¹ Chize chibuze mpeho, nachimanya kugamba, chisiwa chetangwa Malta. ² Watu wakaya wa hadya sio du kugamba, nawachitunya, mna nawawasha moto na kuchihokela chose, kwa chausa cha fula na mpeho yandile ikajendeleza. ³ Mna Paolo nakatenda kachisanya chisa dya na kuzika mo moto, nyoka ndodo yenye usungu niyo yafosa mwe ziya izinkuni kwaviya na kuna joto niyo yezingiliza mo mkono wakwe. ⁴ Wantu wakaya wa hadya weze wawone mnyama aningila kulaila ko mkono wakwe, niyo walosana wawo kwa wawo, Mntu yuno chindedi ni mkomi uyo asumke kwe bahali, mna wagilwa haukumleka ekale. ⁵ Mna uyo niyo atula uyo umnyama mo moto naho hapatile ubanasi wowose. ⁶ Awo nawakagoja atuntumke kwa homa hegu agwe chipumpa na kubanika. Mna wamsinya chipindi chitali, na kuwona kugamba hakuna mbuli ambayo sio ya mazwela kwakwe, nawahituila izifanyanyi zawo na kugamba, nandile ni chohile. ⁷ Ivyo hantu hadya hajihi nahana nkonde iyo yendile ugoli wa mkulu ywa chisiwa, mntu etangwe, Pablio. nakachihokela na kuchikuchikalimu kwa mazuwa matatu. ⁸ Nailaila kugamba tate ywa Pablio nakatozwa ni homa na unyonje wa misango. Naho Paolo eze amwitile niyo alombeza, niyo aika imikono mlanga mwakwe, na kumhonya. ⁹ Bada ya dino kulaila, wantu watuhu hadya hechisiwa wendile wakalumwa niyo waita na kuwahonya. ¹⁰ Wantu wachitunya kwa ntunyo zilozize. Aho chindeile chikamalanya kutamba, nachinka viya nendile chikavyunga. ¹¹ Bada ya miyezi mitatu, nachkatamba mndani na meli ya Isikanda iyo yendile itoigwe ni mpeho aho hechisiwa, iyo vilongozi wakwe nawendile ni walukolo wadi mapacha. ¹² Bada ya kubula ho mzi wa Sirakusa, nachikala hadta mazuwa matatu. ¹³ Kulaila hadya nachitamba kubula mo mzi wa Legio. Bada ya zuwa dimwenga, mpeho ya kusini ilaila chipumpa, naho bada ya mazuwa maidi niyo chabula mo mzi wa Putoli. ¹⁴ Uko chiwambwila walukolo wasiku na wachihokela chikale nawo kwa mazuwa mfungate. kwa sila ino niyo cheza Lumi. ¹⁵ Kulawa uko wadya walukolo bada ya kwiva mbuli zetu, niyo weza kuchisingila uko kwe idigwilo dya Apiyo na hoteli ntatu. Paolo eze awawone wadya walukolo niyo amhobgeza Chohile kejela ukankalu. ¹⁶ Chize chingile Lumi, Paolo kazumilwa kwikala ichedu hamwenga na yudya mnkondo nendile akamwamila. ¹⁷ Ivyo uneva bada ya mazuwa matatu Paolo kawtanga hamwenga wadya wagosi wendile vilongozi mgati mwa Wayahudi. Weze weze hamwenga niyo agamba, kwawo Walukolo hamwenga kugamba sidamanye lema dyodyose kwa wantu wano hegu kudamanya chinyume cha mazwela ya watati zenyu wachilongoile, silavigwa saviya mfungwa kulawa Yelusalemu kubula mwe imikono ya Walumi. ¹⁸ Bada ya kunilaha nawabesa kunilekeila, kwa viya hahanene mbuli kwangu miye ikuniwagila nkanto dya file. ¹⁹ Mna wadya Wayahudi weze walonge chinyume viya wakunga, nasungwa kukanta lufaa lwa Kaisalia, hata hegu hayandile kugamba naegala malaho mwe isi yangu. ²⁰ Kwaviya sikanta nguvu kwa lufaa, ivyo, nasilombeza kumuwona na kulonga na nyuwe. Ni kwachausa cha chiya Izulaeli anaukamkalu nacho, sitalizwa ne chifungo chino. ²¹ Niyo wamgambila Hachiwahiye kuhokela baluwa ikulawa Yudeya ikukulanga weye, naho hakuna mlukolo ezile kulavya ulosi hegu kulonga mbuli yoyose ihiye ikukulanga weye. ²² Mna chaunga kwiva kulaila kwako wafanyanya mbwani kulanga dino idifyo ya wantu, kwa viya imanyika kwetu kugamba nalonga chinyume chila hantu. ²³ Aho nendile wakapanga zuwa kwa chausa chakwe, wantu walozize wongezekela nawamwizila hantu aho nendile akekala. Nakulonga idya imbuli kwawo na kuwagambila kulanga Uzumbe wa Chohile.Nakajeza kuwahembeleza kumlanga Yesu, kwaviya zose mbili zilawa mwe sigilizi za Musa na kulawa kwa wawoni, kukongela mtondo kubula chisingi. ²⁴ Bazi yawo wahembeleza kulanga mbuli ziya zilongigwe, mwa viya watuhu hawazumile. ²⁵ Aho washindigwe kwivana wawo kwa wawo, niyo wahalawa bada ya Paolo kuilonga imbuli ino imwenga, Muye akukile nakalonga vyedi kujinkila Isaya muoni kwa tati zetu. ²⁶ Nakalonga hita kwa wantu wano ugambe, kwa magutwi, nyuwe namwive, mna hamvikombaganye na kwa meso yenyu namuwone mna hamvimanye ²⁷ Kwachausa cha muye ya wantu wano mtenda wanyonje, magutwi yawo yeva kwa nkunto, wagubika meso yawo, na kwiva kwa magutwi yawo, na kukombaganya kwa muye yawo. na kuhituka naho, nasiwahonya . ²⁸ Ivyo, mwaungwa mvimanye kugamba uno wambulwa wa Chohile wigalwa kwa wantu wa izisi naho nawetegeleze (kauliusa msitali uno. ²⁹ Hadya nednile akalonga izimbuli zino, Wayahudi niyo wawalawa wakatenda na mahigano makulu mgati mwawo haimuli mwe ikalatasi yedi ya kale) ³⁰ Paolo nakekala mwe nyumba yakwe ya kupanga kwa mihilimo yose midi, na kuwahokela wose wezile kwakwe. ³¹ Nakatenda mlonga mbuli za seuta wa Chohile na nakatenda akahinya mbuli kulanga kwa Zumbe Yesu Kulisito kwa ukankalu wose. Hehena amchindile.