¹ Ivyo nahaunga, kwe ntendele yangu mwenye kugamba sezile nho kwenyu mwe hali ya usungu. ² Hegu niyo siwalekeila nyuwe masulumizo, ni yuhi nakanelela miye, mna ni yudya ambaye nakalumizwa na miye. ³ Nasidolonya ega viya nidamanye chani kugamba, umo heza kwenyu nisekudaha kulumizwa ni wadya ambawo nendile wanidamanyiza kwelelwa. ⁴ Kwaviya nawadolonyeza nyuwe, kulawana na masulumizo makulu, na nkunto ya miye, na mesozi yalozize, sikunga kuwatendela nyuwe ulumi, bada yakwe naunga mmanye ungi wa chihimo ninanacho kwa chausa chenyu. ⁵ Hegu kuna yoyose akukukhoseza masulumizo, hahoseze masulumizo du kwangu, mna kwa chihimo hechimanyike bila kwika ukali kujinka kwenyu nyuwe nyose. ⁶ Ino ni nkuto ya mntu uyo, kwawalozize yachinta. ⁷ Ivyo haluse bada ya nkuto mwaungwa kulekeilwa na kuhongeza, tendani ivyo chani kugamba asekudaha kuhumwa. na mbzi ijinkile. ⁸ Ivyo nawajela muye kuulagisa ungi wenyu, hang'aile kwachausa chakwe. ⁹ Vino nivyo vitendile hadolonya, chani kugaamba mdahe kuwajeza na kumanya kutenda ega ni wazumile mwe chila chintu. ¹⁰ Hegu mkalekeila yoyose, naho miye nami mawalekeila kulongozi kwa Kulisito. ¹¹ Ino ni kugamba mwavu, asekwiza akachidamanyiza udanti kwaviya suwe siyo wahezi mo msuhi wakwe ¹² Ulwivi niyo lwavugulwa kwangu ni Zumbe, umo nizile mwenyu mo mzi wa Tiloa kugoneka ulosi wedi wa Chohile mwa Kulisito hadya. ¹³ Hata ivyo, sitendile na utondowazi wa muye kwaviya sikubwila mlukolo ywangu Tito hadya, ivyo niyo nawasa nauya Makedoniya. ¹⁴ Mna atogolwe Chohile, uyo mwa Kulisito nkanana zose za kachilongoza suwe mwe kudaha, kujinkila suwe, kasambaza mhepe wedi chila hantu hakwe , hantu hose. ¹⁵ Kwaviya suwe kwa Chohile, ni mhepe wedi wa Kulisito wose mgati mwa wawo wambulwe na mgati mwa wadya wakubalangwa. ¹⁶ Kwa wantu wadya wakwaga, ni mhepe kulawa mwe file kubla file, kwa wadya wakwaga ni mhepe wedi kulawa ujima kubula ujima ni yuhi akwagila vintu vino? ¹⁷ Kwaviya suwe siyo saviya wantu walozize wakutaga ulosi wa Chohile kwa kongezezwa, badala yakwe kwa utanda wa kunga, chalonga mwa Kulisito, saviya chikusigilwa kulawa kwa Chohile, kulongozi kwa Chohile.