¹ Nafanyanya kugamba mwajijimizana na miye mwe bazi ya uovyo, mna kwachindedi mwajijimizana na miye. ² Kwaviya ni mwenye chinyulu kulanga nyuwe nina chinyulu mwa Chohile kwachausa chenyu kukongela viya nilagane na nyuwe kwe ngasu yaa mgosi yumwenga nasilagana kuwaleta nyuwe kwa Kulisito saviya bikila ntana. ³ Mna nogoha kugamba kwa namna zuwa enga nyoka viya amdantile Eva kwa hila yakwe fanyanyi zenyu yadaha kusokezwa hale kulawa kwe mviko uchintile yedi kwa Kulisito. ⁴ Kwaviya kwa mligano kugamba, mntu msiku keza kugoneka Yesu mtuhu vyesimane na yudya chimhokele hegu kwa mhinyo kugamba mhokele uosi mtuhu wesimane na udya mhokele mjijimiza mbuli zino zedi zichinta. ⁵ Kwaviya nawaza kugmba miye si yumwenga mwa kweisi kwa awo wakwitangwa wandima wedi. ⁶ Mna hata enga miye sanihinywe mwe kulavya hutuba, sikale saivyo mwe umnyi wa chila namna na mwe mbuli zose chidamanya dino kumanyika kwenyu. ⁷ Togola sidamanya masa kwa kunyanyahala mwenye, chani nyuwe mdahe kwenula? Kwaviya nasilonga kwa kulekeilwa ulosi wedi wa Chohile kwenyu. ⁸ Nasiyahoka mavikilo matuhu kwa kuhokela wambizi kulawa kwawe chani kugamba nadahile kuwasankanila nyuwe. ⁹ Chipindi nendile ninanyuwe nandile ni mwenye kunga, simwegamile yoyose kwaviya hunga yangu nayanichinta na walukolo naweza kulawa Makedoniya mwe chila chintu sechinda mwenye kwikala mzigo kwenyu, nami najendeleza kudamanya saivyo. ¹⁰ Saviya chindedi cha Kulisito ivyo chili mndani mwenyu, kuno kwetunya kwangu hakulekilwe mwe ntendele za Akaya, ¹¹ Kwambwani? Kwaviya sikuwaungani? Chohile kamanya nawaunga. ¹² Mna chiya huchidamanya nachidamanya naho mwe ichiya, ichiya wakwefenyeza. ¹³ Kwaviya wantu wadya ni wandima wa lulimi na wadamanya ndima wadanti wehitula wenye saviya wandima wa Kulisito. ¹⁴ Naho dino hakwitusa kwavya hata mwavu ehitula mwenye saviya wandima wang'aile. ¹⁵ Ino haina mwituso mkulu saviya wandima wakwe naho kwehitula wenye saviya wandima wa chindedi wihi wawo naitende saviya ntendwa zawo hezikuwagila. ¹⁶ Naalonga naho ivyo naasekutenda mntu yoyose afanyanya miye ni mhezi mna hegu mkadamanya nihokelani miye saviya mhezi chani nidahe kutunya chidogo. ¹⁷ Chiya hulonga kulanga icho huzumila na kwefenya hakukukantilwa ni Zumbe mna nalonga saviya mhezi. ¹⁸ Kwaviya wantu walozize wefenya kwachausa cha mwili nanefenye naho. ¹⁹ Kwaviya namguhilana kwa kwelelwa na wahezi, nyuwe wenye mna umanyi. ²⁰ Ivyo waguhilana na mntu saviya kakujela mwe utumwa,ege kulekeza mwalo hagati henyu saviya akawajeseza kwa nyongeza yakwe, ega keika kulanga ko ulanga hegu akawatowa meso.. ²¹ Nakalonga kwa soni yetu kugamba suwe nendile chiwasokezi vidala kudamanya saivyo,, nahavinati saviya yoyose akefenya nalonga enga mhezi miye naho nefenya. ²² Ivvyo kwani awo ni Wayahudi? Na miye ni seivyo, kwani awo ni Waizulaeli? Na miye ni seivyo, kwani ni welekwa wa Abulahamu? Na miye ni seivyo. ²³ Kwani awo ni wandima wa Kulisito? Nalonga saviya sipilikwa ni umanyi wangu? miye ni kujinka nendile hata mwe ndima itogile kujinka, hale kujinka kutenda kwechifungo, mwe kutoigwa kujinka chihimo mwe kwebunga hatali zilozize za file. ²⁴ Kulawa kwa Wayahudi sihokela nkanana shano nkomano milongo mine kusa dimwenga. ²⁵ Nkanan ntatu sitoigwa kwa nkome nkanana imwenga sitoigwa mayuwe nkanana ntatu sichupuluswa mwe imeli, sijeseza chilo na msi kwibahali ya wazi. ²⁶ Nasikala mwe ntambo nkana kwa nkana mwe hatali izamile, mwe hatali za wapolaganyi mwe hatali kulawa kwa wantu wangu mwenye, mwe hatali kula mwe wantu we isi, mwe hatali ya mazi, mwe hatali ya kunyaile, mwe hatali ya bahali, mwe hatali kulawa kwa wlukolo walulimi. ²⁷ Nasikala mwe ndimma itogile na mwe wikazi utogile mwe mazuwa yalozize kwakutokugona mwe sla na nchilu, nkanana zilozize mwe kufunga, mwe mpeho na mwazi. ²⁸ hale na chila chintu chituhu kuna msindiko wa chila zuwa kulanga kwangu nkama yangu kwachausa cha mavikilo. ²⁹ Ni yuhi ahwele, na miye siyo msokezi? Ni yuhi ahosize mthunkugwa mwe masa na miye sikuhuma kundani? ³⁰ Hegu vyaungwa nefenye nanefenyeze kulanga chiya chikulagiswa uzavu wangu. ³¹ Chohile nise dya Zmbe Yesu uyo ambaye atogolwa kale na kale, amaya kugamba miye sikudanta. ³² Kudya Damesiki mkulu ywa mkowa hasi ha Seuta Aleta nendile na nakawamila umzi wa Damesiki chanim kunigwila. ³³ Mna nasikwa mwe ntangulu, kujinkla mwe dilisha niyo ukuta, nawo niyo wachupuluswa kulawa mwe mikono yakwe.