¹ Niyo Fesito engila mo mzi uwo na bada ya mazuwa matatu nakaita kulaila Kaisaliya kubula Yelusalemu. ² Mlavyantambiko mkulu wa Wayahudi amanyike waleta ulahi kumlanga Paolo kwa Fesito naho nawalonga kwa udahi wa Fesito. ³ Naho niyo wamlobeza Fesito kuwambiza mwe mbili za Paolo apate kumwitanga Yelusalemu chani wadahe kumkoma mwe sila. ⁴ Mna Fesito ahitula kugamba Paolo nakatenda mfungwa mwe Kaisaliya na kugamba yeye mwenye naho auye uko halaka. ⁵ Nakagamba kwa ivyo wadya ambawo wadaha, wadaha kwita uko na suwe. Hegu kuna chintu chihiye kwa mntu yuno mwaungwa kumlongeleza. ⁶ Bada ya kwikala mazuwa nane hegu mlongo mbeleni niyo auya Kaisaliya na zuwa ditimile niyo ekala mwe chiti che nkato na kuwalonga Paolo egalwe kwakwe. ⁷ Eze abule Wayahudi kulawa Yelusalemu niyo wachimala hajihi niyo walavya ulahi mwingi uzamile ambawo udunduge kulagisa ichindedi. ⁸ Paolo egombela na kulonga siyo kujinkila zina dya Wayahudi siyo kulonga nyumba ya ntambiko na mlanga mwa Zumbe ywa Chilumi sidamanya yehiye. ⁹ Mna Fesito nakamanya kugamba egombela kwa Wayahudi ivyo niyo amlandula Paolo kwa kugamba vino waunga kwita Yelusalemu na kukantila kanto na miye kulanga mbuli zino za kuno? ¹⁰ Paolo niyo alonga nachimala kulongozi kwe chiti che nkato cha Zumbe ambaho naungwa kukantilwa nkanto siwabalanga wayahudi, saviya weye, ukumanya vyedi ¹¹ Uneva sibalanga naho sidamanya chikungwa nikomwe, sikulemela kukomwa, mna uneva amalaho yawo siyo chintu, hamna mntu akudaha kuninkiza kwawo, namlombeza Kaisaliya. ¹² Bada Fesito kulonga ne chitala niyo ahitula, Wamlombeza seuta wa Chilumi, nawite kwa seuta ¹³ Bada ya mazuwa yatimile, Seuta Agilipa na Belinike wabula Kaisaliya kudamanya ziala rasimi kwa Fesito. ¹⁴ Bada ya kwikala aho kwa mazuwa yalozize, Fesito niyo enkiza masa ya Paolo kwa Seuta, akalonga mntu uymwenga nakasigwa hano na Feliki saviya afungigwe. ¹⁵ Aho nendile Yelusalemu walavyatambiko wakulu na wadalahala wa Wayahudi nawaleta ulahi mlanga mo mntu yuno mwangu nawo niyo wauza ino ikanto yakwe. ¹⁶ Kwaivyo miye siwahitula kugamba, siwo mazwela ya Walumi kumlavya mntu kwa kweungila bada yakwe akulahwa aungwa kutenda na luhenyo wa kuwasogeila walahi wakwe na kwegombeila yadya akulahigwa. ¹⁷ Ivyo aho wezile hamwenga hano sidahile kugoja mna zuwa ditongele niyo nekala mwe chiti che kanto na kuwagamba mntu yuno wamlete mndani. ¹⁸ Viya walahi weze wachimale na kumlaha nahafanyanya kugamba hawana malaho makulu yaletigwe mwakwe. ¹⁹ Bada yakwe nawatenda na mahigano masiku hamwenga na naye kulanga dini yawo na kumlanga Yesu uyo nandile kabanikqa mna Paolo amgamba achei mjima. ²⁰ Nandile sigubikwa kwaviya hupelemba mbuli ino naho niyo namuza uneva naita Yelusalemu kukantilwa kanto mwe mbuli ino. ²¹ Mna Paolo eze etangwe aikwe hasi ho wamizi maw viya alamule seita nasiwagamba aikwe kubula aho nanimwigalle kwa Kaisali mkulu ywa Kilumi ²² Agilipa nakalonga na Fesito nahaunga naho kumwetegeleza mntu yuno "Fesito niyo alonga "luvi noumtegeleze." ²³ Ivyo luvi dyakwe Agilipa na Benike niyo wabula na chinyemi chilozize, wabula mo ulwazo wa wakulu wa chinkondo na wantu wamanyike wa mzi wa Fesito, eze alavye lagiso Paolo niyo aletwa kwawo. ²⁴ Fesito niyo alonga Seuta Aglipa na wantu wose ambawo wehano hamwenga na suwi mwamlombeza mntu yuno, bunga dyose dya Wayahudi uko Yelusalemu hano waunga awatigiza nawo niyo watula ulawsu mwangu wakagamba, asekutenda mjima. ²⁵ Nasiwona kugamba hadamanye dyodyose kumunga wamkome mna kwaviya kamwitanga Seutasunga kumwigala kwakwe. ²⁶ Mna sina chintu chedi cha kumwandikila Seuta. Kwaivyo simwigala kwako naho mwako weye Seuta Agilipa chani chipate kumwandikila kulanga laho. ²⁷ Kwaviya nawawawona hamwina mana kumwigala mfungwa naho hahena kumlagisa mlaho ukumlanga.