¹ Haluse mwe mazuwa yano. Umo uwazwa wa wanampina wakajenyela mag'ug'uziko ya Wayahudi Wayunani nayakonga vitendese Waibulaniya kwa viya wabanikilwe wowo naendile wakajalwa mwe kupangana chila zuwa mwe nkande. ² Wandima mlongo na waidi nawawetanga wakagamba "Siyo vyedi kwetu kuleka ulosi wa Chohile na kusankanila he meza. ³ Ivyo walukolo sagulani wagosi mfungate kulaila mgati mwenyu wantu waidi wamemile Muye ntunyo, yadya chikudaha kuwenka usankani uno. ⁴ Na suwe, najijendeleze mwe udumo kulombeza naho mwe kusankani ulosi." ⁵ Kulonga kwawo ni kongigwa ni idibunga dyose. Ivyo niyo wamsagula Sitefano. Mntu amemile utondowazi na Muye Ukukile na Filopo, Prokpro Nikanori Timoni, Parmena na Nikolao, azumile kulaila Antiokia. ⁶ Wazumile niyo wawegala wantu wano kulongozi kwa wasigilwa, walombeze na nyumani niyo wawaikiya imikono yawo. ⁷ Ivyo ulosi wa Chohile wenela na uwazwa wawanampina ujenyela uko Yerusalemu na ujenyelo mkulu wa walavyantambiko wauzumil utondowazi. ⁸ Na Stefano amemile wedi na udahi nandile akadamanya vikwehela na mbuli zilozize nkulu mgati mwa wantu. ⁹ Mna aho niyo wenukila wantu wasiku wasankani wa vikilo dikwitangwa Vikilo dya Ulekeilwa na dya Wakilene na dya Waskanderia na wasiku kulaila Kilikiya na Asiya. Wantu wano nawendile wakalosana na Stefano. ¹⁰ Mna hawadahile kuhigana no umanyi no Muye Ukukile umlongoze Stefano nandile akatenda kwe kulonga. ¹¹ Ukajika awafumbasa awatuhu wantu kwa chinyele kulonga, " Chiva Sitefano akalonga milosi ihiye kumlanga Musa na kumlanga Chohile." ¹² Wawasongaganya wantu wadalahale na wakudolonya niyo wambasa Stefano niyo wamgwila niyo wamwigala kulongozi kwe chitala ¹³ Niyo wawaleta waukule udanti walongile mntu yuno hakuleka kulonga ulosi wihiye vitendese mwe izintendele zino ukuka ne idilagizo. ¹⁴ Kwani suwe chimwiva akalonga kugamba yuno Yesu wa nazaleti nabalange hantu hano no kuzihitula izimbuli zetu chinkigwe ni Musa. ¹⁵ Chila yumwenga neyaho mwe chitala ahitula meso kumsinya Stefano naho wakumuwona uso wakwe nandile saviya mndima.