¹ Naho weze wajinke mwe imizi ya Amfipoli na Apolonia, naweza kubula mzi wa Sesalonike ambawo nendile na nyumba ya kuvikila ya Wayahudi. ² Saivyo chani mazwela ya Paolo, nakaita kwawe naho kwa chipindi cha mazuwa matatu ya sabato naho akalosana nawo kulanga kwa mawandiko. ³ Nendile akawagubwila mawandiko na kuwagambila kugamba neikamunga Kulisito asulumile naho akaheza kuyuka naho kulawa wabanike nakawagambila yuno Yesu huwagambila mbuli zakwe nuyo Kulisito. ⁴ Wasiku wa Wayahudi nawagambilana kutozana na Paolo na Sila hamwenga na Wagiliki wakumsankanila Chohile wakina mnala wajele watana na dongo kulu dya wantu. ⁵ Mna bazi ya Wayahudi hewekuzumila wamemile chinyulu, nawaita kwe digwilo na kuwaguha bazi ya wantu wazavu, niyo wauchisanya umdugano wa wantu hamwenga na kusongaganya vulugu mo mzi akaheza wavyebunga inyumba ya Jason wakaunga kuwagwila Paolo na Sila wawaleta kulongozi kwa wantu. ⁶ Mna weze wawaswese wamgwila Yaseni na mbazi ya walukolo watuhu na kuwegala kulongozi maofisa wo mzi wakutula ulwasu wano wagosi waibunkule isi wabula mpaka kuno nako. ⁷ Wagosi wadya nawakalibishwa na Yoseni waibalanga imbuli ya Kaisali wakalonga kuno Seuta akwitangwa Yesu. ⁸ Umati wa maofisa wo mzi weze weve imbuli iyo wengilwa ni nkama. ⁹ Bada ya kutenda waheza kuguha tundu dya samani ya mwamizi kulawa kwa Yasoni na watuhu wawalekeila waite ¹⁰ Ichilo ichiya walukolo wamtuma Paolo na Sila Beleya naho weze wabule kudya waita mwe vikilo dya Wayahudi . ¹¹ wantu wadya nendile ni wenye umanyi mkulu kujinka wadya awatu wa Sesalonike. Kwaviya nendile wana uchindedi wa kuhokela ulosi kwa fanyanyi zawo naho kuyafanyanya mawandiko chila zuwa chani kusinya saviya milosi ivyo ikulongwa nivyo ili. ¹² Ivyo walozise watende wazumizi ¹³ Mna Wayahudiwa Sasalonike weze wabunkule kugamba Paolo agoneka ilosi wa Chohile uko Beloya, waita uko na kuchokolesa naho wakaheza wagonga vuzo kwa wantu. ¹⁴ Hampu walukolo wamwigala Paolo mwe sila ya ziwa mna Sila na Timoseo wasigaila ahadya. ¹⁵ Wadya walukolo wamhokele Paolo waita naye kubula Asene niyo wamwasa Paolo uko wahokela sigilizi kulawa kwakwe kugamba Sila na Timoseo weze kwakwe hampu vikudahika. ¹⁶ Na chipindi wakawagoja uko Asene, muye wakwe nawihiwa kundani kwakwe kwaviya awone mo mzi umemile matukulu yalozize. ¹⁷ Ivyo walosana mwe vikilo na Wayahudi wadya wamsankanile Chohile na kwa wadya wose wadugane nawo chila zuwa kwedigwilo. ¹⁸ Mna bazi ya wana Falisafa wa Waepikureona Wasitoliki wamzumila na watuhu wakalonga ni mbwani icho akulonga uno mlosi mteke? watuhu walonga ionwa akalonga mbuli ya Yesu na uyuso. ¹⁹ Wamguha Paolo na kumleta Aleopago wakalonga Chadaha kummanya yano mahinyo mahya ayo ukolonga. ²⁰ Kwaviya waleta mbuli hya mwa magutwi yetu kwa viya chaunga kumanya zino izmbuli zina mana yani? ²¹ Naho watuntu wose wa Asene hamwenga na wajeniweyuko kwawe watumiya chipindi chawo hegu mwe kulonga na kwetegeleza kulanga kwe mbuli hya. ²² Ivyo Paolo niyo achimala hagatigati ha wantu wa Areopago na kugamba ,Nyuwe wantu wa Asene, nawona kugamba nyuwe ni wantu wa sila kwa chila namna. ²³ Mo kujinka kwangu na kusinya vintu vyenyu vya kumsankanila siwona imilosi idolonywe imwenga mwe mazabahu yenyu iklonga kwa CHOHILE HEKUMANYIKA. ivyo basi uyo mwamsankanila bila kummanya yudya niwagambileni nyuwe. ²⁴ Chohile aumbile isi, na kweikiya chipindi na mihaka mwe hantu wakwikala. ²⁵ Naho hakutunywa na mikono ya wana mntu saviya kugamba aunga chintu kwawe, kwani yeye mwenye awenka wantu ujima na kuhema na vintu vituhu vyose. ²⁶ Kujinkila mntu yumwenga nakadamanya izisi zose na wantu wakwikala kulanga ko uso we isi na kuweikiya chipindi na mihaka mwa ahantu wakwikala. ²⁷ Ivyo waungwa kumlonda Chohile na kutenda wabwile kupata chindedi hehale na chila mntu yumwenga ywetu. ²⁸ Kwakwe chekala chatalamka na kutenda na ujima wetu saviya mtungi ywenyu yumwenga wa shaili alongile du chiwelekwa wakwe. ²⁹ Ivyo uneva suwe chi welekwa wa Chohile hachigungwa kulafya kutenda uchohile ni saviya zahabu hegu shaba hegu mayuwe tukulu yahanganywe kwa utana kwa fanyanyi za wantu. ³⁰ Ivyo Chohile nakanyamala chipindi cha uhezi mna haluseadamanya wantu wose chila wantu wapate kweila. ³¹ Ino ni kwachausa cha zuwa akunga akantile isi kwa chindedi kwa wantu ambawo kamsagula Chohile kalavya uchindedi wa mntu yuno kwa chila mntu hadya amuyuse kulawa kwa wabanike. ³² Nho wantu wa Asene weze weve mbuli ya kuyuswa kwa wabanike, bazi yawo wambela Paolo mna watu niyo walonga Chakwetegeleza naho kwembuli yezimbuli zino. ³³ Bada yako Paolo kawsa. ³⁴ Mna mbazi ya wantu nawatozana naye wakazumila wakatenda weyumo Diomsio mwa leopago na mvyele akwitangwa Tamali na watuhu hamwenga nawo.