¹ Ivyo kwaviya china ndima ino na saviya ivyo chihokele wedi hachife chevu. ² Akajika chilemela sila zose za soni nazefisize, hachikwikala kwa ubala naho hachikudamanya vihiye ulosi wa Chohile kwa kwinkiza iyo ye chindedi chikwelaila kwa wadya awodu kwa kunga kwa chila mntu kulongozi kwa Chohile. ³ Mna hegu ulosi wetu wefisa, wefisa kwa wadya wakwaga. ⁴ Umo mo kusangala kwawo Chohile wo ulanga kawazaganya umanyi wawo heikuzumila ulailo wawo hawakudaha kuwona ulangazi wo ulosi wo Ukuka wa Kulisito uyo ulagiso wa Chohile. ⁵ Kwaviya hachkwegoneka wenye, mna Kulisito Yesu oga Zumbe na suwe wenye oge wandima wenyu mwa Yesu. ⁶ Kwaviya Chohile nuyo uyo alongile ulangazi, ulangaze kulawa mwe chiza kulangaza mwe myuye yetu kulavya ung'azi wa udahi wa Ukuka wa Chohile mo kutendeka kwa Yesu Kulisito. ⁷ Elo suwe china mpamba ino mwe viya vya ulongo chani kugamba imanyike kwa udahi mkulu vitendese ni wa Chohile na siyo yetu. ⁸ Chimwe nkunto mazuwa yose, mna hachikumnya chadya nkama hachimemigwe ni kutenda na chevu. ⁹ Chasulumizwa mna hachasigwe chadulwa hasi mna hachibalangwe. ¹⁰ Mazuwa yose chenula mwe imili yetu, fila ya Yesu, chani kugamba ujima wa Yesu uwonekane naho mwe mili yetu. ¹¹ Suwe chimo ujima wa mazuwa yose, chilavigwa kubanika kwachausa cha Yesu chani kugamba, ujima wa Yesu usinywe mwe mili yetu ya chiuntu. ¹² Mwe vino ino file yadamanya ndima mndani mwetu, mna ujima wadamanya ndima mndani mwetu. ¹³ Mna china muye udya udya, wo utondowazi kuligana na chiya chidolonywe, sizumile na ivyo silonga suwe naswi chizumila na ivyo naswi chalonga. ¹⁴ Chimanya kugamba yudya amuyuse Zumbe, Yesu naho nachuyuse suwe hamwenga naye chimanya kugamba, nachitende suwe hamwenga nanywi umo eyaho. ¹⁵ Chila chintu ni kwachausa chenyu kugamba, we ivyo wedi ujenyela kwa wantu walozize vitenda kujenyela kwa Ukuka wa Chohile. ¹⁶ Ivyo hachikufa chevu hata hegu weze chalemela kwa mndani chadamanywa uhya zuwa kubula zuwa. ¹⁷ Kwe chipindi chino chijihi masulumizo yano yahuhile yachinka suwe kwaviya kale na kale uzamile Ukuka kujinka vihimo vyose. ¹⁸ Kwaviya hachikussinya kwachausa cha vintu ivyo vikusinyika mna kwa vintu hevikuwoneka vintu chikudaha kuvisinya ni vya chipindi du mna vintu ivyo hevikuwoneka ni vya kale nakale.