¹ Wasigilwa na walukolowadya wendaga uko yudeya na weva ukugamba kwa wana si wadihokela ulosi wa Chohile. ² Petulo nakeza uko Yelusalemu diya idifyo dya wantu wadya wavinilwe niyo wakonga kumlonda wakagamba ³ Kutozana na wantu wavinilwe niyo wadya nawo. ⁴ Mna Petulo niyo akonga kuwagambila dilaile kwa utali niyo alonga ⁵ Nendile halombeza mo mzi wa Yafa niyo nawona uwoni wa chintu chikusela hasi saviya suche nkulu ikusela kulaw kwembingu mwe izintendele zakwe zose nne niyo zisela kwangu. ⁶ Niyo nasinya na kulafya kulanga kwakwe niyo nawona wanyama wana viga vine wakwikala mwe isi na wanyama wa koluwala na wanyama wakutambala na wadege wakoulanga. ⁷ Niyo neva izwi dikulonga na miye Inuka Petulo chinja naho udye ⁸ Niyo nalonga Siyo ivyo Zumbe mwe milomo yangu hakunati kwingile chintu chochose hechikukile hegu chichafu ⁹ Mna idizwi niyo dyanilandula naho kulaila kwembingu chiya Chohile alongile kugamba ni chedi usekuchitanga chihiye, ¹⁰ ino ilaila nkanana ntatu na chila chintu chiguhigwe kwembingu naho. ¹¹ Kula chipindi icho nendile wantu watatu wachimala kulongozi kwe inyumba idya nachili wasigilwa kulaila Kaisaliya kwiza kwangu,. ¹² Muye kanigambila kwita nawo wano wagosi mtandatu waita hamwenga na miye naho chamile kweinyumba ya mntu yumwenga. ¹³ Nakachigambila viya awone umndima ywa kwembingu kundani kwe inyumba yakwe akalonga Nisigila Yafa hamlete Simoni uyo idizina dyakwe tuhu ni Petulo. ¹⁴ Nalonge ulosi kwako mwe uwo nawambulwe weye ne inyumba yako yose. ¹⁵ Nize nikonge kulonga nawo Muye Ukukile niyo weza mlanga mwawo saviya ezile kwetu nkongo. ¹⁶ Nakumbuka ulosi wa Zumbe ivyo alongileYohana nakawambula kwa mazi mna nawambulwe kwa Muye Ukukile. ¹⁷ Nho uneva Chohile kalavya jeleko saiyvyo achukuile hadya chizumile mwa Zumbe Yesu Kulisito miye ni yuhi kugamba nadaha kumhiga Chohile? ¹⁸ Weze weve izimbuli zino hawavuzize mna wamtunya Chohile na kugamba chohile kalavya kweila kwa chaua che izisi naho ¹⁹ Ivyo wazumizi wadya amasulumizo yakongele mwe file ya Sitefano nawazagala kulaila Yelusalemu wazumizi wano wajendeleza hale kubula Foinike, Kiplo na Antiokiya. nawawgambila ulosi uno kulanga Yesu ichedu kwa Wayahudi naho siyo kwa watuhu wowose. ²⁰ Mna mgati mwawo ni wantu kulawa Kplo na kilene weza Antiokiya na kulonga na Wayunani na kumzumiliza Zumbe Yesu. ²¹ Naho mkono wa Zumbe nendile wiw hamwenga nawo na wantu walozize wazumizi nawo wamhitukila Zumbe. ²² Mbuli zawo zibula mwa magutwi ye diviklo dya Yelusalemu naho niyo wamsigila Banaba aite kubula Antiokiya. ²³ Chipindi ezile na kuwwona jeleko dya Chohile mwo kwelelwa nawo wajelwa muye wose kwikala kwa Zumbe mwe imyuye yawo. ²⁴ Kwa chausa cha endile mntu mtana nakamemezwa Muye Ukukile na utondowazi na wantu watuhu wajenyela kwa Zumbe. ²⁵ Nyumani Banaba niyo aita Taso kumtalamkila Sauli ²⁶ Ezeampate niyo amleta Antiokiya. Itenda kwa mhilimo umwenga niyo wechisanya hamwenga na vikilo na kuwahinya wantu walozize. Naho wanampina niyo wetangwa wazumizi kwa nkanana ya nkongo uko Antiokiya. ²⁷ Nho mwe mazuwa yano waoni wakasela kulaila Yelusalemu kubula antiokiya. ²⁸ Yumwenga ywawo ni Agabo nidyo idizina dyakwe niyo achimala akemukwa ni Muye kugamba sala nailaile mwe isi yose. Ino ilaila chipindi zuwa dya Klaudio ²⁹ Kwa ivyo wanampina chila yumwenga ivyo eneze wonga kwigala wambizi kwa walukolo weyuko Uyahudi. ³⁰ Watenda vino wasigila hela kwa mikono ya Banaba na Sauli.