¹ Ivo Agripa akamgambila Paolo wenkigwa wegombele naho Paolo achulusa ywakwe egombela savino. ² Nechisingi mwenye kelelwa seuta Aglipa chani adamanye makanto yangu kuolgozi kwako dyelo mwe masa yose ya Wayahudi. ³ Vitendesae kwa viya weye kumanya vyedi mazwela ya Wayahudi no kuza ivyo unetegeleza na kulombeza kwa kujijimiza ⁴ chani Wayahudi wose wamanya viya nikale kukongela umbwanga wangu mwe isi yangu uko Yelusalemu. ⁵ Wanimanya kukongela nkongo nawakaungwa kuyeva hegu nasikala saviya Mfalisayo zehebu dina kuchimala mwe dini yetu. ⁶ Haluse sichimala hano nilahwe mwe mbuli miye nazisinya sigilizi endile Chohile nakaidamanya na tati yetu. ⁷ Ino isigilizi yendile amakabila yetu mlongo na maidi yakusinya kuhokela saviya wakumvikila Chohile vidala chilo na msi nikwa viya kusinya dino zumbe Aglipa hegu Wayahudi nawanilahe. ⁸ Nmbwani yoyose mwe nyuwe afanyanya ni kwehelwa kugamba Chohile auyusa wabanike? ⁹ Ichipindi ichituhu nahafanyanya mwenye kugamba nadamanya mbuli zilozize zikuhigana ne idizina dya Yesu wa Nazaleti. ¹⁰ Nasdamanya yano mwe Yelusalemu nasiwataliza wazumile walozize mwe digeleza naho nendile na udahi kulaila kwe wakuklu na walavyantambiko kudamanya ivyo ne chipindi wakomwa nasitowa usagulo kijinka yawo. ¹¹ Nkanana zose siwakantila mwe izinyumba zo kuvikila zose naho sijeza kuwadamanya waleke kuzumila kwawo nina maya vidala mwawo na kuwabalaza hata mwe mizi yo ujeni. ¹² Umo nendile hadamanya vino nasita Damesikihatenda na udahi na malagizo kulawa kwa mlavyatambiko mkulu. ¹³ Nendile mwe isila umo nomsi Zumbe siwona ung'azi kulawa mo ulanga ukujinka idizuwa nendile ung'ala kuchizunguluka miye na wantu nendile chikatamba hamwenga. ¹⁴ Suwe chose chize chilagale hasi nasiva izwi dikulonga na miye dikugamba mwe luga ya Chiebulaniya Sauli, Sauli ni mbwani ukunijela maya? ni vidala weye kutowa mateke mchokolo. ¹⁵ Nivyo nalonga weye ni weye yuhi Zumbe? Zumbe ahitula miye ni Yesu ukunisulumiza. ¹⁶ Haluse inuka uchimale kwa viga vyako kwa viya mwe akasidi kano miye siwonekana kwako sikusagula kugamba utende mndima na mukuzi mwe mbuli ambazo kumanya kugamba miye haluse na mbuli nahulagise mazuwa yakutimila. ¹⁷ naho nahugombele kulaila mwe wantu we izisi ambazo nahusigile. ¹⁸ kugumbula meso yawo na kuwalavya kwe chiza kwita ko ung'azi na kulawa mwe udahi wa mwavu wamhitukila Chohile chani wamhokele kulawa mwa Chohile kulekeilwa masa na kuhokela hantu hawo ambaho siwenka wadya niwasagule kwa uzumizi wendile kwangu. ¹⁹ Ivyo zumbe Aglipa sungile nihigane na uwoni wo ulanga. ²⁰ Mna kwa wadya weyuko Damesiki bosi, naho ukajika Yelusalemu ne isi yose ya Yudeya naho kwa wantu wa si ntuhu silonga kugamba waile na kumhitukila Chohile wadamanye viya vikunga ntendwa wausizwe masa. ²¹ Ni kwa vino awo Wayahudi nawanigwilaa umo ni mwe nyumba nkulu ya Chohile niyo wazenga kunikoma. ²² Chohile kanambiza hata vino haluse ivyo nachimala na kuukula mwe wantu wa mazwela na kwa wadya wakulu mwa yadya endile wawoni na Musa nawlonga nayalaile naho siyo vituhu. ²³ Kugamba Kulisito aungwa asulumizwe naho natende wa nkongo kuuyuka na kulonga ung'azi kwe Wayahudi na wantu we izisi. ²⁴ Paolo eze abinde kwegombela Festo nakalonga kwa izwi nkuluPaolo weye wi mchilalu ukusomesa kwako kwakutenda mchilalu. ²⁵ Mna Paolo niyo alonga miye suyo mchilalu mtunywa Festo mna kwe mukankalu nalonga ulosi wa chindedi ichodu. ²⁶ Kwa viya Zumbe kamanya izimbuli zino naho ivyo nalonga chindedi kwakwe kwa viyab ninachindedi kugamba hamna dyodyose difisigwe kwakwe kwa viya dino hadidamanywe hankanda. ²⁷ Haluse nawazumila wawoni Zumbe Aglipa ? simanya kugamba wawzumila. ²⁸ Aglipa niyo amgamba Paolo mwe chipindi chiguhi wadaha kunihembeleza miye kunitenda mkulisito? ²⁹ Paolo amgamba namlombeza Chohile kugamba kwa chipindio chiguhi hegu chitali siyo weye du mna hata wose wakunetegelaza dyelo watenda saviya miye mna bila ino iminyolo ya idigeleza ³⁰ Zumbe niyo achimala na liwali Belinike hamwenga na na wadya nednile wekala hamwenga nawo ³¹ Weze wahalawe he nyumba yo kudugana wasimwila wow nw wowo na kulonga mntu yuno haikungigwa akomwe hata chifungo. ³² Aglipa amgamba Fesito mntu yuno nakaungwa alekelwe hegu hakunga kwegombela mwa Kaisali