¹ Paolo ez ez Delibe na Lystra na kaula hadya nahana mwanampina akwitanga Timoseo ni mbwanga elekwe ni mvyele wa Kiyahudi uyo ni mzumizi naho tati yakwe Mgiliki. ² Wantu wa Listra na Ikoniya wamukuila vyedi. ³ Paulo nakamunga atambe naye ivyo niyo amguha na kumjela ngasu kwa chausa cha Wayahudi nawkekala uko kwa viya wose wammanya kugamba tati yakwe ni Mgiliki. ⁴ Umo nawakaita wajinkila kwemizi na kulavya sigilizi kwa mavikilo chani kuyazumila kwa malagizo yano nayadolonywa na wawoni na wadalahala uko Yelusalemu. ⁵ Na umo mwa mavikilo wasikizwa mo utondowazi wa wachindedi walozize kuwazwa chila zuwa. ⁶ Paulo na mnyawe niyo waita Filigia na Galatiya kwa viya Umuye wa Chohile nauwalemeza kulonga ulosi uko kwe dijimbo dya Azila. ⁷ Weze waisogeile Misiya , naw2jeza kwita Bethaniya mna Muye wa Yesu niyo uwalemeza. ⁸ aho wajinka misia niyo weza kwe kaya nyo weza kwe kaya ya Troa. ⁹ Uwoni umlaila Paulo nechilo na kuna mntuMakedoniya na kuchimala akamwitanga kugqmba so uchambize kuno Makedoniya. ¹⁰ Paulo eze awone uwoni hampu niyo chemalanya kwita Makedoniya, akamanya kugamba Chohile nakachitanga kwita kulonga ulosi wedi wa Chohile. ¹¹ Na umo chihalaile kulawa Tro chita ulo na ulo Samothara na zuwa ditongele chibula kwe ikaya ya Neapoli. ¹² Kulaila aho niyo chaita Filipi uwo ni umwenga we kaya ya Makedoniya kaya yusigwe mwe zikaya ikusinywa ni Warumi niyo chekala mazuwa heyetendese. ¹³ Zuwa dya Sabato nachita kuse kwe inchili yo mlango kwa sila ya kolongo hantu ambaho nachikamanya nahatende na hantu ha kulombezeza. Nachikala hasi na kulonga naho wavyele naweza hamwenga. ¹⁴ Mvyele yumwenga akwitangwa Lidiya mtagaji wa zambalau kualila kwe mizi ya Tiatira mta kumvikila Chohile nakachetegeleza, Zumbe nakamfungula umuye wakwe na kweka na kuyatenda mbuli zilongigwe nai Paulo. ¹⁵ Umo eze ambulwe uyo na ulukolo wakwe wose nakacheila kugamba Hegu mniwona kugamba miye ni mchindedi mwa Zumbe ivyo naweila mwingile na kwikala mwangu Kacheila vidala. ¹⁶ Vize vitende kugamba umo chikaita hantu ha kulombeza hevika mnde3le yumwenga naendile na jini dya uwoni kabwilana na suwe nakamwigaila zumbe ywakwe chongezekelo kwa kuwona. ¹⁷ Mvyele yuno niyo ambasa Paulo hamwenga na suwe akatula ulwasu na kugamba wano awgosi ni wandima wa Chohile uyo mkulu wa kuwagoneka nyuwe mbuli za wambulwa. ¹⁸ Ktenda ivyo mazuwa yatendese mna Pulo akatenda nakehewa imbuli iyo kahituka kunyuma kulonga idijini nakugamba kwa zina dya Zumbe umlawe mndima ywakwe uyo niyo afosa nkanana imwenga. ¹⁹ Mazumbe wakwe weze wawone kugamba viya wakwefenyeza dyusika niyo wawagwila Paulo na Sila niyo wawabuluza mwe digwilo wenye kudusinya. ²⁰ Weze wawbuze kwa walamuzi niyo wagamba wano wagosi ni Wayahudi naho wawasongaganya na kutenda vulugu itendese muno we kaya yetu. ²¹ Wahinya mbuli izo sizo lagizo suwe kuhokela hegu kuyatimila saviya Walumi. ²² Bunga nio dyamwinukila heviligane Paulo na Sila walamuzi watatula suche na kuwavala na kuwaunga watoigwe mishenge . ²³ Weze waheze kuwatowa mishenge ilozize wawadula mwe digeleza na kuwagamba wankondo wa geleza kwadima vyedi. ²⁴ weze wahokele idilagizo idyo wankondo we digeleza niyo wawadula mwe chimba cha mndani mwedigeleza na kuwataliza iviga vyawo hantu wawaikiye. ²⁵ Na umo chilo gati Paulo na Sila niyo watenda walombeza na kuchema mizumizo ya kumtogola Chohile kuno watalizwa watuhu wakawategeleza . ²⁶ Chimpupa kulaila mizizimo mkulu ne izinguzo zedigeleza niyo yasingiswa nyivi ze digeleza niyo yavuguka na minyolo ya watalizwa wose niyo yalegela. ²⁷ Mwamizi we digeleza niyo enuka kulawa mwe izintongo niyo eze asinye izinyivi zose ze idigeleza zifungulwa niyo aguha isime yakwe akonga kwekoma kwa viya nakagamba watalizwa wose wamnyilika. ²⁸ Mna Paulo niy atula ulwasu kwa lukunga lutendese akagamba usekwekoma kwa viya wose chi hantu hano. ²⁹ Mwamizi we digeleza niyo aunga izikoloboi ziletwe niyo engila mndni mwe digeleza kwa hamka hamka akazingiza na kogoha niyo awakweila Paulo na Sila, ³⁰ na kuwalavya kuse kwedigeleza na kuwagamba watunywa nidamanye mbwani chani nidahe kwambulwa? ³¹ Niyo wamgamba mhokele Zumbe Yesu nawe wambulwe hamwenga na walukolo wako. ³² Niyo walonga mbuli ya Zumbe kwakwe hamwenga na wantu wose wa mo lukolo wakwe. ³³ Mwamizi we digeleza niyo awagula ichilo ichiya na kuwasunta vitagwa viya vilumile uyo hamwenga na wantu wo lukolo lwakwe wambulwa ahoa aho. ³⁴ Niyo awaguha Paulo na Sila kwedihema dyakwe na kuwaikiya nkande niyo ekala na kwehelwa kutendese hamwenga na wantu wemwedihema dyakwe kwa viya wamhokela Chohile. ³⁵ Dize dibule zuwa dya msi walamuzi wegala sigilizi kwa yudya umwamizi wedigeleza wakagamba walekele wadya awntu waite. ³⁶ Mwamizi we dihema niyo awagambila Paulo kwe imbuli iyo kugamba walamuzi wegala sigilizi ni walekele ivyo halawe ni mfose kuse naho mwite mpeho. ³⁷ Mna Paulo awagamba nawachitowa mwawalozize wantu awo walumi ukaleka kuchikantila niyo waunga kuchijela mwe digeleza naho haluse wonga kuchilavya kwa chinyele? bule haidahike wowow awo weze wachilavye ahantu hano. ³⁸ Wazumizi niyo wawagambila walamuzi vikunga imbuli iyo walamuzi wogoha vidala hadya weze wamanye kugamba Paulo na Sila ni Walumi. ³⁹ Walamuzi weza kuwaila wafose weze wawalavye kuse kwedigeleza wawaunga Paulo na Sila wafose kuse kwe kaya yawo. ⁴⁰ Niyo Paulo na Sila wafosa kuse kwe digeleza weza mwe dihema dya Lidiya Paulo na Sila weze wawawone walukolo wawajela moyo niyo wahalawa homzi wawo.