¹ Ivyo kudamanya ndima hamwenga chonga, nyuwe msekuhokela wedi wa Chohile hehana ulailo. ² Ivyo agamba chipindi chungigwe nendile hasinyisa kwenyu umo mwe dizuw dyo kwambulwa. ³ Hachikwika yuwe dya kuchinda kulongela kwa mntu yoyose, kwaviya hachikuyunga indima yetu chinkigwe kwa kweduvya vihiye. ⁴ Badala yakwe chedamanyiza suwe wenye kwa kudamanya yetu yose kugamba, chi wandima wa Chohile, chiwandima wakwe kwavitendese kwa kujijimiza kusulumila, kukunta udala wo wikazi. ⁵ Kutoigwa, kufungwa, ngavungavu na kwakudamanya ndima kwa kuhikiliza na kuswesa ntongo nechilo mwe sala. ⁶ Mo wedi, mo udahi, mo kujijimiza, utana mo Muye Ukukile mo kunga chindedi. ⁷ Chiwandima wakwe mo ulosi wa chindedi mo udahi wa Chohile china viziha vya kuwagila kwachausa cha mkono wa kulume na wakumoso. ⁸ Chadamanya ndima kwa kutunywa na kubelwa, kwa kulongwa vihiye na kweduvya chazigilizwa kugamba chiwadanti naho chiwachindedi. ⁹ Chadamanya ndima oge kugamba hachimanyike naho hachinati kumanyika vyedi, chadamanya ndima oge wakubanika naho kaula hachinati chi mo wikazi chadamanya ndima oge chikantilwa kwachausa cho kudamanya kwetu mna siyo wakantilwe niyo wabanika. ¹⁰ Chadamanya oge wenye kujugumila mna mazuwa yose chiwenye kwelelwa chadamanya ndima oge wachiwa mna chenkiza ugoli kwa walozize chadamanya ndima oge kugamba hachikupata chintu mna oge chalongoza chila chintu. ¹¹ Chilonga ichindedi chose kwenyu Wakoliso na muye yetu ivugalwa kwa kwangamulwa. ¹² Myuye yenyu haikuchindwa ni suwe mna mwachindwa ni kufanyanya kwenyu wenye. ¹³ Haluse mo kuhitulizanywa mo kuwagila nalonga saviya na wana gubulani myuye yenyu kwa kwangamula. ¹⁴ Msekulunga hamwenga na hewezumile kwavya kuna wivano wani mgati kuwagila na ubani? Naho naho kuna kuhangana kwani mgati mwe ung'azi na chiza? ¹⁵ Ni mwvano yani Kulisito adaha kutenda nayo na Beliani? Hegu uyo azumile ana hantu hani, hamwenga na hekuzumila? ¹⁶ Nakuna kwivana kwani kwiyaho mgati mwe vikilo dya Chohile na matukulu? Kwaviya suwe chi vikilo dya Chohile emo ujima saviya Chohile alongile nakale hagati hawo na kujenda hagati hawo nanitende Chohile ywawo nawo nawatende wantu wangu. ¹⁷ Ivyo, halaweni hagati hawo mkesimane nawo alonga Zumbe, mchekudonta chintu chihiye naniwahokele nyuwe. ¹⁸ Nanitende Tati yenyu kwenyu nanywi namtende wanangu wa chilume na wachiche alonga Zumbe mwenye udahi.