¹ Niyo kugamba Apolo aho nendile Koliso. Apolo niyo ajinka mlanga mwe isi na kubula mwe mzi wa Efeso. nambwila wanampina chiasi uko. ² Aolo amgambila, vino muhokela Muye Ukukile mwize mzumile? wamgamba bule, hachidahile hata kwiva mbuli za Muye Ukukile. ³ Paolo niyo alonga haluse nyuwe nambatizwa zeze? niyo wagamba, mo ubatizo wa Yohana. ⁴ Niyo Paolo awalandula Yohana nendile kabatiza ubatizo wa kweila masa yawo, niyo awagambila, wadya awantu kugamba wongigwa wazumile yudya akunga eze badala yakwe Yesu. ⁵ Wantu weze weve izimbuli zino niyo wabatizwa mwe zina dya Yesu. ⁶ Niyo vyatenda Paolo eze aike imikono yakwe mlanga mwao. Muye Ukukile eza mlanga mwawo niyo wakonga kulonga kwa milosi mijeni na uwoni. ⁷ Uhamwenga wawo wendile wagosi wakwinga mlongo na waidi ⁸ Paolo nakaita mwe izinyumba zo kuvikila niyo alonga kwa ukankalu mwe chipindi cha myezi mitatu., nendile akalongoza ntamulizi no kuwavuta wantu kuhusu mbuli zikumlanga Uzumbe wa Chohile. ⁹ Mna Wayahudi watuhu nendile wakabela naho hawakuzumila, nawakonga kulonga yehiye yakuhusu isila ya Kulisito kulongozi kwe bunga . Elo Paolo alekana nawo nakuwasumka wazumile hale nawo, naye niyo akonga kulonga chila zuwa mwe nyumba yo mdugano ya Tilano. ¹⁰ Ino ijendeleza mwe mihilimo midi mweivyo wose wendile wakekala mwe isi ya Asiya naweva ulosi wa Zumbe wose Wayahudi na Wayunani. ¹¹ Chohile nendile akadamanya ntendwa nkulu kwa mikono ya Paolo, ¹² kugamba hata wanyonje nawakahonywa, na muye mchafu nauwafosa, ichipindi nendile wakaguha chitambala na suche zilaile mo mwili wa Paolo. ¹³ Mna nendile hana Wayahudi wakupunga mpeho wakatamba kujinila hantu aho, wajesesa zina dya Yesu kwa chausa cha kwetendela wowo wenye, wakawagambila wadya endile na muye wihiye wakalonga, nawalonga mfose kwa zina dya Yesu endile Paolo akalonga. ¹⁴ Wadamanye yano nendile ni wana mfungate wa mlavyantambiko mkulu ywa Chiyahudi, Sikewa. ¹⁵ Muye mchafu niyo wahitula, Yesu simmanya na Paolo simmanya mna nyuwe wiwahi? ¹⁶ Uwo muye wihiye mndani mo mntu niyo wapilikila wantu wakupunga mpeho nho niyo awahuma nguvu na kuwatowa. Nvyo waguluka kulaila idya inyumba wakatenda mwazi na kuwenka nkovu. ¹⁷ Mbuli iyo niyo yamanyika mwa wose, Wayahudi na Wayunani wadya wekale uko Efeso, wakatenda na woga vidala ne idizina dya Zumbe niyo dyasambala na kutunywa. ¹⁸ Naho wajenyele wawzumila naweza na kuhanganyika walagisa ntendwa zihiye wazidamanye. ¹⁹ Walozize nendile wakadamanya usai niyo wachisanya ivitabu vyawo, wavyoka mo moto kulongozi kwa chila mntu, ichipindi icho weze wawaze samani ye ivinto ivyo nendile mlongo milongo mfungate ya hela. ²⁰ Ivyo ulosi wa Zumbe niyo wasambala kwa upana vidala mwe nguvu. ²¹ Paolo kachintiza indima yakwe kudya Efeso muye niyo wamlongoza kwita Yelusalemu kujinkila Makedonia na Akaya akagamba eze atende uko, vyanunga niwone Rumi nayo. ²² Paolo awasigila Makedonia wanampina wakwe waidi Timoseo na Elasito ambawo nanile wakamwambiza mna yeye mwenye nakasigla Asia mwe chipindi. ²³ Ichipindi icho kulaila ngavungavu nkulu uko Efeso kugamba idya isila. ²⁴ Sonala yumwenga zina dyakwe Demetrio nandile akadamanya matukulu ya hela ya wazumbe Diana nakaleta vintu akutaga vikulu mwe wandima. ²⁵ Ivyo niyo awetanga hamwenga wakudamanya ndima iyo niyo awagamba, watunyigwa mmanya kugamba mwe vino vikutunywa suwe chengiza hela ziloze. ²⁶ Mwawona na kwiva kugamba sio du hano Efeso mna hajihi ne Asia yose. uyno Paolo kawahembeleza na kuwahitula wantu walozize agamba, kugamba hahana wachohile ambawo wadamanywa na mikono. ²⁷ Nsio du iyuko nkondo kugama , vino vyetu chikutaga naitende haikungigwa naho, mna hedivikilo dya Chohile mvyele atendile mkulu Diana adaha kuguhigwa kutenda hakufaha. Naho nakadaha hata kwaza ukulu wakwe, uyo Asia na isi vyamvikila. ²⁸ Weze weve ivyo niyo wengila ni maya niyo watula ulwasu wakagamba,Diana ywa Waefeso ni mkulu. ²⁹ Umzi wose niyo wamema ngavungavu, na wantu niyo waguluka hamwenga mndani mwe nyumba ya kuduganila wa misezigo, niyo wawagwila wakutamba weyawe dya Paolo lavyo na Aristariko, walaile Makedonia. ³⁰ Paolo nakaunga kwingila mwe idibunga dya wantu mna wanampina nawamchinda. ³¹ Mna awatuhu awakulu wo mkoa wa Asia andile wana wambuya zakwe niyo wamwigaila ulosi wa nguvu kumlombeza asekwingila mwe inyumba ye imisezigo. ³² Awatuhu awantu nendile wakalonga chintu chino na watuhu mbuli idia kwa viya idibunga dya wantu nendile wagilwa walozize wawo hawadahile hata kumanya kwambwani naweza hamwenga. ³³ Wayahudi niyo wamleta Isikanda kuse kwe idibunga dya wantu no kumwinka kulanga mwa meso ya wantu , Isikanda niyo alavya mpituko kwa mkono wakwe kulavya ulosi mwa wantu. ³⁴ Mna weze wabunkule kugamba yeye ni myahudi wose niyo watula ulasu kwa izwi dimwenga kwa chipindi cha masa maidi Diana ni mkulu ywa Wafeso. ³⁵ Eze uyo mta kudolonya womzi kuwanyaza idibunga niyo agamba nyuwe wagosi wa Efeso, ni yuhi hemanyize kugamba umzi uno wa Efeso ni mlezi wa vikilo dya Diana mkulu ne idya ipicha ize igwe kulawa moulanga? ³⁶ Kuwona elo kugamba mbuli zino hazidahikeb chongigwa kutenda na unyamalo naho msekudamanya chochose kwa kusunguza. ³⁷ Kwaviya muwetanga wantu wano hano hamalaho ambawo siyo wabavi wa vikilo nho siyo wakumbela chohile ywetu mvyele. ³⁸ Kwa ivyo Demestrio na wandima wehamwenga naye unevya una dyodyose vitendese vya mntu yoyose, malaho yeyaho heng'aile maliwali weyaho nawaletwe hameso ya malaho. ³⁹ Mna hegu weye unalonda chochose chikuhusu mbuli ntuhu, nayaliganywe mwe ichitala chiligane. ⁴⁰ Mwe ichindedi chiyuko mwe nkondo ya kujela mwengavu vungavu zuwa dino, hamna chikuhosa mahigano yawo, naho hakutende no udahi wa kuyasimwila. ⁴¹ Eze alonge ivyo abinda ichitala.