¹ Mna Sauli naakajesa kulonga kukogofya kumleta kubanika kwa wanampina wa Zumbe niyo waita kwa mlavyantambiko mkulu. ² Na kumlombeza kuwandikilwa kwa awo wamavikilo ya ukoDamesiki chani aho anampata mntu natongele mwe isila iyo atendile mgosi hegu mvyele sigi na kuwaleta Yelusalemu. ³ Na umo endile akatamba ilaila kugamba akonga kubula Damesiki chipumpa imulika chila kuntu ung'azi kulaila kwembingu ⁴ Mna niyo agwa hasi na kwiva mwitango ukumgamba Sauli Sauli kwa mbwani wanisulumiza miye? ⁵ Sauli amhitula wi yuhi weyeZumbe Zumbe agamba miye ni Yesu ukunibalanga. ⁶ Mna chimala mwigale mwe ikaya naugambilwe ivyo ukungwa udamanye. ⁷ Wadya wantu watambile hamwenga Sauli watongomala hawalongile dyodyose waketegeleza idizwi hawawone mntu. ⁸ Sauli niyo enuka aho hasi umo eze agubule ameso yakwe hadahile kuwona chintu wamtoza umkono kumbuza uko Damesiki. ⁹ Ychinta mazuwa matatu hakuwona hakudya naho hakunywa. ¹⁰ Mna neyaho mwanampina Damesiki zuna dyakwe Ananiya Zumbe kalonga naye mo uwoni Ananiya niyo agamba miye ni hani Zumbe. ¹¹ Zmbe amgamba chimala wite uko ko mtaa uchumile mwe nyumba ya yudya ukauze mntu kulawa Taso akwitangwa Sauli uyo achei kulombeza. ¹² Uyo nakawona mo uwono mntu zina dyakwe Ananiya akengila na kumwikiya mikono mlanga mwakwe chani ahokele kuwona. ¹³ Mna Ananiya ahitula Zumbe siva mbuli za mntu yuno kwa wantu walozize kwa ivyo awadamanyize yehiye wakukile wa uko Yelusalemu, ¹⁴ Hano anaudahi ukulawa kwa mlavyantambiko mkulu kumgwila chila nyumwenga akuditangila zina dyakwe. ¹⁵ Mna Zumbe niyo amgamba hita kwa viya uyo ni chintu chisagulwe kwangu adiguhe idizina dyangu kulongola kwe izisi na maseuta na wantu wa izulaeli ¹⁶ Mna naniwalagise yadya yalozize yakumunga kusulumizwa kwa idyo idizina dyangu. ¹⁷ Ananiya niyo aita na kwingila mdya mwe nyumba kumwinka mikono akagamba mlukolo Sauli Zumbe Yesu yudya akulaile mwe isila umo nendile ukeza kanisigila udahe kusinya naho mwongezwe Muye Ukukile. ¹⁸ Chipumpa vilagala mwa meso yakwe vintu saviya magalatu niyo asinya naho niyo achimala na kwambulwa niyo adya nkande na kuguha ujima. ¹⁹ Niyo ekala hamwenga na wanampina wa uko Damesiki kwa mazuwa yalozize. ²⁰ Niyo aho aho niyo amlonga Yesu mwa madugano ya wanampina akagamba kugamba uyo ni mwana ywa Chohile. ²¹ Niyo wose wevile waduduhala kugamba suyo mntu yuno awabanange wose waditange zina dino uko Yelusalemu? naho hano nakeza kwa idyo dya kuwanyamaza na kuwegala kwa walavyantambiko. ²² Mna uyo Sauli niyo atendelwa udahi wa nguvu na kuwatenda Wayahudi na wakekala Damesiki wagilwe welavyanye kugamba yuno nuyo Kulisito. ²³ Yeze yajinke mazuwa yalozize Wayahudi niyo wadamanya hamwenga chani wamkome ²⁴ Mna ubala wawo niyo ubunkuka kwa Sauli wakamdima mo mlango nomsi na nechilo wadahe kumkoma. ²⁵ Mna wanampina wakwe wamguha nechilo na kumseleza kujinkila mwe chiwambaza na kumseleza hasi mwe ntangulu. ²⁶ Uyo Sauli eze abule Ywlusalemu niyo ajeza kuhangana na wanampina mna niyo watenda wamogoha hawamzumile kugamba uyo ni wanampina. ²⁷ Mna Banaba niyo amguha na kumwigala kwa wasigilwa niyo awagambila ivyo Sauli amuwone Zumbe mwe isila na Zumbe ivyo alongile naye na ivyo Sauli alongile kwa ukankalu kwa zina dya Yesu uko Damesiki. ²⁸ Kadugana nawo umo wakengila na kulawa Yelusalemu niyo alonga kwa ukankalu kwa zina dya Zumbe Yesu. ²⁹ niyo alungana na Wayahudi wakulonga chigiliki kuno wakajeza uko na uko kumkoma. ³⁰ Naho walukolo weza wamanye imbuli iyo niyo wamguha uko Kaisaliya na kumwigala aite Taso. ³¹ Mna niyo bunga dya wamzumile Kulisito dyo dyose dya Uyahudi Galilaya na Samaliya itenda na utondowazi na niyo dyazengwa na kujenda mwe nkama ya Zumbe na fulaha ya Muye Ukukile, wamzumile Kulisito wakula na kujenyela kwa kuwazwa. ³² Niyo vyalaila Petulo umo nakazunguluka ntendele zose zo mkowa niyo awaseleza mna wazumizi wakwikala mwe imizi ya Lida. ³³ Niyo amuwona uko mntu yumwenga zina dyakwe Ainea mntu uyo nakatenda mo usazi mihilimo mnane uyo nendile kaholola. ³⁴ Petulo amgambila AineaYesu Kulisito akuhonye inuka na utandike ulusazi wako aho niyo enuka. ³⁵ Niyo wantu wose wekalaga Lidiya Shonani weze wamuwone umntu uyo wamhitukilaZumbe. ³⁶ Hendaga na wanmpina Yafa akwitangwa Tabitha ambadyo nadiwazwagulwa saviya Dokasi yuno mvyele na kamema ndima yedi ikutendwa vyedi atendile kwa wachiwa. ³⁷ Nailaila mwa mazuwa ayo na kuhuma niyo afa wezewamwigale mwe chumba cha kulanga na kumgoneza ³⁸ Kwa viya Lida naihajihi na Yafa naho wanampina naweva kugaqmba Petulo nendile3 uko wawsigila wantu waidi wakwe wakamunga. So kwetu naho usekuchelewa. ³⁹ Petulo kenuka na kuhalawa hamwenga nawo ize abule amwingiza kwe ichumba cha kulanga na wabanikilwe wose chimala naye wakaila na kumlagiza Koti na suche ziya Dokasi awashonele umo akatenda hamwenga nawo. ⁴⁰ Petulo niyo awlavya wose kuse kwe chimba kufika madi na kulombeza niyo awahitukila umwili na kugamba Thabithi inuka niyo agubula ameso yakwe eze amuwone Petulo niyo ekala hasi ⁴¹ Niyo Petulo amwinka umkono wakwe na kumwinula naho eze awetange wazumizi na wabanikilwe na kuwenkiza kwawo umo ni mjima. ⁴² Imbuli ino niyo yamanyika Yafa yose na wantu walozize wamzumila Zumbe. ⁴³ Niyo yalailaPetulo kekala mazuwa yalozize Yafa hamwenga na wantu kwitangwa Simoni mdamanya mikota.