¹ Chawaunga nyuwe mmanye mkulu na lumbu vikulanga wedi wa Chohile ivyo vilavigwe mwa mavikilo ya Makedoniya. ² Chipindi cha jezo kulu dya masulumizo kutendesa kwa kwelelwa kwawo na kujenyela kwa uchiwa wawo weleke ugoli mkulu wa kunga. ³ Kwaviya naukula kugamba, walavya ivvyo wadahile na ivyo na vitendese ivyo wadahile. ⁴ Naho kwakunga wowo wenye kwakuchunga kutendese wachilombeza chani chitende nawo mwe ndima ino kwa wazumile. ⁵ Ino hailaile oga ivyo nachili, chikunga badala yakwe nkongo nawelavya wowo wenye kwetu kwa ungi wa Chohile. ⁶ Ivyo chimunga Tito uyo evyedi akongile indima ino, kuleta mo kuchintiza mbuli ino ya kuhokela mwetu. ⁷ Mna nyuwe mna vitendese mwe chila chintu na utondowazi mo kulonga ko udahi wakwe, kuhikiliza na mo ungi wenyu kwachausa chetu ivyo msinye kugamba nyuwe mwatenda na vitendese naho mwe imbuli ino no kunga. ⁸ Nagamba dino hadikale saviya dikungwa badala yakwe nagamba dino dyajeza chinedi kwa ungi wenyu, kwakuliganyiza no ukunga kwa wantu watuhu. ⁹ Kwaviya mmanya wedi wa Zumbe, Yesu Kulisito naho hegu nakatenda na ugoli. ¹⁰ Umo mwe mbuli ino naniwenke kulonga umo mo kuwambiza chipindi cha mhilimo umwenga ujinkile hamkongile du kudamanya mbuli mna namkonga kudamanya. ¹¹ Haluse mtende du ivyo navili na kunga, na ivyo ikudanaya naho hekudaha naho kudileta mo ukuchinta kwa ivyo namdahe. ¹² Kwaviya mna nchilu ya kudamanya mbuli zino ni mbuli yedi naho yahokelwa vyaungwa vichimale kulanga na chiya ananacho mntu, siyo kulanga cha henanacho mntu. ¹³ Kwaviya ndima ino siyo kwaviya kugamba, watuhu wadahe kwinkigwa ahueni na nyuwe mdahe kuzamilwa badala yakwe kutenda na kuligana. ¹⁴ Ukutendesa kwenyu kwechipindi cha haluse no wambizi kwa chiya wakuchungaino niyo ,ivyo naho chani kugamba ukutendesa kwawo kudahe kuwambiza ukunga kwenyu na kugamba kutenda na kuligana. ¹⁵ Ino nivyo idolonywe uyo anavitendese hatendile na chintu chochose chisigale na uyo ana chidodo hahali akunga yoyose. ¹⁶ Mna chimtogole Chohile aikiye mndani mo muye wa Tito muye udya wa kudamanyisa na kuyasinya yadya ninanayo kwachausa changu. ¹⁷ Kwaviya siyo du nakahokela ukulombeza kwetu mna naho na kudamanya kwa kungisa kuligana no ukulombeza ayo nakeza kwenyu kwa kunga kwakwe mwenye. ¹⁸ Chimtuma hamwenga na uyo mlukolo uyo akutogolwa mgati mwa mavikilo kwachausa che ndima yakwe umo mo kulonga ulosi. ¹⁹ Sivyo, ivyo du naho nakusagula mwamavikilo kutamba na suwe umo mo kwentwika hantu ahoimbuli ino yo kwinkiza mwa mavikilo kutamba na suwe umo mo kuyetwika hantu aho imbuli ino yo kwinkiza, ino ni kwa uzumizi wa Zumbe mwenye ko kunga kwetu kuwambiza. ²⁰ Chenega vikudahika kugamba, yoyose naungigwe kuluguda vikunga kungisa uno ambawo chawinula. ²¹ Chaguha kusinyisa kudamanya chiya chokutunya siyo du ko ulongozi wa Chohile mna naho wa wantu. ²² Naho chamsigila mlukolo mtuhbu hamwenga nawo, chimsinya vitendese naho chimuwona ni mta kunga kwaviya anandima zitendese naho haluse anakungisa kutendese kwachausa cha ukankalu mkulu ananawo mndani mwenyu. ²³ Kwe zimbuli za Tito uyo chihamwenga ni mnyangu na mdamanya ndima mnyangu kwachausa chenyu, oge kwa walukolo wetu wasigilwa mwa mavikilo watogolwa mwa Kulisito. ²⁴ Ivyo walagiseni ungi wenyu naho mlagise kwa mavikilo chausa cha kweduvya kwenyu kwachausa chenyu.