¹ Chimanya kugamba hegu uwikazi wo moulanga ambawo chekala umo wabanika chinanadyo zengo kulawa kwa Chohile, ni nyumba heidamanywe kwa nikono ya mwana mntu mna ni nyumba ya kale na kale kwembingu. ² Kwaviya mwe divulu dino chahuma chikonga chivalwe ko wikazi wetu kwambingu. ³ Chakaunga kwa chausa chino kwaviya kwakuvala hachiwonekane kugamba chimwazi. ⁴ Chindedi chipindi chiyumo mndani mwe divulu dino chaluma chikazamilwa hachikunga kuvulwa chani kugamba chiya chifile chidahe kumelwa mo ujima. ⁵ Yudya achimalanye suwwe kwachintu chino ni Chohile uyo nakachinka suwe Muye oge lagano dya chiya chikunga chize. ⁶ Ivyo mtende na ukankalu mazuwa yose, mtende meso kugamba, chipindi chiyuko kwe nyumba mo mwili chikala hale na Chohile. ⁷ Ivyo chajenda kwa utondowazi suko kwa kusinya kwa ivyo china ukankalu ⁸ Ni vyedi chitende hale kulawa ko mwili na kwenyumba hamwenga na Zumbe. ⁹ Ivyo chatenda kugamba chintu chetu oge chintu chetu chinatenda kukaya hegu hale kummzumila yeye,. ¹⁰ Kwaviya chose chaungwa chichimale kulongozi kwe chigoda cho kukantila cha Kulisito chani chila yumwenga adahe kuhokela chiya chikumwagila kwa yadya yadamanyike ko mwili hegu ni kwa vyedi hegu kwa vihiye. ¹¹ Ivyo kwakuimanya inkama ya Zumbe chawagambilani wantu ivyo chili, yawonekana pwilili na Chohile mnamsuhi kugamba, imanyike naho kwe myuye yenyu. ¹² Hachikujeza kuwagambilani nyuwe naho kuchiwona suwe saviya wachindedi badala yakwe chawenka nyuwe kwachausa cha kwelavya kwa suwe, chani kugamba mdahe kutenda na dyakuhitula kwa wadya kwakwedevya vikulanga kuwoneka mna sicho chiya chimndani mwe myuiye. ¹³ Kwaviya hegu umo chilukwa ni fanyanyi kwachausa cha Chohile naho hegu chiyuko kwe zifanyani zetu zichintile ni kwachausa chenyu. ¹⁴ Kwaviya ungi wa Kulisito wachigongomeza kwaviya china chindedi na dino, kugamba mntu yumwenga kabanika kwachausa cha wose ivo wose wabanika. ¹⁵ Naho Kulisito nakabanika kwachausa cha wose chani kugamba wadya wakwikala wekale naho kwachausa chawo wenye badala yakwe waungwa wekale kwachausa chakwe yeye uyo abanike niyo auyuka. ¹⁶ Kwachausa chino kukongela haluse, na kujinkanya hachikumkantila mntu kuligana na udahi wa wantu hata hegu aho nkongo nachikamgoj Kulisito kwa vini vili mna haluse hachikumkantila yoyose mwe ivyo naho. ¹⁷ Ivyo uneva mntu yoyose emndani mwa Kulisito uyo ni chumbe chihya mbuli za chikale zijinka kaula zitenda pya. ¹⁸ Vintu vyose3 vino vyalawa kwa Chohile naho kachiliganyiza suwe kwakwe na wenye kujinkila Kulisito nakachinka ndima ya kwivanya. ¹⁹ Iyo ni kugamba, Umo mwa Kulisito, Chohile mliganyiza ulangazi kwakwe mwenye suko kuwaza ubanasi wawo kujinka wowo aikiza kwetu ulosi wa kuliganyizwa. ²⁰ Ivyo chasagula saviya wakumdamanyiza Kulisito kugamba Chohile nakekala akudamanya uliganyi wakwe kujinkila suwe chawaungwa nyuwe kwachausa cha Kulisito mwivanyi wa Chohile. ²¹ Nakamtenda Kulisito kutenda kauya kwachausa cha masa yetu uyo nuyo hedamanye masa nakadamanya vino chani chidahe kudamanyika kuwagila kwa Chohile mwa yeye.