¹ Vyaungwa neduvye, mna hahana chikongezeka naicho, mna nanijendeleze mwe uoni na ugubulo kwa Zumbe. ² Smanya mntu yumwenga mwa Kulisito uyo ni mihilimo mlongo na mine ijinkile uyo akatenda mwe mwili hegu naho kuse ko umwili miye simsnyize, Chohile kamanya nakaguhigwa kulanga ko ulanga wa katatu. ³ Mna simanya kugamba mntu yuno ikatenda mwe chimwili hegu kuse ko mwili, miye simanyize Chohile kamanya. ⁴ Nakaguhigwa kulanga kubula Paladiso na kwiva mbuli zikukile vidala, mwe mntu yoyose kuyalonga. ⁵ Mwe mntu enga uyo nanekeduvya mna mwa miye mwenye saneduvye mna kulanga usokezi wangu. ⁶ Hegu haunga kweduvya, satendile mhezi, kwaviya nendile halonga ichindedi, mna nanileke kweduvya chani kugamb asekutenda yoyose nanifanyanye vitende ya ayo kujinkila chikuwonekana mndani mwenyu hegu naho kwivika kulawa mwangu. ⁷ Sanefenye naho kwaviya ya ayo ugubulo wa viya vyose vya mpintuko, ivyo sanimeme ni maya mwiwa,, mwikwa mndani mo mwili wangu, msigilwa ywa mwavu kanitowa miye, chani nesunge kutenda mwenye kwaduvya. ⁸ Nkanana ntantu simhembelezaZumbe kulanga kulanga dino chani yeye kusa kulawa kwangu. ⁹ Naye niyo anigambila wedi wangu wanichinta kwachausa chako, kwaviya udahi hudamanya kuchintile mwe usokezi, ivyo, nasunga vitendese kweduvya vitendese kulanga usokezi wangu, chani kugamba udahi wa Kulisito udahe kwikala mlanga mwangu. ¹⁰ Mwe ivyo sichintika kwachausa cha Kulisito mwe usokezi, mwe kuhulutwa, mwe nkantu, mwe masulumizo mwe mbuli ya kunyanyahala, mwe mazuwa hatenda sisokela, akajika nina udahi. ¹¹ Miye sitenda mhezi mikunkusa mwe dino, kwaviya hegu nendile situnywa ni nyuwe, kwaviya sitendile nkunto vitendese mwa awo wakwitangwa wasigilwa wedi hata hegu miye si chintu. ¹² Mpintuko za chendedi za wasigilwa nazidamanyika mgati mwenyu mwe kujijimiza, mpintuko na vilagiso, ntendwa nkulu. ¹³ Mwe namna yani mwendilwe mkaungwa wa hasi kujinka mavikilo yasigale, mna kugamba sitendile kwegamilani nyuwe? Mnilekeile mwa amasa yano. ¹⁴ Kaulani miye sichinta kwaiza kwenyu mwe nkanana ntantu sanitende hawegamilani nyuwe, kwaviya sikunga chintu chitende chenyu, nawagamba nyuwe, kwaviya wana hamkungwa kwika msuhi kwachausa cha welesi mna welesi waungwa kwika msuhi kwachausa cha wana. ¹⁵ Nanelelwe vidala kudamanya kwachausa che izinausi zenyu, hegu nawaungani vitendese nongigwa niwaungeni chidogo? ¹⁶ Mna hegu ivyo vili siwegamilani nyuwe, mna kwaviya miye ni mbala vidala miye ni yudya awetengeni nyuwe kwaviya sitenda uyo awapatileni mwe udanti ¹⁷ Vino, nasiguha mwe kwedamanyiza ulozo mwe yoyose nimsigile mwenyu? ¹⁸ Nasimhembeleza Tito kwiza mwebyu, naho nasimsigila mlukolo mtuhu hamwenga naye, vino Tto nakawadamanyizani ulozo wenyu? Vino hachijendile mwe ayo iviya iviya? ¹⁹ Mwafanyanya mwe ichipindi icho chose chitenda chikegombela suwe wenye mwenyu? Ulongozi wa Chohile na mwa Kulisito chitenda chikalonga chila chintu kwachausa cha kuwatongelani nyuwe. ²⁰ Kwaviya nina woga kugamba umo heza nadaha nisekuwapata saviya hunga, nina nogoha kugamba, kwadaha kulaila mahigano, finju, kwemukwa mwe maya, tama ya umiye, lulimi, chibuli, na nkumbizi. ²¹ Nina woga kugamba umo hauya naho, Chohile ywangu adahe kupata chinyulu ulongozi mwenyu, ninawoga kugamba nadaha kupata chinyulu na walozize awo wadamanye masa hevinati haluse, na awo hewekwila uwavu na ugonyi na mbuli za tama wakuzidamanya.