¹ Bda ye ngavungavu kusila, Paolo kawetanga wahinyi, kuwajela moyo. Akajika niyo awalaga niyo ahalawa kwita Makedoniya. ² Naye eze ajinke izikaya izo, nandile akawajela moyo wazumile niyo engila Uyunani. ³ Bada ya yeye kutenda hadya me chipindi cha mazuwa matatu, njama zikigwa kumlanga yeye na Wayahudi chipindi akakalibia utafi kwa sila ya bahali kujendeleza shamu, ivyo nakaunga kuya kujinkila Makedoniya. ⁴ Wajesanya naye kubula Asia nandile Sopatulo mwana ywa Pilliho kulawa Beleya Alisitaliko na Tilofimo kulawa Asiya. ⁵ Mna wantu wano waheza kulonga nandile wachigoja Tilo. ⁶ Kwa sila ya bahali kulawa Fiipo hegu mazuwa ya migate heigwaduswe na mwa mazuwa mashano chiwabwila uko Tilo chikala uko kwa mazuwa mfungate. ⁷ Hata zuwa dya nkongo dya juma, aho nachandile chichitana hamwenga chani kuubesula mgate, Paolo alonga na wazumile, nandile kafanyanya kuhalawa luvi dykwe, mna niyo ajendeleza kutamwila nawo bula chilo chikulu. ⁸ Nandile kuna ta zilozize mdya mwe chumba cha kulanga icho chandile chidugane hamwenga. ⁹ mwe ididilisha nakwendile na mbwanga yumwenga akwitangwa Utiko, uyo nendile nakasinka. Paolo nendile akatamila kwa chipindi chitaliMbwanga yuno chipindi agonile niyo agwa hasi kulawa kwe golofa ya katatu niyo adondolwa akatenda kabanika. ¹⁰ Mna Paolo niyo asela hasi niyo achulusa mwenye mlanga mwakwe, nakumkumbatila niyo agamba, msekukanta tama kwaviya ni mjima ¹¹ Niyo akwela naho mwe digolofa niyo abendula mgate adya, bada ya kulonga nawo, kubula chilichilo niyo ahalawa. ¹² Niyo wamwigala yudya mbwanga akatenda emeso niyo wabweda vidala. ¹³ Suwe wenye chilonga kulongozi kwa Paolo kwa meli na chijenda Aso uko chipanga kumguha Paolo, chino nicho yeye mwenye nakaunga kudamanya kwa viya nakapanga kwita kujinkila mwe isi inyaile. ¹⁴ Eze achibwile uko Aso chimpakiya mwe meli chita mitilene. ¹⁵ Niyo suwe chengila kulawa uko na zuwa dya kaidi chibula ntendele ya kaidi mwe ichisiwa che chiyoo, zuwa ditongele chibula chisiwa cha samo, luvi dyakwe niyo chabula mzi wa Mileto. ¹⁶ Kwaviya Paolo nakaunga kutamba kujinkila Efeso naho kugamba asekujesa chipindi chochose mdya Asiya kwa viya nendile anahalaka kusunguza Yelusalemu kwa chausa cha zuwa dya Pentekose hegu navidahikana yeye kudamanya ivyo. ¹⁷ Kulawa Mileto katuma wantu kubula Efeso niyo awetanga wadalahala wa ntumba ye divikilo. ¹⁸ Eze wabule kwakwe awagamba, nyuwe wenye mmanya kukongela zuwa dya nkongo mjatile hano Asiya ivyo nendile ni kwenyu chipindi chose. ¹⁹ Simsankanila Zumbe kwa unyanyahala wose naho kwa mesozi, naho meso yanibwile miye kwa umanyi wa Wayahudi. ²⁰ Mwamanya ivyo simanyize kulonga kwenyu chintu chochose icho nandile hunga na ivyo miye mawahinyani chindedi ndedi naho kwita nyumba kwa nyumba. ²¹ Mwamanya ivyo miye nijendeleze kuwafunda Wayahudi na Wayunani kuhusu kweila kwa Chohile na utondowazi kwa Zumbe dyetu Yesu. ²² Haluse kaulisni miye hatenda na uzumizi Ukukile kwita yelusalemu, nisekumanya mbuli iyo nazinilaile miye uko. ²³ Mna kwa viya Muye Akukile aniukuila miye mwe chila mzi naho agamba kugamba minyolo na masulumizo nivyo vikunigoja. ²⁴ Mna miye sifanyanye kugamba wikazi wangu ni kwa sila yoyose ya ntana kwangu, na undima nihokele kulawa kwa Zumbe Yesu kuukula ulosi wedi wa Chohile. ²⁵ Naho haluse kaula kugamba wose, mgati mwa wadya nitile kuwagambila useuta hamuuone uso naho. ²⁶ Ivyo nawaukuila dyeloino, kugamba sina masa kwa sakame ya mntu yoyose. ²⁷ Kwaviya simanyize kulonga ungi wose wa Chohile ²⁸ Iyo msinyise mwenyu wenye na mwe bunga dyodyose idyo muye Akukule kawaikani nyuwe mtende wachimaila tendani na umanyi kudidima idibunga dya Zumbe idyo nadigulwa kwa sakame yakwe mwenye. ²⁹ Nammanya kugamnba bada ya kuhalawa miye makulimbago makali nayengile kwenyu wasekudifila mbazi idibunga. ³⁰ Namanya kugamba hata mgati mwenyu wenye wantu wasiku naweze na kugmba mbuli za kuzaganya, chani kuwavuta wanampina wawatimile wawo. ³¹ Ivyo mtende meso, kumbukani kugamba kwa mihilimo mitatu sidahile kuleka kuwahinya chila uymwenga wenyu kwa mesozi chilo na msi. ³² Ivyo haluse miye nawaika kwa Chohile, naho kwa ulosi wa wedi wakwe, uwo ukudaha kuwazenga na kuwenka ulisi hamwenga nawo wose wekigwe wakuka kwa Chohile. ³³ Sungile hela, zahabu, hegu suche. ³⁴ Mmanya nuywe wenye kugamba mikono ino, inipatila viya hunga mwenye, na viya wakunga wadya nendile hamwenga nawo. ³⁵ Mwe izimbuli zose nasiwenka mligano, ivyo vikungigwa muwambize wasokele kwa kudamanya ndima, na ivyo mkungigwa kukumbuka ulosi wa Zumbe Yesu, ulosi ambawo uyo wenye nakalonga ni vyedi kulavya kuliko kuhokela. ³⁶ Bada ya kulonga vino, nakafika madi niyo alombeza hamwenga nawo. ³⁷ Wose niyo waila vidala na kumgwela Paolo mwe singo na kumkumbatila. ³⁸ wengila ni chinyulu vidala kujinka yose kwa chausa cha chiya nendile alongile, kugamba kamwe hawauwone uso wakwe naho, ukajika niyo waita naye kwe melikebuni.