¹ Nasigwa mwazi kwa kudamanya nkome ya kupimila nasigambigwa halawe ukapime vikilo dya Chohile hekuvikila na wadya wakulombeza mndani mwakwe. ² Mna usekuhima hantu ha uwa wa kuse hedivikilo kwaviya wenkigwa wantu we isi nawaujate umzi ukukile kwa chipindi cha miezi milongo mine na mbili. ³ Naniwenke waukuzi wangu udahi wa kuwona kwa chipindi cha mazuwa 1260, wakaenda wavala majuniya. ⁴ Wano waukuzi ni miti midi ya mizeituni na vinala vidi ambavyo vichimala kulongozi kwa Zumbe we isi. ⁵ Hegu mntu yoyose anaungannkuwalumiza moto walawa kwe milomo yawo na kuwalumiza wankondo wawo, yoyose akunga kuwalumiza aungigwa akomwe kwe isila ino. ⁶ Wano waukuzi wana udahi kuvugala chani mkugamba fula isekunya umo wakaotea, wana nguvu ya kuhituila mazi kutenda sakame na kuitowa isi kwa chila aina ya nkomano chipindi chose wakaunga. ⁷ Umo nawekale wabindiliza ukulonga kwawo yudya mnyama akulawa mwe bome hedina uhelo nadamanye nkondo kwa wao, nawahume na kuwakoma. ⁸ Mili yawo naigone mwe ikaya yo mzi umkulu uwo ufanane ukwitangwa Sodoma na Misili, uwo Zumbe ywawo kasulumizwa. ⁹ Kwamazuwa matatu na hadodo watuhu walawa mwe nkolo za wantu wankolo na kulonga kwa chila si nawasinye mili yawo naho hawalavye chibali kwikwa mwe mbila. ¹⁰ Wadya wakwikala mwe isi nawelelwe kwachausa chawo na kwesekeza na umo wakenkana ntunyo, kwaviya wowo waoni waidi wawasulumiza wadya wakwikala mwe isi. ¹¹ Mna aho ha mazuwa matatu na chidodo kuhema ko ujima kulawa kwa chohile nawengile nawo nawachimale kwa viga vyawo nkama itendese naiwagwele wadya wakuwasinya. ¹² Niyo neva izwi kulu kulawa kwe mbingu dikuwagamba, soni kuno nawo nawaite kulanga kwembingu mwe diwingu umo wankondo wawo wakasinya. ¹³ Umommwe dizuwa idyo nakutende na msingisiko naho wasigale wajima nawajelwe woga na kumwinka ukuka Chohile ywa kwembingu. ¹⁴ Kantilo dya kaidi dijnka kula kantilo dya katatu dyeza chinguvunguvu. ¹⁵ Naho mndima ywa kwembingu ywa mfungate niyo atowa gunda dyakwe izwi kulu dilonga kwembingu na kugamba, Useuta we isi wa Zumbe ywetu na wa Kulisito wakwe naalongoze kale na kale. ¹⁶ Naho wantu wadalahale milongo na midi na kane watendile wekala mwa mafumbi ya ukulu kulongozi kwa Chohile wagwa wenye hasi hesanga vinengo vyawo vifunama hasi nawo hawamsankanile Chohile. ¹⁷ Chalavya ntogozi zetu kwa yeye Zumbe Chohile chilongozi ywa kulanga kwa vyose uyo eyaho naho uyo neyaho kwaviya kaguha udahi wakwe mkulu wakukonga kulongoza. ¹⁸ We isi nawehiwa, mna usungu wako wiza chipindi chibula cha wabanike kukantilwa na wenye kuwenka ntunyo wandima wako waoni wakuhokele na wadya we mo kogoha mwe dizina dyakwe wose waidi hewekuwagila chintu na wenye udahi ne chipindi chako chibula cha kuwabalanga wadya nawakekala mo kubalanga isi. ¹⁹ Naho vikilo dya Chohile kwembingu nadigubulwa sanduku dya lagano dyakwe nadiwonwa mndani mwe divikilo dyakwe na kutenda na sese kulangaza, lwasu mbaula na mwe singisiko dyo msanga na mayuwe ya fula.