¹ Nendile kuna mntu uyo mo mzi wa Kaisaliya zina dyakwe naketangwa Konelio, nani mkulu wa chikosi cha Kiitalia. ² Nandile ni mzumizi kwa Chohile nakamtongela Chohile na inyumba yakwe yose kulavya hela zilozize kwa Wayahudi naho kalombeza kwa Chohile mazuwa yose. ³ Chipindi cha saa kenda za nomsi kawona ulagiso wandima wa kwembingu wa Chohile eza kwakwe mndima wa kwembingu niyo amgamba Konelio. ⁴ Konelio niyo amsinya mndima wa kwembingu nandileb anankama nkulu vidala agamba ino ni mbwani mndima wa kwembingu amgamba malombezo yako majeleko yako kwa hawekwedaha zikwela kulanga saviya nkumbusa kwe nguvu ya Chohile. ⁵ Haluse sigila wantu waite mzi wa Yafa wakamlete mntu yumwenga akwitangwa Simoni naho etangwa Petulo. ⁶ Ekala na mdamanya mikoto akwitangwaSimoni uyo inyumba yakwe imkanda mwe bahali. ⁷ Bada ya mndima wa kwembingu nandile akalonga naye kuhalawa, Konelio niyo awetanga wandima wa mwe nyumba waidi na mnkondo nandile akatongela mgati mwa wankondo nandile wakamtongela. ⁸ Konelio kawagambila yose yalaile niyo awatuma Yafa. ⁹ Zuwa ditongele chipindi cha saa sits chipindi wamwesila nahonn wakalibiya mozi Petulo niyo akwela kulanga kwe lugulu alombeza. ¹⁰ Naho niyo atenda ana sala kaunga chntu cha kudya mna chipindi wantu wambika nkande kagubuilwa magubulo. ¹¹ Niyo awona ulanga ugubulwa na chombo cha sela na chintu chikale saviya suche chisela hasi mo msanga mwe izikona zakwe zose nne. ¹² Mndani mwekwe nandile kuna aina zose za wanyama wenye viga vine na wakutambala mnanga mo msanga na wadege wamnanga. ¹³ Nho idizwi digamba kwakwe inuka Petulo chinja udye. ¹⁴ Mna Petulo niyo agamba sivyo ivyo Zumbe kwaviya siwahiye kudya chintu chochose chisentigwe sicho chedi. ¹⁵ Mna izwi diza kwakwe naho nkanana ya kaidi achikukize Chohile usekuchitanga chizavui. ¹⁶ Ino ilaila nkanana ntatu na chiya ichombo niyo chaguhigwa naho kulanga. ¹⁷ Nho umo ichipindi Petulo nandile mwe hali ya kuvulugukiwa mlanga mwa ayo amagubulo kwani yalagisa bwani kaula wantu nandile wasigilwa na Konelio wachimala kulongozi ko lwivi wauza sila ya kwita kwa nyumba. ¹⁸ Niyo wetanga na kuza hegu Simoni yuo naketangwabPetulo hegu nendile akekala hadya. ¹⁹ Chipindi icho Petulo nandile akafanyanya mwa magubulo ayo Muye niyo alonga naye kaula wantu watatu wakulonda. ²⁰ Inuka usele hasi wite nawo usekogoha kwita nawo kwaviya siwatuma. ²¹ Petulo asela hasi kwawo niyo agamba miye ni yudya mkumlonda kwambwani mwiza? ²² Wagamba, akida yumwenga zina dyakwe Konelio mntu ywa chindedi hunga akumtimila Chohile na wantu wamlonga vitana mwe isi yose ys Uyahudi, kagambilwa ni mndima wa kwembigu wa Chohile kumtuma chani aite kwe nyumba yakwe, chani eve ulosi kulawa kwako. ²³ Petulo niyo awahokela wengila kunyumba wekala hamwenga naye mtondo utimile kenuka kaita hamwenga naye na walukolo wajeche kulaw Yafa wajesana naye. ²⁴ Zuwa ditongele weza Kaisaliya na Konelio nandile akawagoja nandile kawetanga hamwenga walukolo wakwe na wambuya zakwe wahajihi. ²⁵ Chipindi Petulo kengila kunyumba, Konelio niyo amsigila na kwinama kubula hasi he viga yakwe kwa kumtunya. ²⁶ Mna Petulo amwinka naho amgamba chimalamiye naho ni mntu. ²⁷ Cipindi Petulo akatenda atamwila naye, kengila kunyuma niyo abwila wantu wadugana hamwenga. ²⁸ Nyuwe wenye mmanya kugamba siwo lagizo dya Chiyahudi kwambizana hegu kutalamkilana na mntu siyo wa kola idi mna Chohile kanilagisa miye kugamba sikudaha kumwutanga mntu yoyose kasentwa hegu kaiha. ²⁹ Naho diyo maana siza sihigile aho nisigilwe kwa chausa cha icho, Ivyo niwauze kwa mbwani namsigilwa kwangu? ³⁰ Konelio agamba mazuwaa mane yajinkile chipindi sa chino nandile halombeza chipindi cha masaa kenda nomsi mndni mwa nomsi niyo nawona mntu kulongozi kwangu kachimala akatenda kavala suche zing'aile, ³¹ Anigamba Konelio malombezo yako yevigwa ni Chohile na majeleko yako kwa wasokele yatenda ukumbusho kulongozi kwa Chohile. ³² Ivyo tuma mntu Yafa akamwitange mntu yumwenga akwitangwa Simoni eze kwako naho etangwa Petulo uyo akwikala kwa mdamanya mikota etangwa Simoni uyo inyumba yakwe imnkanda mwe bahali. ³³ Sinyisa chegamo chino naye aho akwizila nalonge na nyuwe haumuli mwa madolonyo ya kale. ³⁴ Ivyo Petulo agubula umnomo wakwe agamba ni chindedi sizumila kugamba Chohile hakudaha kutenda na uhingiza. ³⁵ Badala yakwe chila kolwa mntu yoyose akumtongela na kudamanya ,buli za chindedi anazumilwa kwakwe. ³⁶ Wamanya ulosi aulavize kwa wantu wa Izulaeli chipindi akawagambila ulosi mtanautondowazi kujinkila Kulisito uyo Zumbe wa wose. ³⁷ Nyuwenye mmanya icho chilaile ambacho chilaila Yudeya Yose naho chikongela Galilaya uwambulwa uwo Yohana augoneke. ³⁸ Mbuli nandileiluhusu Yesu Kulisito ivyo Chohile amjeile mavuta kwa muye Ukukile na kwa nguvu kaita akadamanya yedi na kuhonya wose wasulumizwe ni mwavu kwa viya Chohile nehamwenga naye. ³⁹ Suwe chiwachindedi mwe izimbuli zose azidamanye mwe isi za Uyahudi na mdya Yelusalemu yuno ni Yesu wamkomile niyo wamlungika mo mti. ⁴⁰ Yuno mntu Chohile kamwinula zuwa dya katatu niyo amwinka kumanyika. ⁴¹ Siyo kwa wantu wose mna kwa wachindedi wasgulwe kabula ya Chohile, suwe wenye chidye naye na kunywa naye bada ya kwidulwa kulawa kwa wabanike. ⁴² Kachilagiza ulosi kwa wantu na uchindedi wa yuno nuyo yudya Chohile kamsagula kutanda mlamuzi wa wemeso na wabanike. ⁴³ Kwa uyo waoni wose wawone chani kugamba chila akumzumila uyo ahokele kulekeilwa wa vihiye kujinkila zina dyakwe. ⁴⁴ Chipindi Petulo akajendeleza kulonga yanoMuye Akukile kawamemeza wose nandile waketegeleza ulosi wakwe. ⁴⁵ Wantu wadya wakulangwa na ni bunga wajeligwe ngasu wadya wose wezile na Petulo wehelwa kwaviya Muye Akukile witilwa kwa wantu we isi. ⁴⁶ Kviya naweva wano wantu we isi walonga kwa luga ntuhu na kumvikila Chohile. ⁴⁷ Kuna mntu yoyose akudaha kuchinda mazi chani wantu wasekwambulwa, wantu wano wamhokelen mpeho mng'azi saviya suwe. ⁴⁸ Nivyo awwagambile wambulwe kwa zina dya Yesu Kulisito, akajika niyo wamlombeza ekale nawo kwa mazuwa wasiku.