¹ Togola, chikonga kwetunya wenye naho? Hachikunga baluwa ya kweungila kwenyu hegu kulawa kwenyu saviya wasiku wa wantu, togola chaunga? ² Nyuwe wenye ni baluwa yetu ya kweungila idolonywe kwe muye yetu ikumanyika na kusomwa ni wantu. ³ Nawalagisa kugamba, nyuwe ni baluwa kulawa kwa Kulisito ilvigwe na suwe idolonywe sivyo kwa wino bali kwa muye wa Chohile wikale mjima haidolonywe kulanga kwe vibawo vya mayuwe bali kulanga kwe vibawo vye umuye wa wana mntu. ⁴ Nauno nuwo ukankalu china nawo kwa Chohile kujinkila Kuilsito. ⁵ Hachikwzumila wenye kwa nkani chochose ega kulawa kwetu, badala yakwe kwezumila kukulawana ni Chohile. ⁶ Ni Chohile ambaye kachidamanya chidahe kutenda wandima wa lagano hya, dino ni lagano siyo baluwa mna ni dya muye, kwaviya yaakoma mna Muye waalavya ujima. ⁷ Haluse ndima ya file, nednile isongolwa mwe namba kulanga kwe mayuwe chani ize kwa namna ya ukuka kugamba wantu wa Izulaeli hawakusinya hamwenga kwa hamwenga kwa uso wa Musa, ino ni kwachausa cha ukuka wa uso wakwe, Ukukile ambawo nendile ukafifiya. ⁸ Togolani ndima ya Muye haitende na Ukuka kujinka? ⁹ Ivyo hegu ni kusankana kwa nkanto niyo yatenda na Ukuka, ni nkanana nyingahi kujinka kusankana kwa chindedi kujinka vitendese mwe Ukuka! ¹⁰ Ni chindedi kugamba, chiya chidamanye Ukuka nkongo hachina Ukuka naho, mwe kutunywa vino, kwachausa cha Ukuka ukongezekela. ¹¹ Kwaviya chiya ambacho chandele chikajinka chendile na Ukuka, ni kwa chiasi chani kujinka ambacho ni cha udumo na nachitende na Ukuka! ¹² Kwaviya chinauchindedi ivyo, china ukankalu vidala. ¹³ Hachikale saviya Musa ekiye utaji kulanga ko uso wakwe, chani kugamba wantu wa Izulaeli wasekudaha kusinya ulo na ulo kwa udumo wa Ukuka ambawo nawikala ukausika. ¹⁴ Mna umanyi wawe na utalizwa, hata kubula zuwa idi utaji udya udya bado kusigala kulanga ko umta kusoma lagano dya chikale, haikigwe chipwilili, kwaviya ni mwa Kulisito ichedu yauswa hale. ¹⁵ Mna hata dyelo, chipindi chochose Musa akasomwa, utaji wekala kulanga kwe imyuye yawe. ¹⁶ Mna mntu akahituka kwa Zumbe, utaji wauzwa. ¹⁷ Haluse Zumbe ni Muye, hana Muye wa Zumbe, hana ulekeilwa. ¹⁸ Halusee suwe chose hamwenga, na nyuso hezzikigwe utaji zawona Ukuka wa Zumbe, chavihituila mndani mo muonekano udya udya wa Ukuka kulawa shahada imwenga ya Ukuka kwta ntuhu, ega viya kulawa kwa Zumbe ambaye ni Muye.