¹ Chipindi nandile chilekana nawo naho chaita kwe bahali chibula chululu kwe mzi mzi wa Kosi luvi yakwe. chibula mzi wa Lado na kulawa uko chibula mzi wa Patala. ² Eze chipate meli ikudaluka Foinike, chipata chitamba. ³ Eze chibule kulongozi kwe chisiwa cha Kiplo, chiyasa ntendele ya kumoso, chitamba kubula Siliya chika nanga ho mzi wa Tilo, kwaviya uko nuko meli nandile ipakuliwe shehena zakwe. ⁴ Bada ya kuwawona wanmpina, chikala uko mzuwa mfungate, wanampina wano wamgambaPaolo kujinkila kwa muye kugamba uyo asekujata Yelusalemu. ⁵ Eze chibuze mazuwa yadya suwe chihalawa chita zetu, wose hamwenga na wavyele wawo na wana wawo wachindikiza mwe izisila zetu kubula chlawa kuse mo mzi niyo chafikaa madi pwani chalombeza chilagana chila yumwenga. ⁶ Chipanda meli , kuno nawo wauya kukaya mwawo naho. ⁷ Mna eze chibinde intambo yetu kulawa Tilo chibula Tolema hadya chilamsa walukolo, na kwikala nawo kwa zuwa dimwenga. ⁸ Luvi dyakwe chihalawa chita Kaisaliya suwe chingila mwe nyumba ya Filipo mlonga ulosi, nendile ni yumwenga mwa wadya mfungate suwe chikala hamwenga naye. ⁹ Mntu yuno nendile ana wachiche wane vigoli awo waoni. ¹⁰ Bada ya kwikala uko kwa chipindi cha zuwa niyo asela kulawa Uyahudi muoni yumwenga etangwa Agabo. ¹¹ Uyo nakeza kwetu niyo auguha umkanda wa Paolo, kwa uwo kefunga mwe viga na mwe mikono yakwe mwenye niyo agamba, Muye Ukukile agamba vino,Wayahudi wa Yelusalemu nawamfunge mntu mwikazi mo mkanda naho nawamwinke mwe mikono ya wantu we isi. ¹² Eze chive izimbuli izo suwe na wantu nandile wakekala hantu hadya chimfunda Paolo asekukwela kwita Yelusalemu. ¹³ Nivyo Paolo amlandula, mwatenda mbwani mwailani kuvuna luhenyo lwangu? kwa tayali siyo du kunyinywa mna naho kubanika uko Yelusalemu kwa chausa cha zina dya Zumbe Yesu. ¹⁴ Kwa viya Paolo haungile kubembelezwa, chilekana kugamba, ivyo ungi wa Zumbe udamanyike. ¹⁵ Bada ya zuwa dino chiguha mifuko yetu naho chipanda Yelusalemu. ¹⁶ Wahinywa wasiku kulawa kaisaliya watongelana na suwe wamleta mntu yumwenga akwitangwa Mnasoni, mntu ywa Kiplo mhinywa ywa kale uyo chikale naye. ¹⁷ Eze chibule Yeluaslemu walukolo wachihokela kwa kwelelwa. ¹⁸ Luvi dyakwe Paolo kaita hamwenga na suwe kwa Yakobo na wadalahala wose naweyaho. ¹⁹ Bada ya kuwalamsa kawenka ulosi umwenga badaya wa mntuhu wa mbuli ziya Chohile adamanye mndani mwa walungwana kwa kujinkila indima yakwe. ²⁰ Mna weze weve ayo, wamtunya Chohile na kumgamba wawawona walukolo magana mengahi wazumile mgati mwa Wayahudi. Awo wose waunga kutoza lagizo ²¹ Wagambilwa kuhusu wehiye kugamba wahinywa Wayahudi wakwikala mwa walungwana ukaleka Musa na kugamba wawagambila wasekuwajela ngasu wana wawo naho wasekutimila mila za chikale. ²² Chaungwa chitende mbwani ukaleka nkama na weve kugamba wihiye kwiza. ²³ Ivyo damanya chiya chikukugambila haluse china wantu wane awo waika cheliso. ²⁴ Waguhe wantu wano nawesunte wenye hamwenga nawo, uwalihile izigalama zawo, chani wadahe kuwegula imitwi yawo, ivyo chila yumwenga apate kumanyab kugamba mbuli wagambilwe kuhusu wehiye ni lulimi nawehinye kugamba wehiye nawo watongela lagizo. ²⁵ Mna kwa habali za walungwana ambao watenda watimila chidolonya na kulavya maalagizo kugamba waungwa kwenega na vintu vilavigwe kafala kwa masanamu na sakame kulawana chila chisigitwe naho wenega kutenda uovyo. ²⁶ Nivyo Paolo awaguha wana chilume na zuwa dya kaidi kesunta mwenye hamwenga awo niyo engila mwe nyumba ye ntambiko, kulonga chipindi cha zuwa dya kwesunta kubula ilavigwe kwa chausa chila yumwenga wawo. ²⁷ Mzuwa ayo mfungate zize zibule kukomelezekela Wayahudi wasiku kulaila Asiya wamuwona Polo mwe nyumba ye idivikilo na madugano niyo wehiwa niyo wamnyolosela mikono. ²⁸ Nendile wakatula ulwasu wantu wa Izulaeli, chambizeni, yuno ni yudya mntu akuwahinya wantu chila hantu mbuli ambazo ni chinyume na wantu, lagizo na hantu hano. Naho kawaleta Wayunani mwe divikilo na kuhabalanga hantu hano hakukile. ²⁹ Kwaviya aho nkongo nandile wamuwonaTilofilo Muefeso akatenda hamwenga naye mo mzi, nawo nawakamanya kugamba Paolo amleta mwe idivikilo. ³⁰ Mzi wose nandile na tukiza na wantu niyo waguluka hamwenga na kumgwila Paolo. wamlavya kuse mwedivikilo naho izinyivi niyo wazivugala. ³¹ Chipindi wakajeza kumkoma ulosi umbwila umkulu we nkondo na wamizi kugamba Yelusalemu yose imema ngavungavu. ³² Ivyo, niyo waguha wankondo na wakankalu niyo augulukila idibunga. chipindi mntu eze amuwone mkulu ywe nkondo na wankondo, niyo waleka kmtowa Paolo. ³³ Niyo mkulu ywe nkondo amgogeila na kumtoza Paolo niyo amgamba utalizwe minyolo midi niyo amuza b weye wi yuhi naho kadamanya mbwani? ³⁴ Wantu wasiku we isi nendile waguta chintu chino naho watuhu chituhu kwa viya mkankalu hakudha kuwagambila, chochose kwa chausa cha udya ulwasu niyo agamba Paolo aletwe mndani mwe ngome. ³⁵ Mna eze abule mwe ntandizo kahuhigwa ni mnkondo kwa chausa che isi. ³⁶ Mna isi na wantu wamtongela naho wajendeleza kutula ulawsu muse yuno. ³⁷ Paolo nendile akaletwa mndani mwe ngome, amgamba mkulu ywa wankondo nadaha hugambile, chintu? Yudya mkulu wa wankondo amgamba,Togola walonga Chiyunani? ³⁸ Togola weye suyo yudya Mmisili uyo nkongo nakalongoza ubanasi naho nakaguha wahigi magana mane mwe nyika. ³⁹ Paolo agamba miye ni Myahudi kulawa mzi wa Taso ya Kilikiya miye ni mkaya wo mzi umanyike. Nawalombezani mnileke nilonge na wantu. ⁴⁰ Chipindi mnkankalu amlekeile Paolo niyo achimala mwe ntantizo niyo alavya mpituko kwa wantu kwa mkono wakwe. Chipindi wanyamalise niyo atamwila nawo kwa Chieblaniya agamba,