¹ Niyo yalaila mndani mwa Ikonio kugamba Paolo na Banaba wengila hamwenga mndani mwe idivikilo dya Wayahudi nakulonga ivyo bunga kulu dya wantu Wayahudi na wayunani niyo wazumila. ² Mna wayahudi hewezumile na wawsongaganya izifanyanyi wantu wa si ntuhu na kudamaya watende wehiye kujinka walukolo. ³ Ivyo niyo wekala uko kwa chipindi chitali, wakalonga kwa ukankalu kwa udahi wa Zumbe , kuno walavya mpituko na vilagiso kuhusu uzumbe na wedi wakwe. Atendaga ivyo kwa kulavya vilagiso na mpituko vidamanywe kwa mkono wa ya Paolo na Banaba. ⁴ Mna hantu hakulu ye isi niyo yapanganawantu wasiku nawendile hamwenga na Wayahudi, naho wantu wasiku hwmwenga na wasigilwa. ⁵ Chipindi wanasi na Wayahudi aho wajezize kuwahembeleza vilongozi wawon kuwatenda vihiye na kuwahonda mayuwe Paolo na Banaba, ⁶ Niyo wabunkula idyo niyo wasumkila mo mzi wa Likaonia, Lisitila na Derbe, naho hantu hakuzunguluka hadya, ⁷ naho uko niyo walonga mbuli yedi ya Chohile. ⁸ Uko nako Lisitila nandile hana mntu yumwenga ekale nandile hana nguvu mweiviga vyakwe aholomale kulawa mwe inda ya nine, hanati eze ajende. ⁹ Mntu uyo niyo amwiva Paolo akalonga . Paolo niyo amsinyisa niyo awona kugamba andile ana utondowazi wa kuhonywa. ¹⁰ Ivyo niyo alonga kwa izwi dya kulanga, chimala kwa viga vyako niyo uydya mntu niyo apilika kulanga niyo akonga kulonga. ¹¹ Wantu walozize weze wawone ivyo atendile Paolo niyo waguta, niyo walonga kwa luga ya Kilikaonio, milungu yachiseila kwa kilagiso cha kiumntu. ¹² Niyo wamwitanga Banaba Zeu na Paolo Herme kwaviya ni milosi wakwe mkulu. ¹³ Mlavyantambiko wa Zeu ambaye idivikilo dyakwe b dikuse mo mzi, niyo aleta njeku ya ng'ombe ihambwigwe na maluwa, kubula mwe inchili ye ikaya, yeye ne idifyo nawakonga walavye malavyo. ¹⁴ Mna wasigilwa Banaba na Paolo, weze weve idyo, niyo watatula izisuche zawo mahuya niyo waitaa kuse kwe idifyo, kuno waila. ¹⁵ Wagamba nyuwe wantu kwa mbwani mwatenda vino? Suwe naswi chi wantu watafanyanyi enga izakwenyu. Chawaletela mbuli yedi, kugamba mhituke mlawe mwe ivintu vino hevikufaha na kumhitukila Chohile emeso, aumbile ulanga, isi, na bahali na chila kintu chiyumo. ¹⁶ mwe chipindi chijinkile, nakalekeila isi kujenda mwe izisila zawo wenye. ¹⁷ Mna bado, halaile bila mukuzi, mweidyo katenda vyedi, naho niyo awenka fula, kulawa kwe mbingu na misimu ya mazao, niyo awamemeza imuye yenyu kwa nkande na mbwedo. ¹⁸ Hata mo ulosi uno, Paolo na Banaba, kwa nkuto niyo wawchinda fyo dya wantuwasekulavya majeleko. ¹⁹ Mna Awayahudi awamwenga, kulawa antiokia niyo weza kuhembeleza bunga, niyo wamtowa mayuwe Paolo niyo wambuluza kubula kuse ko mzi wakafanyanya kabanika. ²⁰ Hata ivyo wanampina nendile wachimala hajihi naye, niyo enuka , niyo wengila ko mzi. Zuwa dya kaidi, niyo aita Derbe na Banaba. ²¹ Eze ahinye mbuli yedi mwe ikaya idya, na kutenda wanampina walozize, niyo wauya Lisitra kubula Ikoniamu, kubula Antiokia. ²² Niyo wajendeleza kuchintiza nafasi za wanampina na kujelwa moyo kujendeleza mwe uzumizi, niyo agamba, Lazima chngile mwe uzumbe wa Chohile kwa kuzulumila kindedi ndedi. ²³ Eze wawsagule kwa chausa cha wadalahale kwa chila bunga dya wazumile, na kulombeza na kufunga niyo wawika kwa Yesu ambawo wamzumila. ²⁴ Ukajika niyo wajinka Pisidia, wabula Pamfilia. ²⁵ Chipindi wakalonga izimbuli, Peliga niyo waseleza na Atalia. ²⁶ Kulawa uko niyo wapanda meli waita kubula Antiokia, uko andile welavywa kwa mbazi za Chohile kwa chausa cha ndima ambayo kwa haluse waidumiza. ²⁷ Eze wabule Antikia, niyo wachisanya kusanyo dya hamwenga, niyo wawgambila mbuli atende Chohile hamwengab na wowo, naivyo Chohile awavuguile inchili ya utondowazi kwa wantu wa isi. ²⁸ Nwekala kwa chipindi chitali na wanampina.