¹ Miye Paolo miye mwenye nawalombezezani kwa unyanyahali naho kwa umpalaholewa Kulisito, miye sihola chipindi hatenda chilongozi wenyu mna ninaukankalu kwenyu hatenda hale na nyuwe. ² Nawalombezezani nyuwe kugamba, chipindi nihano hamwenga na nyuwe, zuwa dya kutenda mkankalu na kwetogeza miye mwenye mna nafanyanya nanunge kutenda mkankalu chipindi hawahiga wadya wakunifanyanyiza kugamba chekala kwachausa cha mwili ³ Kwaviya hata hegu chajenda kwa mwili, hukuhigana na nkondo kwachausa cha mwili ⁴ Kwaviya iviha chikujeseza kutoilana siyo za chimwili badala yakwe, zina nguvu ya Chihoh za kubalanga ngome, zausa kabisa mahigano yachintile. ile ⁵ Naho zabalanga zila chikulongoza chikwinula kuzudi umanyi wa Chohile chadidamanya mateka chila fanyanyi mwe kuzumila mwa Kulisito. ⁶ Naho chapata uchindedi wa kukanta chila ntendwa hezina kuzumila, nkanana du kuzumila kwenyu kuna ntendwa kuchinta. ⁷ Sinya chiya chikale mwazi kulongozi kwenyu, saviya yoyose akuwatoza kugamba yeye ni wa Kulisito, nahebu ekumbuse yeye mwenye kugamba ni saviya du ivyo eli ni wa Kulisito ivyo nivyo, na suwe naho chikala ivyo. ⁸ Kwaviya hata hefenya chidogo kujinka kulanga ulongozi wetu ambawo Zumbe niyo kelavya kwachausa chetu kuwazenga nyuwe na siyo kuwabalanga sanione soni. ⁹ Sikunga dino chani nisinyike kugamba, nawatisa nyuwe kwa baluwa zangu. ¹⁰ Kwaviya bola ya wantu walonge baluwa zakwe, ni nkali naho zina nguvu mna chimwili yeye ni mnyonje milosi yakwe haikuwagila kwetegeleza. ¹¹ 11 Ivyo wantu welelwe kugamba, chila chikulongwa kwa upesi chipindi chikatenda hale, viligana na viya chikunga chidamanye chipindi chikatenda hadya. ¹² Hachikwita hale mna, saviya kweduganya wenye hegu kweliganisha wenye na wadya ambawo wetunya wenye na wakehima wenye na chila yumwenga yakwe hawana umanyi. ¹³ Suwe hata ivyo, hachikwefenya kujinka mihaka, badala yakwe nachidamanye ivyo du mndani mwe mihaka ambayo Chohile kachihimila suwe mihaka ikudmanyika uhale saviya wenyu ivyo wili. ¹⁴ Kwaviya hacheongezeze wenye chize chiwabwile nyuwe nachitenda wankongo kubula kwa uhale saviya nyuwe kwachausa cha Kulisito. ¹⁵ Hachinati kwefenya kujinka mihaka kulanga ndima za watuhu badala yakwe chabesa saviya utondowazi wenyu ivyo wili kugamba, hantu hetu ha ndima nahangalamulwe vidala, hekwinati ndima mwe mihaka iligane. ¹⁶ China mwalo kwa vino chani kugamba, chdahe kugoja ulosi wedi hata kwe mikowa kujinka, kwenyu, hachikwefenya kulanga ndima idamanyike mwe milosi mituhu. ¹⁷ Mna yoyose akwefenya efenye kwa Zumbe. ¹⁸ Kwaviya siyo yidya elagise mwenye alagiswa kujinka yudya ambaye Zumbe kamlagisa.