¹ Vwu ingile mu sinagogi muvile nu munu unyakhevokho khelema. ² Pwu avange avanu vavovalekhonkongelela pa wipi ukhulola inave yikhopokha elinchuva lya Sabato pwu vang'ege. ³ u Yiisu akhambula unyakhevokho khelema, "Ema paagatinagati pa lulundamano ulu." ⁴ Pwu akhavavola avanu, "Lunonu ukhuvomba elinonu palinchuva lya Sabato ama ukhovomba gago sagalweli; ukhupokhe uvwumi, ama ukhubunda?" Avene vakhanchiga mie. ⁵ Hulyoyo akhavavola, avile nulususuvalo ulwakhuva vavile ni numbula ng'afu, pwu akhambula umunu ola, "Golosya ekhevokho khyaho." ⁶ Akhakhegolosya pwu u Yiisu akhampokha ekhevokho khyamwene. Avapitavwe vakhakhuma khunji vakhasongane na vatwa valonde anjela eya khubuda. ⁷ Pwu u Yiisu, na vakongi va mwene, vakhaluta khu nyanja, ululundamano lwa vanu avakhomile khu Galileya avange khu va Yuta. ⁸ Avange ukhukhuma khu Yerusalemu khu Idumaya khovolongolo eya Yolodani khuwipi ne Tiro ne Sidoni, lulundamano uluvakha, vwulupulikhe imbombo inchoikhonchivomba, vakhincha khumwene. ⁹ Pwu akhavavola avakongi va mwene ukhutesania uvwato uvwudebe ukhuta ululundamano vasite ukhuntinga. ¹⁰ Ulwakhuva avapokhile vingi, khela munu uveale nu khungatanchawa ale nuvwunogwe amwabasye. ¹¹ Mwoni imepo imbivi upunchambwene, walekhugwa pasi nu khulela, valekhune hova, "Uve ule mwana va Nguluve." ¹² Pwu alekhuvavola vasite ukhuvomba amanyikhihe. ¹³ Akhalota khu kyamba, akhavelanga vavo avanogilwe, vakhaluta khumwene. ¹⁴ Akhavakhala kumi na vaveli (akhavatambula vasukhiwa), ¹⁵ vave paninie nu mwene avasukhage khulumbelela, Vave na akga khuhencha imepo. ¹⁶ Pwu akhavakhala kumi na vaveli: Simioni, uveampile elitawa lya Peteli, ¹⁷ Yakobo unswambe Zebedayo, nu Yohani ulukholo va Yakobo, aveapevilwe elitawa lya Bonagesi, avo vale vana va Ngurumo, ¹⁸ Nu Ndeleya, Filipo, Batholomayo, Mathayo, Tomaso, Yakobo unswambe Alfayo, Thadayo, Simioni Mkananayo, ¹⁹ Nu Yuta Iskariote, yoywa alamwambuncha. ²⁰ Pwu akhaluta khukaya, nu lulundamano lwa vanu vakhincha paninie, vakhalemwa na khuhulya unkate. ²¹ Avakhekholo kya mwene vuvapolikhe elimenyu elyo, vakhaluta khu khomwibata, vakhata, "Ikhwalukha." ²² Avasimbi vavovainchile ukhuhuma khu Yerusalemu vakhata, "Alenimepo incha Beelzebuli, "Nu, "Umbakha va mepo ikhencha imepo." ²³ Yiisu akhavelanga khumwene nu khunchova navo khu fikhwani, "Ndakhehi u Setano ikhung'encha u Setano? ²⁴ Ingaveuvwutwa vungalekhehane uvwutwa uvwa savokheme. ²⁵ Ingave uvwunchenge vungalekhehane uvivunchenge uvwa savokheme. ²⁶ Ingave u Setano iva nekhemendu yoywa, sakheme, pwu iva afikhe khuvwusililo vwa mwene. ²⁷ Ulwakhuva asipale uvealeyomo yoywa iwesya ukhwingila mbunchenge uvwa munu unyamakha nu khuhencha ifinu fya mwene khetampinya unyamakha tasi, pwu ilandamaninga ifilimbunchenge. ²⁸ Elweli nihovavola, imbivi nchoni incha vana va vanu yanchisyeleheliwa, paninie na ukhudakhela inchovonchova, ²⁹ Yeyoni uveyakheva ikhodokha umepo umbalanche sahasyekheliwe, pwu iva ntula nongwa amanchuva goni." ³⁰ Yiisu alenchovile ele ulwakhuva valekhunchova ukhuta, "Ale ni mepo imbivi." ³¹ Kisha mama yake na ndugu zake walikuja na kusimama nje. Wakamtuma mtu, kumwita. ³² Ululundamano lalwa lwatamile pawipi nu mwene vakhambola, "Ujyuva vakho na valokhololwo vale hanji, vikhoholonda uve." ³³ Akhavanda akhata, "Ujyuva vango na avalokholo vango?" ³⁴ Akhavalola vava vatamile nu kunchungula akhata, "Lola, ava vuvajyuva na valokholo lwango! ³⁵ Yeyone uveivomba ulugano lwa Nguluve, u munu uywa velokholo lwango, nu ng'ancha vango, nu jyuva vango."