¹ Mwa amazuwa ayo Zumbe Herode alagisa umkono wakwe mwe watuhu mwa wakulawa mwe bunga chani awasulumize. ² Amkoma Yakobo mlukolo ywa Yohana na bamba. ³ Niyo eze awone kugamba kubweda kwa Wayahudi amgwila na Petulo naho . Ino nikugamba chipindi che imigate heigwaduke. ⁴ Eze amgwile amwika mwe idigeleza niyo aika mabunga mane ya wankondo chani wamdime nandile akaunga kumwigala mwe wantu ikajika ipasaka. ⁵ Petulo niyo akkwa kwe idigeleza mna malombezo yadamanywa kwa kukazana ni idibunga kwa chausa chakwe mwa Chohile. ⁶ Zuwa hedinati Herode haitile kumlavya mwe wankondo waidi akatenda katailzwa na miyololo midi na wamizi kulongozi ko lwevi nandile wakadima idigeleza. ⁷ Kaula wasigilwa wa Zumbe chimpupa amlaila no ung'azi ukung'ala mndani niyo amtowa Petulo mo lubavu na kumwinula akagamba, "Inuka upesi" Nivyo iminyololo nendile katalizwa yafynguka mwe mikono yakwe. Msigilwa amgamba, ⁸ "Vala izisuche zako naho vala ne ivilatu yako." Petulo adamanya ivyo msigilwa amgamba"Vala isuche yako naho unitongele." ⁹ Ivyi Petulo niyo amtongela mndima ywa kwembingu na kufosa kuse hamanyize icho chidamanyike ni mndima wa kwembingu hegu ni cha chindedi akamanya awona uwoni. ¹⁰ Akajika kujinka wamizi wankongo na wakaidi wabula mwe lwevi lwa chuma dya kwingilila kwita ko mzi lwavuguka lwenye kwa chausa chawo niyo wafosa kuse wasela mwe mtaa niyo mndima ywa kwembingu niyo amwasa. ¹¹ Petulo eze abunkule agamba haluse simanya kugamba Zumbe kamsigila mndima ywakwe ywa kwembingu chani anilavye mwe imikono ya Herode naho mwe ivyo nawakagoja wantu wose we Uyahudi. ¹² Eze ayamanye yano eza mwe inyumba ya Maliamu mami yakwe Yohana nendile ni Marko Wazumizi walozize nawadugana wakalombeza. ¹³ Eze atunte mo lwivi lu kuchinda mndima yumwenga chigoli akwitangwa Roda eza kuvugula. ¹⁴ Eze abunkule ni izwi dya Petulo mo ukwelelwa adunduga kuuvugula ulwivi ukaleka aguluka mndani mwe chumba na kuwagambila kugamba Petulo kachimala kulongozi ko lwivi. ¹⁵ Ivyo walonga kwakwe weye ni mchilalu mna avikiliza kugamba nichindedi nuyo uyo ni msigilwa ywakwe. ¹⁶ Mna Petulo achekujendeleza kutunta naho weze wavugule ulwivi wamuwona niyo wehelwa vidala Petulo awanyamaza no mkono nyamalani nyamala niyo awagambila ivyo Zumbe amlaile kulawa mwe idigeleza kugamba ¹⁷ Wagambile vino mbuli ya Yakobo na mlukolo ywakwe niyo ahalawa aita hantu hatuhu. ¹⁸ Kweze kutende nomsi kwatenda na uchiwa ukulu mwa wandima mwe ichiya chilaile mwa Petulo. ¹⁹ Niyo Herode amlonda niyo hamuwone akawauza wadimi niyo alagisa wakomwe, niyo aita kulaila Uyahudi kubula Kaisaria na kwikala uko. ²⁰ Herode nendile anamaya mwe wantu wa Tilo na Sidoni niyo waita hamwenga kwakwe kwatenda na wambuya na Bulasito mwambizi ywa Zumbe chani awambize niyo walombeza wevane kwa viya isi yawo naihokela nkande kulawa mwe isi ya Zumbe. ²¹ Zuwa nadikagojwa Herode avika suche zo Uzumbe na kwikla mwe chiti chakwe chouzumbe niyo awagambila. ²² Wantu niyo watula ulwasu Dino ni izwi dya Chohile mna siyo izwi dya mntu. ²³ Aho chimpupa msigilwa amtowa kwa viya nendile hamwinkile Chohile ujimbiko niyo adigwa ni sanga na kubanika. ²⁴ Mna ulosi wa Chohile niyo wakula na kuzagala. ²⁵ Ukaleka Banaba na Suli kubindiliza indima yawo niyo walawa hadya wauya Yelusalemu niyo wamguha na Yohana uyo zina dyo ukwelekwa ni maliko.