¹ Eze amuliwe kugamba chaungwa kutamba kwa mazi kwita Italiya, nawamwinka Paolo na watalizwa watuhu kwa Afisa yumwenga ywa wankondo dya Chiloma eatangwe Julio ywa chipindi cha Augasitino. ² Niyo chakwela meli kulawa Adlamitamu uyo nendile ikatamba mnkandankanda mwe pwani ya Asiya ivyo niyo chingila mwe ibahali Alisitaka kulawa Sesalonike ya Makedoniya kaita hamwenga na suwe. ³ Zuwa ditongele niyo chajela nanga mwo mzi wa Sidoni, ambapo Julio kamtenda Paolo kwa vyedi na ho niyo kamlekeila kwita kwa wambuya zakwe kuhokela vyedi vyawe. ⁴ Kulawa aho chita kwe bahali niyo chatamba kuzunguluka chisiwa cha Kipulo ambacho nendile kichugiza mpeho kwaviya ni mpeho nendile ikachunga. ⁵ Bda ya kutenda chitamba mwa mazi yehajihi na Kilikiya na Pamfiliya chiza mila mo mzi wa Lisiya. ⁶ Ahadya yudya afisa ywa wankondo wa Chiloma kaibwila imeli kulawa alesandaliya ambayo naikatamba kwita Italiya niyo achikweza mndani mwakwe. ⁷ Bada ya kutenda chitamba npalahole npalahole kwa mazuwa yalozize kutegemeya kugamba chibula kwa nkunto hajihi na Kinidas mpeho haikuchilekela naho kujendeleza isiya iyo, ivyo chitamba mnkandamnkanda mwe chizuli cha Ktete chikaichinga impeho, mkabala na Slimone. ⁸ Niyo chatamba mnkandankanda mwe pwani kwa kutoga mpaka chibula hantu hetangweFalihaveini ambayo ihajihi na mzi wa Lasi ⁹ Nendile chiguha chipindi chingi vidala na chipindi cha kufunga, kwa Chiyahudi nendile b ijinka nayo, na haluse nednile kwatisa kujendeleza kutamba ivyo Paolo kachihaza. ¹⁰ N kulonga wagosi nawona kutamba ambayo chaungwa chiguhe naitende na mazala na hasala zilozize siyo du yemizigo na imeli mna hata ujima wetu ¹¹ Mna Afisa ywa wankondo wa Chiloma kamwetegeleza vidala Zumbe dyakwe akalongoza imeli kuliko mabuli yadya ambayo nayalongwa ni Paolo. ¹² Kwaviya ibandali haikale hantu hahufu kwikala chipindi cha mpeho mabahaliya walozize walavya mawazo, kutamba kulawa hadya, chani kwa vyovyose chidahe kubwila umzi wa Foinike, chikale hadya, chipindi cha mpeho Foinike ni bahali iyuko, Kilete naho yaisinya Kasikazini ulailo wa zuwa na kusini mashaliki. ¹³ Mpeho ya kusini ize ikonge kwepeta mpalahole, mabahaliya wafanyanya wapata chiya ambacho nendile wakachunga, wakango'la inanga na kutamba mnkandankanda mwe Kilete hajihi ne pwani. ¹⁴ Mna bada ya chipindi chijihi mpeho nkali itwangwe ya kasikazini mashaliki ukonga kuchitowa kulawa hakagulu ke chisiwa. ¹⁵ Chipindi imeli izamilwa na kusindwa kuchinda impeho niyo chevana ne hali iyo chitamba nawo. ¹⁶ Chize chisogele kujinkila idya intendele nendile ikachinga mpeho kwe chisiwa chikwitangwa kaunda naho kwa nkunto vidala chipata kukombolwa idihondo. ¹⁷ Bada ya kutenda waivuta, nawatumiya luzigi kuifunga imeli, wogoha kugamba, hegu nachidaha kwita wenye hantu hadya msanga ulozize wa Syiti, ivyo waseleza inanga na kwendesha mnkandamnkanda. ¹⁸ Chitoigwa kwa nguvu ni zuluba iyo idizuwa ditongele mabahaliya wakonga kudula imizigo kulawa mwe meli. ¹⁹ Zuwa dya katatu , mabahaliya wakonga kuyausa amazi kwa miko yawo wenye. ²⁰ Chipindi ambacho zuwa na ntondo hazikuchakila kwa mazuwa yalozize, bado zuluba nkulu ichitowa, na kwekawila kugamba chikombolwa nayo yalaile. ²¹ Bada ya kutenda waita chipindi chitali, bila nkande, aho Paolo niyo achimala hagati gati na mabahaliya akalonga, wagosi namkaungwa mnetegeleze naho hachang'oile nanga kulawa Kilete chani kupata mambuli na hasala. ²² Mna haluse nawahembeleza mwejele muye, kwaviya hachitende chaga kwa ujima hagati hetu, ukaleka hasala ye imeli yetu. ²³ Kwaviya ichilo chize chijinke wandima wa Chohile, amabawo uyo Chohile miye ni ywakwe na ambaye namsankanila naye wandima wakwe wachimala hentendele yangu. ²⁴ VNakulonga, usekogoha Paolo vyaungwa uchimale kulongozi kwa Kaisali, nakusinya, Chohile mwo wedi wakwe kakwinka wano wose ambawo watamba hamwenga naweye. ²⁵ Ivyo wagosi kwenkeni muye kwaviya chamzumila Chohile kugamba naikale saviya ivyo nigambilwe. ²⁶ MN vyaungwa chilumile kwa kutoigwa mwe visiwa visiku. ²⁷ Cize chibule chilo cha mlongo milongo mine nendile chikendeshwa uko na uko mwe bahali ya Adlatik, saviya chilo cha minane vino mabahaliya nawafanyanya kugamba wasogeila si inyaile . ²⁸ Nawajeseza miliyo kuhima utali wa mazi niyo wapata mita milongo mitatu na mtandatu, bada ya chipindi chitali wahima naho wapata mita milongo midi na mfungate. ²⁹ Niyo wogoha nkongo kugamba chadaha kuhamila mayuwe, ivyo niyo waseleza izinanga nne kulawa mwa hantu wakwiya nanga niyo walombeza kugamba mtondo nawize halaka. ³⁰ Wadya mabahaliya nendile wakalonda namna ya kuidamanya idya imeli nawaseleza mwa mazi mahondo yakukomboila ujima nawakewona kugamba wadula inanga kulawa hantu halongozi he dihondo. ³¹ Mna Paolo kamgambila yudya mnkondo ywa wankondo wa Chilumi na wadya wankondo hawakumdaha komboka isigale wano wantu nawahumule mwe meli. ³² Akaheza wadya wankondo, nawakaunga sigi za diya idihondo niyo wayasa iguhigwe ni mazi. ³³ Chpindi ulangazi wa mtondo umo ukelaviza Paolo awalombeza wose hata wadye chidogo akalonga idi idizuwa dya milongo mine mwangoja bila kudya hamdile chintu. ³⁴ Ivyo nawalombezani mguhe cha kudya chidogo kwaviya ino ni kwachausa cha kwikala kwenyu naho hakuna hata luvili limwenga lweimitwi yenyu lukunga lwage. ³⁵ Eze aheze kulonga ayo niyo aguha mgate niyo amtunya Chohile kulongozi kwa meso yawo chila mnyu akaheza niyo aubendula umgate niyo akonga kudya. ³⁶ Akaheza wose wajelwa muye nawo waguha nkande. ³⁷ Nendile chiwantu 276 mndani mwe imeli. ³⁸ Weze waheze kudya vya kuchinta wadamanya imeli ihuha kwa kudula ngano mndani mwe ibahali ³⁹ Ize ibule nomsi hawabunkule isi inyaile mna niyo wawona hantu he isi inyaile ingile mazi nendile ina msnga ulozize wakalosana saviya nawadahe kwendesha imeli kuelekeya aho. ⁴⁰ Ivyo niyo waztohola izinanga niyo wazasa mwe ibahali mwe ichipindi icho icho wazitohola izisigi ze izinanga niyo wenula hantu ha kulongozi kwelekeya kwe impeho ivyo waonya kwaho ahantu hano umsanga ulozize. ⁴¹ Mna weze weze ahantu aho makolongo maidi ya mazi yadugana niyo imeli ingila ko msanga naho hadya ahantu halongozi he meli nahakwama hadya haikudaha kulawa mna hantu halongole he meli hakonga kuvunika kwa chausa cha mpula ya mayumbi. ⁴² Mpango wa wadya wankondo nandile ni kuwakoma wakantilwe chani kugamba hakuna ambaye nakadaha kogela na kusumka. ⁴³ Mna uydya mnkondo we nkondo wa Chiloma nakaunga kumkombolaPaolo ivyo niyo kauchimalisa umpango uwo na kuwagamba wadya ambawo wadaha kogela wapilike kulawa mwe meli nkongo waite isi inyaile. ⁴⁴ Naho wagosi watuhu nawatongele watuhu kulawa mwe vipande vya mabawo na watuhu kulanga kwe ivitu ivituhu kulawa mwe meli kwe isila ino nailaile kugamba wose nawabule vyedi kwe isi inyaile.