¹ Haluse vikulanga misango ya wamzumile Chohile saviya ivyo nilagise mwe zinyumba ze vikilo dya Galatiya nivyo mkungigwa mtende. ² Mwa zuwa dya nkongo mazuwa mfungate chila yumwenga ywenyu aike chintu fulani hankanda enga ivyo mkudaha tendani ivyo chani kugamba kusekutenda na misango mazuwa hwizila. ³ Naho heza kwiza yoyose mkunga msagule nanimsigile hamwenga na baluwa kulawa jeleko dyenyu uko Yelusalemu. ⁴ Naho uneva ni vyedi kwa miye nami kwita hamwenga na miye. ⁵ Mna nanize kwenyu chipindi umo hajinkila Makedoniya. ⁶ Mafani nadaha kwikala na nyuwe hegu hata kubinda imiezi yempeho chani kugamba mdahe kunambiza mweintambo yangu kokose hunga nite. ⁷ Kwaviya sikufanyanya kuwawona kwa chipindi chijihi kwaviya nafanyanya kwikala na nyuwe kwa chipindi fulani. ⁸ Mna nanikale Efeso kubula mazuwa milongo mishano. ⁹ Kwa viya inchili ivugulwa kwachausa changu mna kuna wankondo walozize wakunihiga ¹⁰ Haluse chipindi Timoseo akeza muwone kugamba mwihamwenga na nyuwe bila kogoha asankana ndima ya Zumbe enga ivyo husankana. ¹¹ Mntu yoyose usekumbela, mwambize mwe isila yakwe kwa utondowazi chani kugamba adahe kwiza kwangu kwaviya nafanyanya eze hamwenga na walukolo. ¹² Haluse vikumlanga mlukolo ywetu Apolo nasimjela muye vilozize mna niyo akanta asekwiza vino haluse mna hata ivyo naeze akapata luhenyo. ¹³ Mtende mwi meso mchimale mtogile mtende enga wagosi mtende na udahi. ¹⁴ Ivyo yose mkusankana msankane mwe ungi. ¹⁵ Mwiimanya ikaya ya Stefana, mmanya kugamba nawendile wazumizi wa nkongo uko Akaya, na kugamba naweika wowo wenye mwe kusankanila wazumizi, haluse nawagambilani mkulu na lumbu dyangu. ¹⁶ Mtende na kunyanyahala wantu wantu awo naho kwa chila mntu akwambiza mwe ndima ya wadamanya ndima hamwenga na nyuwe. ¹⁷ Naho selelwa mo ukwiza kwa Stefana Fatunata na Akiko, wachimla hantu aho namkaungwa mchimale. ¹⁸ Kwaviya waubwedeza umuye wangu na uwenyu kwaviya haluse wamanye wantu wakwinga awo. ¹⁹ Nyumba za vikilo za Asia wasigila ndamsa kwenyu, Akila Pliska wamlamsani mwa Zumbe hamwenga na wazumile we mwe inyumba yawe. ²⁰ wakulu zangu walumbu zangu nawalamsa lamsanani kwa ungi ukukile. ²¹ Miye Paolo nadolonya vino kwa mkono wangu. ²² Hegu kuna yoyose hekumunga Zumbe ivyo nkanto itende mlanga mwakwe, Zumbe ywetu soo! ²³ Wedi wa Zumbe Yesu utende na nyuwe. ²⁴ Ungi wangu utende hamwenga na nyuwe mwa Kulisito Yesu.