¹ Kwegamilana kwa ndima kwachausa cha wakusankanila ni vyedi vitendese kwangu kuwadolonyeza. ² Sivimanya vikulanga kwehelwa kwenyu ambako nasegamila kwa wantu wa Makedoniya, nasiwagambila kugambaAkaya imalanywa kale kukongela mazuwa yajinkile, kunga kwenyu kuwajela muye walozize wawo kudamanya. ³ Haluse siwatuma walukolo chani kugammba malibgo yetu kulanga nyuwe yasekutendeka yabule naho chani kugamba hegu namwemalanya kale ivyo nilongile namheza. ⁴ Vituhu navyo, hegu mntu yoyose wa Makedoniya akeza hamwenga na miye na kumbwila hanati kutenda kaheza nachiwone yano sikulonga chochose kuhusu nuwe kwakutenda kankalu vidala mwa nyuwe. ⁵ Ivyo nasiwona kugamba vyaungwa kuwalombeza walukolo kwiza kwenyu na kudamanya mwalo mapema kwachausa cha jeleko chilaganeino nivyo chani kugamba zimalanywe kale saviya jimbiko na suwe saviya chintu chungigwe. ⁶ Fanyanyi ni ino mntu akuhanda chidogo naho navune chidogo na yoyose akuhanda kwa mwalo wa jimbiko naho navune kwa jimbiko. ⁷ Ivyo chila yumwenga alavye ivyo apangile mo umuye wakwe ivyo naye hekulavya kwa mbazi hegu kwakutintiswa kwaviya Chohile amunga yudya akulavya kwa kwelelwa. ⁸ Naho Chohile adaha kongezeza chila jimbiko kwachausa chenyu chani kugamba, chila chipindi mwe mbuli zose mdahe kupata yose ayo mkunga ino naitende chani kugamba, mdahe kongeza chila ntendwa yedi. ⁹ Ni saviya idolonywe kazulubanya ugoli wakwe na kulavya kwa wachiwa ne vitana vyakwe vyekala kale na kale. ¹⁰ Naye nakalavya mbeyu kwa mhandi na mgate kwachausa cha wakudya, naho nalavye na kongeza mbeyu yenyu kwachausa cha kuhanda yeye nongeze ulozo wa uwagila mwenyu. ¹¹ Nawelelwe kwa chila namna chani kugamba mdahe kutenda wahembelezi ino nailete ntogozi kwa Chohile kujinkila suwe. ¹² Kwakudamanya ndima ino siyo du kudakula viya wakunga wakusankanila nho ongeza mwe ntendwa zilozize za kutunya kwa Chohile. ¹³ Kwaviya kuhimwa kwenyu kuwonwa kwe ndima ino, naho namumtogole Chohile kwa kuzumila kwa mwitango wenyu wa ulosi wedi wa Kuilsito naho namumtogole Chohile kwa utana wa jeleko dyenyu kwawe na kwa chila yumwenga. ¹⁴ Nawabezezani na kuwalombezeza kwachausa chenyu wadamanya vino, kwachausa cha wedi mkulu wa Chohile wikale kulanga kwenyu. ¹⁵ Vitana vitende kwa Chohile kwa majeleko yakwe hayekulongeka.