo dtawahuda, niyo enkwa udahi kulanga chila kabila, wantu, semi na isi. ⁸ Wose wakwikala mwe isi nawamvikile yeye, chila yumwenga hedolonywe idizina dyakwe kukongela ukumbwa kwe isi mwe chitabu cha ujima, icho cha Mwana ngoto, uyo achigiswe. ⁹ Uneva yoyose ana gutwi, dyakwiva neve. ¹⁰ Uneva yumwenga katahwa, kokutahwa nako niyo aita, uneva yumwenga na komwe na bamba naye nakome na bamba, uno ni mwitango wa utondowazi na ujijimizi na uzumuzi kwa awo wakukile. ¹¹ Naho niyo nawona kala dyeeza dyalawa mwe isi, ndyendaga na mahembe maidi saviya ngoto, niyo dyalonga saviya zoka. ¹² Kalagisa udahi wose mwe dikala dye nkongo mo udahi wakwe niyo watenda mwe isi na wadya wekale wakamvikila, diya kala dya nkongo dya ambadyo inkwenje yako ihona. ¹³ Niyo atenda mpituko zina udahi, hata niyo atenda moto usele mwe isi kulawa kwe mbingu ulongozi mwa wantu. ¹⁴ Naho kwa mpituko nadilekeilwa kudamanya, niyo dyawadanta awo wakwikala mwe isi dyawagambila kudamanya tukulu kwantunyo ye dikala ambadyo nadizubulw2a na bamba mna bado dyahema. ¹⁵ Nadilekeilwa kulavya muye mwe ditukulu, dya yudya kala, chani tukulu didahe kulonga na kuhosa wadya wose walemele kudivikila diya idikala wakomwe. ¹⁶ Naho niyo dyawatintisa chila yumwenga, hene yombe na mta udahi, mgoli na mchiwa alekeilwe naa mtumwa kuhokela vengelo mo mkono wa kulume hegu mwe chinengo. ¹⁷ Vyendaga havikudahika kutaga kwa chila mntu kugula, matavegelo dye dikala, ino nayo ni namba ikulagisa zina dye dikala. ¹⁸ Ino yonga umanyi, uneva yoyose ana umanyi mleke adahe kudamanya hesabu ya namba yedikala, kwaviya ni namba ya chimntu, namba yakwe ni 666.