¹ Yakajika mazuwa mashano Ananiya mlavyantambiko mkulu wadalahala wsiku na mlongi yumwenga akwitangwa Tertulo niyo waita hadya . wantu wano wegala mafuzumo kumlanga Paolo kwa gavana. ² Paolo eze achimale kulongozi kwa gavana Tertulo niyo akonga kumkantila na kumgamba gavana kwa chausa cha wehiye china urondowazi mkulu na kwa wawoni wako wegala mahitulo matana mwe isi yetu. ³ Ivyo kwa ntogozi zose chahokela chila mntu chiya akudamanya Ndamsa mtunywa Feliki. ⁴ Mna nisekuwasokeza vikutendesa nagamba unitegeleze milosi mijeche mwe ivyedi vyako. ⁵ Kwaviya chipata mntu yuno mnkumbuzi naho ni chilongozi gwa mazehebu ya wanazalayo(Kaulisa hantu ha milosi msitali uno 24: 6 ⁶ Naho nakajeza kudijela vikilo ubanasi niyochamgwila haumuli mwezi nakala zedi za kale).(Kaulisa msitali uno ⁷ Lisiasi afisa nakeza naho niyo aguha kwa nguvu mwe mikono yetu hamuli mwe ikalatasi ntana za mawandiko ya chikale. ⁸ Ukamuza Paolo mwa amabuli yano hakudaha kwe hinya ni chintu chani chikumkantila. ⁹ Wayahudi nawo niyo wamshitakiya Paolo wakalonga kugamba yano amabuli na niya chindedi. ¹⁰ Liwali niyo ampungiya mkono chani Paolo alonge Paolo niyo alandula simanya kugamba kwe imihilimo ilozoze nendile wi mlamuzi we isi iyno naho selelewa kwelongila mwenye kwako. ¹¹ Wadaha kukaula kugamba hayajinikle mazuwa yongezekele milongo na midi kukongela nikweile kwita kuvika Yelusalemu. ¹² Naho weze wanibwile mwe inyumba yo kuvikila sihigane na mntu yoyose sidamanye nkumbizi mo mdugano hegu mwo kuvikila hegu mndani mo mzi. ¹³ Hegu hawakudaha kuhakikisha mwa mashitaka wakunishitaki kujinka miye. ¹⁴ Mna nazumila dino kwako na kugamba kwe isila iyo ambayo awitanga zehebu kwe isila iyo iyo nanimtunye Chohile ywa tate ywetu miye ni mchindedi kwa yode yeyuko kwembingu na mawandiko ya wawoni. ¹⁵ Nina ukankalu udya udya wa Chohile uwo hata wadya nawo waungojeza kwiza kwa uyuso wa wabanike kwa wose wene vyedi na hewene vyedi nawo. ¹⁶ Na kwa dino nadamanya ndima chani nitende na kunga hekwine matata kulongozi kwa Chohile na kulongozi kwa wantu kijinkila mbuli yose. ¹⁷ Haluse bada ya mazuwa yalozize siza kuwegaila wambizo kweisi yangu na majeleko ya hela. ¹⁸ Sidamanya vino Wayahudi wefisize wa Asiya wanibwila kundani kwe inyinka ya ukukua kundani kwe inyumba ya kuvikila ukaleka mbuga dya wantu wata vulugu. ¹⁹ Wantu wano ambawo waungwa kwikala kulongozi kwakwe haluse3 ivi nawalonge chiya wananacho kulanga kwangu hegu wana ulosi wowose. ²⁰ Hegu wantu wano wenye nawlonge ubanasi wa uwone kwangu bviya nichimale bkulongozi kwe idibalaza dya Kiyahudi. ²¹ Hegu kwa chausa cha wantu chimwenga chiya nilongile kwa izwi chipindi sichimala hagati gati ni kwachausa cha uyuso wa wabanike nyuwe mwanikantila. ²² Feliki nendile kabwilwa vyedi kuhusu isila ya kujisa umdugano akalonga Lisiya Jemadali akonga eze hasi kulawa Yelusalemu ninalavye ulamuzi kwa chausa cha mashitaka yenyu. ²³ Niyo amgamba Akida amwamile Paolo mna atende atende na luhenyo hata asekutenda mntu wa kuwachokolesa wambuya zakwe wasekumbize naho wasekunitalamkila. ²⁴ Bada ya mazuwa heyekumanyika Fekliki niyo kauya Dulusila mkaziwe nendile ni Myahudi niyo kamtuma kumwitwnga Paolo na kumwetegeleza kulawa kwawke mbuli za nutondowazi kundani kwa Kulisito Yesu. ²⁵ Mna Paolo chipindi akalosana naye kuhusu wawagilwa kutenda na chidogo na kanto ikwizaFeliki kapata bumbuwazi akahitula hita hale kwa haluse mna hapata muda naho nahwitange. ²⁶ Chipindi ichino ichino nakategemeya kugamba Paolo namwunke katundu kwa viya amwitange nkanana zilozize akalonga naye. ²⁷ Mna mazuwa maidi yeze yajinke Polikio Fesito niyo wakatenda liwali bada ya Feliki mna Feliki nakaunga kwekombeleza kwa Wayahudi ivyo kamwasa Paolo hasi he kwamilwa.