¹ Pwu akhatengwa ukhumanyisya mu ndakhanji mu nyanja. Ululundamano ulwalundamine lukhanjongula, akhingela mu mbwato munyanja, nu hutama. Ululundamano lyoni lwale mundokanji mu nyanja. ² Pwu akhavamanyisya imbombo nyingi khu fikhwani, akhanchova khuvene. ³ Ukhuta, mupolikhenchage undemi alotile khuvyala. ⁴ Vwu ivyala, inchinge imbeyu ncha gwile mu njela, ifidege fikhincha fikhanchilya. ⁵ Imbeyu inchinge nchagwile mu lunalawe, bakho wlifu lyale lidebe, pwu jikhaniala, ulwakhuva elifu lyale lidebe. ⁶ Pwu ulunchuva volwivala, nchikhaniala, ulwakhuva nchale bula milela, nchikhoma. ⁷ Imbeyu inchinge nchagwile mmatoni. Amatoni khakola sanchikhahopo isekha nchochoni. ⁸ Imbeyu inchinge nchagwile palifu elinonu, nchikhahopa isekhe vwu vunchikhula, inchinge nchakhopile thelathini nu khulutelela, inchinge sitini, inchinge mia." ⁹ Pwu akhanchova, "Yeyoni unyambulukhutu incha khupulikha, apulekhage!" ¹⁰ Yiisu vu alemwene, vavo vale pipi nu mwene, navala kumi na vavele vakhambuncha ukhukhongana ni vikhwani. ¹¹ Akhanchova khuvene, "Umwe mpevilwe uvayelweli uvwa ludeva lwa Nguluve. Khu vavo vale honji khela khenu khuvene fihwani, ¹² Pwu vovilola, lweli vilola, savikhokhe vona, vovipulekhe, vipulikha, savikhwaliwa, manya vakhavisyetukha pwu Unguluve akhale ikhovasyekhela." ¹³ Pwu akhanchova khuvene, "Ukhuta samukhemanyile ekhekhwani ekhe? Pwu mukhweliwaga ifikhwani ifinge? ¹⁴ Unyakhovyala avyalile elimenyu. ¹⁵ Avange vovala avagwile munjela, bakho elimenyu lyavyaliwe. Vwu vapolikhe akhincha u Setano akhaletola elimenyu lelyo lyavyaliwe muvene. ¹⁶ Avange vovala vavovavyaliwe pakhyanyu pa lunalawe, avene voviholepulekha elimenyu, nambeve vikhupelela nulokhovokho. ¹⁷ Viva vovovle imilela mugati muvene pwu vikheyomelencha unsekhe unsupi vu lwikhwincha alogelo nu khugata nchiwa khu limenyu. Pwu vikhekho vencha. ¹⁸ Avange vovala avanyaliwe mumatoni vikholepulikha elumenyu. ¹⁹ Pwu ukhugatanchiwa ne khelunga, uvosyovi uvwa fyome, nu vonogwe uvwa mbombo inchinge nchikhovingela elimenyu lilemwa ukhuhupa isekhe. ²⁰ Pwu khuvale vavo vavyaliwe mu ndifu elinonu. Vikholepulekha elimenyu nu khuleopelela vikhopa isekha: avange thelathini, avange sitini, na avange mia moja." ²¹ Yiisu akhavavola, "Vwa wigega ulumuli mbunchenge nukhuluvekha pasi pa khetundu, ama pasi pavogono? Pwu vukhulugega ulumuli nukhuluvekha pakhanya pa khetalati. ²² Ulwa khuva khesikholi khyohyoni khekhyo khefikhime khekhyo sakhe khamanye khene, lesipali lelyo lefikhime lelyo salekhave pavuvalafu. ²³ Avange pwale unyambulukhutu inchipulekha, apolekhage!" ²⁴ Akhavavola muvinchage mikho na lelyo mupulekha, ulwakhuva ekhemwipimila khemulapimiliwa na yomwe nu khulutelela. ²⁵ Ulwa khuva uvealenakhyo, yikhwupela ekheluyelile, na yoywa ale vovole ukhukhuma khumwene yafitoliwa na fifyo alenafyo." ²⁶ Pwu akhata, "Uludeva lwa Nguluve lukhwanine nu munu uveavyalile embeyu mu ndifu. ²⁷ Vwa agonelile pakhelo nu khusisimukha panavusikhu, pwu embeyu nchikhamela nu khukula, ndave salomanyile umuyekhomile. ²⁸ Ekhelunga khihomya embeyu, gitala amani; vwukhwincha uvuluva, pwu, nchikhonga embeyu inchidolwikhe. ²⁹ Embeyu vuyekholile nu khuvefula pwu egega emundu, ulwa khuva misekhegha khubena." ³⁰ Pwu akhata, "Tuvukhwananinche uludeva lwa Nguluve ne khenu kheli, tuvunchanganule ne khekhwani khehi? ³¹ Vule nde mbegu eya haladali, yeyo yavyaliwe incha khelunga. ³² Na pakho yevyaliwe, yikhula nu khuva mbakha ukhulutelela embeyu nchoni, pwu yipasa isyamba imbakha, ifidege fya khukyanya finchenga uvufumba mu khenchimela." ³³ Khu fikhwani fingi amanyisye nu hunchova elimenyu khuvene, ndamumwa valekhumweliwa, ³⁴ Sa anchove navo bila fikhwani. Ulwa khuva vu alemwene, akhavavola khela khenu avakhongi va mwene. ³⁵ Pa linchuva elyo, imisekhe gha lyakhemikhe, akhanchova khuvene, "Tuvukhe emwambo eyenge." ³⁶ Pwu vakhalulekha ululundamano, vakhantola u Yiisu, imisekhe egyo vualemumbwato. Uwato uvunge vukhava paninie. ³⁷ Emepo enyakhuluguto, amagasi. ³⁸ U Yiisu ale pa shetri, agonelile. Vakhansisimula, vakhata, "Mmanyisi, savusaga ufye twifwa?" ³⁹ Pwu akhasisimukha, akhayebencha emepo nu khuyevola enyanja, '"Yeve mie, nu lunonchehecho." Emepo yekhelekhelwa, khuva mie. ⁴⁰ Pwu akhanchova khuvene, "Khehi mundwada? Mulevovole ulwidikho?" ⁴¹ Vakhava nuludwado ulwakha munumbula incha vene vakhenchofanya, "Veni oyo, ulwa khuva emepo ne nyanja fikhomwedekha?".