¹ Chipindi Petulo na Yohana wendaga wakalonga na wantu na walavyantambiko na wazumizi wa nyumba nkulu ya Chohile na Masadukayo wawabasize. ² Nandile nawehelwa vidala kwa viya Petulo na Yohana nendile wawkawhinya wanukulanga Yesu na kulonga mlanga mo uyuso wakwe kulawa kwa wabanike. ³ Nawawagila na kuwajela mwedijeleza kubula mtondo utimile kwa viya tayali itenda chisingi. ⁴ Mna wantu walozize nawendile weva ulosi niyo wauzumila naho mligano wawo wagosi wendile wazumizi na uliganyizwa saviya elufu shano. ⁵ Naho ize ibule mtondo nkanana itongele kugamba wakulu wawo wadalahala na wadolonya kwa hamwenga wadugana Yelusalemu. ⁶ Anasi mlavyantambiko mkulu atendaga eyaho na Kayafa na Yohana na Isikanda na wose wendile ni walukolo wamlavyantambiko mkulu. ⁷ Aho wendile wakatenda Petulo na Yohana hagati hawo niyo wauza kwa udahi wani hegu kwa zina dyani mdamanya idi. ⁸ Ukajika Petulo niyo aita kamema Muye Ukukile niyo awagambila nyuwe wakulu wa wantu na wadalahala ⁹ Saviya suwe nkananaya dyelo chauzwa kulanga ntendwa zedi zitendigwe kwa mntu yuno mnyonje kwambwani mtu yuno katendwa mjima? ¹⁰ Hembu dimanyike idyo kwenyu na kwa wantu wose mwe Izulaeli kugamba kwa zina dya Yesu Kulisito wa Nazaleti uyo asulumizwe uyo Chohile nakugamba mntu yuno achimale hano kulongozi kwenyu niyo aita mta ujima. ¹¹ Yesu Kulisito ni yuwe ambadyo ni yuwe wazesi na mdibela mna ditendwa kutenda yuwe kulu dya mnkanda. ¹² Hmna wambulwa mwa mntu mtuhu yoyose kwa viya hamna zina tuhu hasi ha isi wenkigwe wantu awo kwa idyo chadaha kwambulwa. ¹³ Haluse weze wawone ukankalu wa Petulo na Yohana na wabunkula kugamba nawendile na wantu wa kawida hawenaumanyi nawe3helwa niyo wamanya kugamba Petulo na Yohana nawendile na Yesu. ¹⁴ Kwa viya nawawona yadya mntu alongigwe kachimala hamwenga nawo na hawena chintu cha kulonga kujinka dino. ¹⁵ Mna aho wendile waheza kuwalonga wasigilwa wahalawe kulongozi kwe chigwena che chitala nawlonga wawo kwa wawo. ¹⁶ Wagamba nachiwatende mbwani awntu wano? Ni chindedi kugamba pintuko za maula yadamanyika kujinkila wawo umanyika na chila yumwenga akwikala Yelusalemu hachikudaha kudilemela idyo. ¹⁷ Mna chani kugamba ulosi uno usekujensesa umo mwa wantu hembu chiwafunde wasekulonga naho kwa mntu yoyose kwa zina dino dya Yesu. ¹⁸ Wawetanga Petulo na Yohana mndani na kuwagamba bule msekulonga naho msekuhinya kwa zinazz dya Yesu. ¹⁹ Mna Petulo na Yohana wawalandula na kuwagambaHegu ni vyedi mwa meso ya Chohile kuwatunya nyuwe kwibga Chohhile kantilani wenye. ²⁰ Kwaviya suwe hachikudaha kuleka ulosiambawo chiuwona na kuwiva. ²¹ Kwajika kuwafundisa Petulo na Yohana niyo wawaleka waite hawadahile kupata chausa chochose cha kuwakantila kwa viya wantu wose nawendile wakamtogola Chohile kwa chiya chidamanyike. ²² Mntu endile hahokela mpituko na uhonyi endaga na mihilimo mlongo mine. ²³ Umo wawalekeile, Petulo na Yohana niyo weza kwa wantu wawo na kuwagambila yose yadya walavyantambiko wakulu na wadalahala nendile wawagambila. ²⁴ Weze wayeve wenula maizwi yawo kwa hamwenga kwa Chohile na kugamba Zumbe weye umbile imbingu ne isi ne bahali na chila chintu chimndani mwakwe. ²⁵ Weye uyo kwa Muye Ukukile kwa mlomo wa tati yetu Daudi mtumwa ywako nakalonga kugamba ni wantu we izisi watenda maya wafanyanya mbuli hezikuwagila. ²⁶ Maseuta we isi wemalanya hamwenga na walongozi wechisanya hamwenga kumlanga Zumbe na kumlanga mungi wakwe. ²⁷ Ni chindedi wose Helode na Poitio Pilato hwamwenga na wantu wa mwe izisi na wantu wa Izulaeli nawadugana hamwenga mo mzi uno kumlanga mndima ywako mkuka Yesu uyo umhakile mavuta. ²⁸ Nawadugana kwa hamwenga kudamanya yose ayo umkono wakwe na mo ungi wakwe nakayalonga kukongela nkongo heyenati kulaila. ²⁹ Haluse Zumbe yakaule matiso yawo ukawajaliye wandima wako kuzilonga mbuli zako kwa ukankalu wose. ³⁰ Chani kugamba ukenula mkono wako kuhonya chilagiso na mpintuko vidahe kulaila kujinkila zina dya mndima ywako akukile Yesu. ³¹ Weze wabinde kulombeza hantu hadya wechisanye kwa hamwenga niyo dyasingiswa naho wose niyo wamema Muye Akukile naho walonga ulosi wa Chohil kwa ukankalu. ³² Fyo kulu dya wadya azumile nawendile na muye umwenga na roho imwenga naho hahali tata uymwenga ywawo alongile kugamba chochose akulongoza nachandile chakwe mwenye mna nawendile na vintu vyose vya hamwenga. ³³ Kwa udahi mkulu wasigilwa nawatenda wakulonga ukuzi wawo kuhusu uyuso wa Zumbe Yesu na wedi mkulu nautende mlanga mwawo wose. ³⁴ Nahehena mntu yoyose mgati mwawo ahungukilwe ni chintu kwa viya wantu wose nawendile na kalatasi za viwasa hegu ze zinyumba nawavitanga na kwigala hela na vintu endile havitagigwe, ³⁵ nakuviga hasi he viga vya wasigilwa na upasi naudamanywakwa chila mzumizi kuligana na chila yumwenga ivyo endile akaunga. ³⁶ Yusufu, mavyantambiko, mntu kulaila Kipro, nakenkigwa zina dya Balinabasi na msigilwa ivyo ikagubulwa ni mwana ywa chinyemi. ³⁷ Akatenda na nkonde nakaditaga naho niyo aleta hela, niyo azika hasi ha wasigilwa