¹ Haluse nawakumbusani wakulu na walumbu zangu mwe ulosi wedi wa Chohile niwagambilenini wagambileni ivyo mhokele na kuchimala mwa ivyo. ² Nimwe imbuli yedi ino mwambulwa, mveva mnachitoza ichindedi ulosi niwagambileni mna mzumila vya bule. ³ Saviya nkongo ivyo nizumile kwa chindedi sileta kwenyu enga ivyo ili kugamba vikulawa mwa mawandiko Kulisito kabanika kwa chausa cha amasa yetu, ⁴ kulawana na mawandiko nakazikwa na kugamba kauyuka zuwa dya katatu. ⁵ na kugamba kamlaila Kefa akaheza kwa wadya milongo na midi. ⁶ Niyo walaila kwa chipindi chimwenga wakulu na walumbu zangu wakujinka magana mashano, walozize wawo bado wemeso mna awamwenga wagona ntogo. ⁷ Akaheza niyo wamlaila Yakobo, akaheza wasigilwa wose. ⁸ Udumo wa yose niyo anilaila mie saviya viya mwana elekwa mwe chipindi sicho chakwe. ⁹ Kwaviya miye ni mdodo mwa wasigilwa sikuwagilwa kwaviya siwasawanisa wamzumile Chohile. ¹⁰ Mna kwa wedi wa Chohile nivino enga nili na wedi wakwe kwangu hautendile bule kwaviya miye sikazana vidala kujinka wose mna andile siyo miye mna ukaleka sidamanya uhikiliza kujinka wose, , mna sitendile miye, mna wedi wa Chohile wi mndani mwangu. ¹¹ Kwaviya hegu ni miye ni wowo chalonga ivyo naho chazumila ivyo. ¹² Haluse uneva Kulisito kalongwa kugamba kauyuka kwa wabanike, vyate zeze wesimile wenyu wagamba hakuna uyuao wa wabanike? ¹³ Mna uneva hakuna uyuso wa wabanike ivyo hata Kulisito hauyuke. ¹⁴ Naho hegu Kulisito hauyuke nivyo kulonga kwetu ni kwa bule na utondowazi wenyu ni wa bule. ¹⁵ Naho chitenda waukuzi wa udanti kumlanga Chohile kwaviya chimukuila Chohile chinyume kugamba kamuyusa Kulisito naye kumbe hamuyuse. ¹⁶ Uneva wabanike hawakuyuswa Yesu naye hauyuswe. ¹⁷ Naho hegu Kulisito hauyuswe kuzumila kwenyu ni kwa bule naho bado mchei mwa masa yenyu. ¹⁸ Ivyo hata wadya wabanike mwa Kulisito nawo wangamila. ¹⁹ Uneva ko ujima uno uwodu chani ukankalu kwa chipindi chikwiza mndani mwa Kulisito, wantu wose suwe chiwakantilwa vikujinka wantu wose. ²⁰ Mna haluse Kulisito kauyuka kulawa kwa wabanike matunda ya nkongo ya wadya wabanike. ²¹ Kwaviya file iza kujinkila wantu naho kujinkila mntu uyuso wa wabanike. ²² Kwaviya mwa Adamu wose wabanika nivyo naho mwa Kulisito wose nawauyuswe. ²³ Mna chila yumwenga na mwalo wakwe Kulisito matunda ya nkongo naho wakaheza wadya wa Kulisito wose wauyuswe chipindi akeza. ²⁴ Naho navitende uhelo, hadya Kulisito akeza kwinkiza useuta kwa Chohole tate yetu, ino ni hadya akunga abalange useuta wa wose na udahi na nguvu. ²⁵ Kwaviya ni lazima alongoze kubula akeza kuwaika wankondo wakwe wose hasi heiviga vyakwe. ²⁶ Mnkondo wa udumo kabalangwa ni file. ²⁷ Kwaviya kaika chila chintu hasi he viga vyakwe mna agamba kaika chila chintu pwilili kugamba ino haikulanga wadya waikiye chila chintu hasi hakwe mwenye. ²⁸ Chipindi vintu vyose vikwa hasi hakwe akaheza mwana mwenye naikwe hasi hakwe yudya aikiye vintu vyose hasi hakwe vino navilaile chani kugamba Chohile tate atende vyose mwe vyose. ²⁹ Hegu vino nawatende zeze wadya wambulwe kwachausa cha wabanike? Hegu wabanike hawakuyuswa vitendese kwabwani naho wambulwa kwachausa cha wowo? ³⁰ Naho kwambwani chimwenkondo chila saa? ³¹ Mkulu na lumbu dyangu kujinkila kweduvya kwangu mwe nyuwe, ivyo vimndani mwa Kulisito Yesu Zumbe wetu nalonga vino nabanika chila zuwa. ³² Napata chibwani chikasinya chimntu mntu, hegu nasitowana na makala makali uko Efeso, hegu wabanike hewakuyuswa? Leka ivyo chidye na kunywa, kwaviya luvi chabanika. ³³ Msekudantwa, mabunga yehiye yabalanga mazwela yedi. ³⁴ Mtende na chiasi mwikale mwe kuwagila, msekujendeleza kutenda masa, kwaviya myesimile yenyu haina ubala wa Chohile, nalonga ivi kwa soni zenyu. ³⁵ Mna mntu mtuhu nagambe, wabanika wauyuswa vivihi? Nawo naweze na mwili wizeze? ³⁶ Weye wi mhezi vidala chiya uhandile hachikudaha kugonga kukula, mna chindakubanika. ³⁷ Naho chiya uhandile siyo mwili ukunga ukule mna ni mbeyu ihotile, yadaha kutenda ngano hegu chintu chituhu. ³⁸ M na Chohile naike mili enga ivyo akunga naho mwe chila mbeyu mwili wakwe mwenye. ³⁹ Mili yose hakufanana, mna kuna mwili umwenga wa mntu mwili mtuhu kala mwili mtuhu wa dege mtuhu nawo kwachausa cha samaki. ⁴⁰ Naho kuna mili ya kwembingu na mili ya mwe isi mna ukuka mwe mili ya koulanga ni ya aina imwenga na ukuka wa mwe isi ni mtuhu. ⁴¹ Kuna ukuka umwenga wa zuwa na ukuka mtuhu wa mwezi na ukuka mtuhu wa ntondo kwaviya ntondo imwenga yesimana na ntuhu mo ukuka. ⁴² Ivyi nivyo vili nayo uyuuso wa kubanika, chikuhandwa chabanika mna chikuhota hachikubanika. ⁴³ Chihandwa chitumiwe vya mazwela chahotezwa mwe ukuka chikahandwa mwe unyanyahazi chahotezwa mwe udahi. ⁴⁴ Chihandwa mwe mwili wa kolwa chahotezwa mwe mwili wa chimuye, hegu kuna mwili wa kolwa kuna mwili wa chimuye nawo. ⁴⁵ Ivyo naho idolonywa mntu ywa nkongoAdamu katenda muye ukuhema Adamu ywa uhelo katenda muye ukulavya ujima. ⁴⁶ Mna wachimuye hawizile nkongo mna wa klo akaheza wa chimuye. ⁴⁷ Saviya mntu yudya adamaywe kwa ulongo, mntu ywa kaidi kalawa ko ulanga . ⁴⁸ Enga viya yudya adamaywe ywa ulongo nivyo naho wadya wadamanywe kwa ulongo enga viya mntu ywa kwembingu eli naho nivyo wadya wakwembingu. ⁴⁹ Saviya chinule chilagiso cha mntu ywa ulongo nachinule naho chilagiso cha mntu ywa kwembingu. ⁵⁰ Haluse nawagambilani wakulu na walumbu zangu kugamba mwili na sakame havikudaha kulisi useuta wa Chohile hegu wa kubanika kulisi hewekubanika. ⁵¹ Kaula nawagambilani nyuwe chinyele cha chindedi hachibanike wose mna chose nachihitukile. ⁵² Nachihitukile mwechipindi mwekugubika na kugubula ameso mwedigunda dya uhelo. Kwaviya gunda nandile wabanika nawauyuswe niyowatenda hawakubanika naho nachihitulwe. ⁵³ Kwaviya unoubanika vyaungwa kuvala hevikuhitukila umonao ukabanika vyaungwa uvale hevikubanika. ⁵⁴ Mna ichipindi chino uno ukubanika ukavale hewikubanika nivyo nawize ulosi ukugamba naho udolonywa kubanika kumelwa ni kuhumwa. ⁵⁵ File kuhuma kwako kwihahi? File wikuhi usungu wako? ⁵⁶ Usungu wafile ni masa naho udahi wa masa ni lagizo. ⁵⁷ Mna chamtogola Chohile akuchinka suwe kuhuma kujinkila Zumbe ywetu Yesu Kulisito. ⁵⁸ Mwaivyo wambuya zangu wakulu na walumbu zangu