¹ Naunga nyuwe mmanye lumbu na mkulu wa miye kugamba tati zetu nandile we hasi mwe wingu wose wajinkila mwe bahali. ² Wose abatizwa watende na Musa mndani mwe bahali. ³ Nao wose wadya nkande idya idya ya Muye. ⁴ Woseni wanywa chinywaji ichiya ichiya cha muye kwaviya wanywa kulawa mwe yumwe wa muye uwatongele na idiyuwe diya nandile ni Kulisito. ⁵ Mna Chohile helelwe mno na walozize wawo na ivimba vyawo mo luwala. ⁶ Mna mbuli zino zose nendile ni mahinyo kwetu chani suwe chisekutenda wantu wa kuhisa yehiye saviya wowo ivyo wadamanye. ⁷ Msekutenda wa kuvikila matukulu saviya watuhu wawowadamanye ivyo, idolonywe ni wantu wekala hasi wakadya na kunywa niyo wenuka na kuvina kwa vilanga. ⁸ Chisekutenda na uchilanga enga watuhu wawo saviya wadamanye niyo wabanika zuwa dimwenga wantu milongo midi na watau elufu mwe mbuli iyo. ⁹ Naho chisekumjeza Kulisito enga watuhu saivyo wadamanye niyo wabalangwa ni nyoka. ¹⁰ Naho msekung'ung'uzika enga watuhu wawo saivyo wang'ung'uzike niyo wabalangwa ni wandima wa file. ¹¹ Elo mbuli zino zitendigwa enga miliganyo kwa suwe, niyo yadolonywa chani kuchiogola suwe chibwile ni udumo wa kale. ¹² Haluse chila akwewona kachimala asinyise anase kugwa. ¹³ Hahana jezo diwapatileni nyuwe dikatenda zwelo dya wantu mna Chohile ni mkanuni hawaleke mjezwe kujinkiliza udahi mwenyu hamwenga na jezo yeye nawenkeni lwivi lwa kulaila chani mdahe kujijimiza ¹⁴ Ivyo wambuya zangu sumkani na mbuli za kuvikila matukulu. ¹⁵ nalonga na nyuwe enga wantu wenye umanyi chani mlamule mwe dino hulonga. ¹⁶ Chikimbe cha ujimbiko si mliganyo wa sakame ya Kulisito? Mkate udya chikubendula si mliganyo wa mwili wa Kulisito. ¹⁷ Kwaviya mkate ni umwenga suwe chi walozize ch mwili umwenga suwe chose chahokela mkate umwe kwa hamwenga. ¹⁸ Wakauleni wantu wa Izulaeli, wadya wose wakudya ntambiko siyo walungana mwe nchanja. ¹⁹ Nilonge mbwani bule?Tukulu ni chintu? Hegu naho nkande ilavigwe ntambiko kwa matukulu ni chintu? ²⁰ Mna nalonga mwe vintu viya wakulavya ntambiko wantu hewemmanyize Chohile kugamba walavya vintu vino kwa mapepo mna siyo kwa Chohile miye sikunga nyuwe mkalungana na mapepo. ²¹ Hamkudaha kunywela chikombe cha Zumbe na chikombe cha mapepo hamkudaha kutenda mlugano mwe meza ya Zumbe na hamwenga mwe meza ya mapepo. ²² Hegu chamjela Zumbe chinyulu? Chna nguvu kumhuda yeye? ²³ Vintu vyose vyawagila kudya mna siyo vyose vikuwagila, vintu vyose vyawagila mna sivyo vyose vikudaha kuwazenga wantu. ²⁴ Hahana hata yumwenga akulonda matana yakwe du mna chila yumwenga alonda matana ya mnyawe. ²⁵ Mwadaha kudya chila chintu chikutagwa mwe digwilo ukaleka kuza, uza kwachausa cha nkama. ²⁶ Kwaviya isi ni mali ya Zumbe na vyose viimemeze. ²⁷ Naho mntu akawgonekani kudya mwaungwa kwita, dyani chila chintu akuwenkani msekuza mwe myuye yenyu. ²⁸ Mna mntu anawagambila inkande ino ilawana na ntambiko ya hawezumile msekudya ino ni kwachausa cha yudya awagambileni na kwachausa cha myuye yenyu. ²⁹ Siyo mwe myuye yenyu mna myuye yenyu ya yudya umtuhu kwambwani ulekelwa wa miye ukantilwe luhenyo lwa mntu mtuhu ³⁰ Uneva miye nadya nkande kwa kuhongela kwambwani nihulutwe kwa ciya nihongele mwaicho? ³¹ Haluse chochose mkudya hegu kunywa hegu chochose mkudamanya , damanyani yose kwachausa cho ukuka wa Chohile. ³² Msekuwasongaganya Wayahudi hegu Wayunani hegu vikilo dya Chohile. ³³ Jezani enga miye ivyo hujeza waelelwe wantu wose kwa mbuli zose sikulonda wedi miye mwenye mna walozize miye nadamanya vino chani wapate kwambulwa.