¹ Paolo mndima ywa Kulisito Yesu na mungwa ywa Chohile, na Timoseo mlukolo ywetu, mwe vikilo dyd Chohile diyuko Koliso na kwawazumizi wose weyuko ko mkowa wose wa Akaya. ² Vitana navitende kwenyu na utondowazi kulaila kwa Chohile, Tati ywetu na kwa Zumbe Yesu Kulisito. ³ Naatogolwe Tate ywa Zmbe dyetu Yesu Kulisito yeye ni tate ywa wedi na Chohile mwe mwe kuhembelezwa kose. ⁴ Chohile azihoza suwe mwe masulumizo, chani kugamba, chidahe kuwahoza wadya wekale mwe masulumizo yose, chawahoza watuhu kwa kuhembeleza iviya iviya ambavyo Chohile nakajeseza kuchihoza suwe. ⁵ Ivyo saviya masulumizo ya Kulisito yajenyela kwachausa chetu, iviya ivyiya kuhembeleza kwetu kwajenyela kujinkila Kulisito. ⁶ Mna saviya chebungwa ni kwachausa cha kuhembeleza kwenyu na wambulwa wenyu, saviya chalozwa ni kwachausa cha kuhembeleza kwenyu, kuhembelezwa kwenyu kudamanye ndima chikankalu mkambizana mwe masulumizo kwa ujijimizi saviya suwe naho chikatumbwadiswa. ⁷ Naukankalu wetu kulanga kwenyu ni chindedi chimanya kugamba, saviya ambavyo mwambizana mwe masulumizo ivyo ivyo, mwambizana mwe kuhembelezwa. ⁸ Kwaviya hachikunga nyuwe mtende wahezi, mlukolo kulanga masulumizo ayo chinanayo uko Asiya, chionewa vitendese mwe viya chikudaha kweleka, saviya kugamba hachitendele na msuhi wa kwikala naho ⁹ Chindedi nachina nkato ya kubanika kulanga kwetu, mna iyo ikala kuchitenda suwe chisekwika chegamo, chike chigamo, kwa Chohile, akuyusa wabanike. ¹⁰ Nakachikombola suwe kulawa mwe file za kubanika, na kuchikombola naho, chika ukankalu wetu mwa yeye yakungamba nachikombolwe naho. ¹¹ Nadamanye vino enga viya nyuwe naho mkuchambiza kwa malombezo yenyu, ivyo walozize nawalavye ntogozi kwe ntendele yetu kwachausa cha kweungila kutana, kwikigwe ni suwe kujinkila malombezo ya walozize. ¹² Chefenyeza ino, ukuzi wa kunga kwetu, kwaviya ni mwe mbuli yedi, na ntana kwa chihimo kugamba, nachita mwenye mwe isi chidamanya vino kabisa na nyuwe naho siyo mwe umnyi we isi, mna badala yakwe ni mwe utana wa Chohile. ¹³ Hachikuwadolonyeza vyovyose, ambavyo havikudaha kusomwa hegu kumanya nina ukankalu. ¹⁴ Kugamba kwa ntendele mheza kuchimanya, naho nina ukankalu kugamba, mazuwa ya Zumbe Yesu nayatende kwachausa chetu chambuli zenyu, saviya mwili wetu. ¹⁵ Kwaviya nendile ninaukankalu kulanga dino, nasunga kwiza kwenyu nkongo, chani kugamba mdahe kuhokela fidiya ya kutalamkilwa nkanana ya kaidi. ¹⁶ Nandile hapanga kuwatalamkila chipindi haita Makedoniya, naho nasunga kuwa talamkila naho chipindi hauya kulawa Makedoniya, na akaheza nyuwe kunisigila miye chipindi haita Uyahudi. ¹⁷ Chipindi nandile hatamba namna ino, Togola nendile nahalemelalemela? Togola, napanga ,mbuli kuligana na chiwango cha chiuntu, chakugamba nilonge, nivyo, nivyo, hegu bule, kwachipindi chimwenga. ¹⁸ Mna enga viya Chohile eli mkanuni hachikulona vyose nivyo, na bule. ¹⁹ Kwaviya Mwana ywa Chohile Yesu Kulisito, ambaye Siliwano, Timoseo na miye chimgoneka mwa wamwenga wenyu, sivyo nivyo mwa yeye, ivyo naho kujinkila yeye chipindi wose nivyo. ²⁰ Kwaviya ndagano zose za Chohile ni nivyo mwa yeye, ivyo naho kujinkila yeye chalonga Taile kwa ukuka wa Chohile. ²¹ Haluse ni Chohile uyo humlavyanya, suwe hamwenga na nyuwe mwa Kulisito naho niyo achisigila suwe. ²² Nakachika chilekeilwe kulanga kwetu, naho niyo achinka Muye mwe myuye yetu saviya zamana ya chiya ambacho nakonga achipatile badaye. ²³ Badala yakwe namlombeza Chohile, aniukwila miye kugamba, mwe chausa icho nitendile nisekwiza Koliso ni kugamba, nisekuwegamila nyuwe. ²⁴ Ino siyo kwachausa cha kujeza kuchinda iyo utondowazi wenyu ivyo ukunga utende, badala ywakwe chadamanya hamwenga na nyuwe kwachausa cha kulelwa kwenyu ega ivyo mchimale mwe utondowazi wenyu.