¹ Haluse mwe idivikilo dya Antikia nendile mna wajeche wawoni na wahinyi nani Banaba, Simioni akwitangwa Nigeli. Lukio wa Kirene, Manaeni mlukolo hena sakame ywa Helode chilongozi ywa mkoa, na Sauli. ² Weze watende wesankanila kwa Uzumbe na kufunga muye Ukukile ulonga nipaguilani hankanda Banaba na Sauli wadamanye ndima idya niwetangileni. ³ Niyo weze watende mwe idivikilo kufunga na kulombeza na kuika mikono yawo mlanga mwa wantu awo wawleka waite ⁴ Niyo Banaba na Sauli wanyanyahala kwa Muye Ukukile niyo waseleza kuhinga Selenkia kulawa uko watamba mwe ibahali kuhinga kwe ichisiwa cha Kipro ⁵ Weze watende mwe kaya ya Salami wakalonga mbuli za Chohile mwa mavikilo ye Chiyahudi naho nawekala hamwenga na Yohana Mako saviya wambizi wawo. ⁶ Weze waite mwe ichisiwa chose kubula Pafo wabwila mntu msiku msai Myahudi muwoni ywa lulimi uyo zina dyakwe nakwtangwa Bar Yesu.. ⁷ Msai yuno nakambizana na liwaleSangio Paulius na ni mntu mmanyi mntu yuno nakawagoneka, Banaba na Sauli kwa viya nakonga kwetegeleza mbuli za Chohile ⁸ Mna Elima yudya msai ivyo nivyo idizina dyakwe dikale kuwazagulwa kawalemeila kujeza kumhituka yudya liwale afose umo utondowazi ⁹ Mna Sauli uyo etangwe Paolo nakatenda kamemezwa ni Muye Ukukile niyo amng/oila meso, ¹⁰ na kugamba weye mwana ywa mwavu kumemezwa ni vintu vyose vyo udanti na usokezi. Weye wi mnkondo wa chila namna ya uwagila. Holeke kuzihituila sila za Zumbe, zichuluke, togola, nodahe zeze? ¹¹ Haluse kaula mkono wa Zumbe wikulanga kwako nawe notende tuntu hodiwone zuwa kwa haluse bosi kungugu na chiza vilagala kulanga kwa Elimas kakonga kulonga hadya akalombeza wantu , wamlongoila kwa kumtoza mkono. ¹² Niyo aho liwali eze awone icho chilaile niyo azumila kwa viya kehelwa kwa mahinyo kuhusu Zumbe. ¹³ Haluse Paolo na wambuyaze niyo watamba mwa mazi kulawaPafo na kubula Perge mwa Pamfilia mna Yohana kawasa na kuya Yelusalemu. ¹⁴ Paolo na mbuyaye watamba kulawa Prge na kubula Antikia ya Pisidi uko niyo waita mwa mavikilo zuwa dya kuvika na kwikala hasi. ¹⁵ Umo eze alonge idilagizo na waoni ulongozi wa mavikilo uwegaile ulosi wakagamba, Mlukolo hegu nananawo ulosi wa kujela moyo wantu hano, longani ¹⁶ Naho Paolo niyo achimala kuwakantila mikono na kuwagamba wagosi wa Izulaeli na nyuwe mkumunga Chohile kwetegelezeni. ¹⁷ Chohile na wana wa wantu wa Izulaeli kawasagula tati zwnyu na kuwatenda wantu walozize awo wekale mwe isi ya Misili na kwa mkono wakwe kwinulwa kawalongoza kuse kwakwe. ¹⁸ kwa mazuwa ya mlongo na mine kawajijimizila umo mwe dijangwa. ¹⁹ Na umo eze azibalange izisi mfungate mwe isi ya Kanani naho kawenka wantu wetu isi yawo kuilisi. ²⁰ Mabuli yano yose yalaila magana mane na milongo mishano vize vilaile vintu vino vyose Chohile niyo akweka walamuzi kubula Smweli Muoni. ²¹ Vize vibule hano wantu walombeza Seuta, ivyo Chohile niyo awenka Sauli, mwana ywa Kushi, mntu ywa lukolo lwa Benjamini kutenda Seuta kwa mazuwa milongo mine. ²² Niyo vize vitende chohile kamusa mo Useuta niyo amwinula Daudi kutenda mseuta ywawo niyo vyamlanga Daudi kugamba Chohile kalonga simguha Daudi mwana ywa Yese kutenda ntu awelelwe umuye wangu uyo nadamanye chila chintu hunga. ²³ Kulawa umo mo lukolo wo mntu yuno Chohile kaigaila Izulaeli mlokozi Yesu saviya alongaga kudamanya ²⁴ Dino dikonga kulaila umo henati Yesu ukwiza Yohana nkongo nakagoneka uwambulwa wa kusutwa kwa wantu woae wa Izulaeli. ²⁵ Uyo Yohana nendile akabindiliza indima yakwe kugamba mwaniwazagula miye ni yuhi miye suyo yuyd mna kwetegelezeni uyo akwiza kunyuma kwangu sikufaha kutohola vilatu vye iviga vyakwe ²⁶ Nyuwe wana wa lukolo lwa Abulahamu na wadya nawo hagati henyu mwamlombeza Chohile ni kwa suwe nswi kugamba isigilizi ino ni yakuwalekela itumigwe. ²⁷ Kwa wadya wakwikala Yelusalemu na ulongozi wawo hawamanyize kwa chindedi niyo naho hawaumanyize uwo usigilwe ni waoni uwo ukusomwa mwe zuwa dya kuhumula kwa viya wauchintiza ulosi wa waoni kwa umkantila abanike Yesu. ²⁸ Hamwenga na ivyo hawlondole mbuli yedi ya kubanika mndani mwakwe wamlombeza Pilato amkome. ²⁹ Weze wabinde izimbuli zose zidolonywe zikumlanga uyo wamseleza kulawa mo mti na kumtambalisa mwe mbila. ³⁰ Mna Chohile niyo amwambula kulawa mo kubanika. ³¹ Kawonwa mwa mazuwa yalozize kwa wadya waitile hamwenga nawo kalawa Galilaya kubula Yelusalemu wantu wano haluse ni waukuzi wa wantu. ³² Ivyo chawaletela mbuli zedi zikulanga lagano wenkagwa wababa zetu. ³³ Chohile nakaika lagano dino kwa suwe wana wawo kwa idyo kamuyusa Yesu na kumvuza naho mo ujima dino naho nadidolonywa mwe zabuli ya kaidi weye wi mwanangu dyelo sitenda tati yako. ³⁴ Naho vikunga chindedi ni kugamba, kamuyusa kwalawa mo kubanika chani kugamba mwili wakwe usekubanika kalonga vino nahwinkage ung'azi na ujimbiko wa chindedi wa Daudi. ³⁵ Ino niyoilekile kalonga naho mudya mwe zabuli intuhu holekele ung'azi wako kusinya uole, ³⁶ kwa viya vize vitende Daudi kayadamanya yadya ya Chohile mo lweleko lwakwe na kugona hamwenga na watati zakwe na kusinya ubanasi. ³⁷ Mna yudya auyuswe ni Chohile hausinyize ubanasi. ³⁸ Naho imanyike kwa nyuwe walukolo kujinkila mntu yuno alekeilwe mo ubanasi uydya ulongigwe. ³⁹ kwa uyo chila akumzumila awazizwa kuagilwa kwe izimbuli zose ziya zokutoza na Musa hezikuwegaila kuwagila. ⁴⁰ Ivyo mnadamanya kwa kusinya kugamba chintu chilongigwe na waoni kisekulaila kwa nyuwe. ⁴¹ Kaula nyuwe mkubela na mkwehelwa mkabanika kwa viya nadamanya ndima mwe dizuwa dyenyu ndima ambazo hamkudaha kuzumila , hata hegu mntu nawagambile. ⁴² Umo Paolo Banaba weze wahalawe wantu wawgoneka walonge izimbuli zino zuwa dya sabato dikwiza. ⁴³ Umo chintano dye divikilo dize disile Wayahudi alozize nawambulwa vyechindedi wawatongela Paolo na Banaba niyo walonga nawo naho wawtigiza wajendeleze mo wedi wa Chohile. ⁴⁴ Sabato itongele niyo kaya njima idugana kwetegeleza mbuli za Chohile. ⁴⁵ Wayahudi weze wawone ididugano wezilwa ni finju na kulonga mbuli kuhigana na ivyo vilongigwe ni Paolo niyo wamhuluta. ⁴⁶ Mna Paolo na Banaba niyo walonga kwa ukankalu na kugamba yendile ni vyedi kugamba ilosi wa Chohile ulongwe nkongo kwa nyuwe. kwa viya mwadisindikila hale kulawa kwanyu na kutenda kugamba hamkuwagila ujima wa kale na kale kaulani nachiwahitukile sawo Wayahudi. ⁴⁷ Saviya Zumbe achigambile kugamba siwaika nyuwe saviya ulangazi, kwa wantu siyo Wayahudi mlete wambulwa kwe zintendele zose ze isi ⁴⁸ Wadya siyo Wayahudi weze weve vino welelwa na kutogola ulosi wa Zumbe walozize wasagulwe kwa ujima wa kale na kale wazumila. ⁴⁹ Ulosi wa Zumbe niyo wenela isi yose. ⁵⁰ Mna Wayahudi wawaunga walavize na wavyele wakungwa hamwenga na walongozi we kaya yawo yasongaganya usulumizi kwa Paolo na Banaba niyo wawadula kuse ko mhaka wo mzi. ⁵¹ Mna Paolo na Banaba wapumunta tifili dya mwe viga vyawo niyo waita uko kwe kaya ya Ikinia. ⁵² Naho wanampina wengila nkwelelwa hamwenga na Muye Ukukile.