¹ Vwavunyile Kaperinaumu manchuva madebe, yekhapolekhekha ukhuta alembunchenge. ² Avanu vingi vavo walundamine vadegile pakha pa ndyango, pwu u Yiisu akhanchova elimenyu khuvene. ³ Pwu vakhincha avanu vagegile umunu u ndema; avanu vanne vampembile. ⁴ Vwuvalemilye ukhufikha khwa Yiisu ulwakhuva avanu vadegile, pwu vakhatoga khukhituvile vakhakhotola ekhanu upwalepo u Yiisu, vakhisya ekhyagonile undema. ⁵ Vwu alowene ulwidikho lwa vene, u Yiisu akhambula undema, "Nswambago, usyekheliwe imbivi nchakho." ⁶ Pwu amasimbi vavavatamile pala valekhwe voncha mu numbula, nchevene ⁷ "Yelendakhekhi umunu ukhunchova aga? Idokhela! Veni uveisyekhela imbivi u Nguluve ve nyalusekhelo lwa mbivi?" ⁸ Pwu u Yiisu akhalumanya mu numbula eya mwene ekhevalekhusaga. Akhavavula, "Khekhi msaga evo mu numbula nchenyo? ⁹ Lelekhu lipepe ukhunchova khu munu u ndema, 'Imbivi nchakho nchisyekheliwe ama ukhuta 'ema ugendage wetwekhe eligonelo lwakho?' ¹⁰ Pwu valumanye ukhuta Nswambe va Ntwa alenamakha akgakhusyekhela imbivi mu khilunga, akhambula undema ula, ¹¹ "Nikhukhuvola uve, ema, tola elitefu lyakho, ulutage ukhnjenge vwakho." ¹² Pwu akhema akhatola elitefu lya mwene, akhakhuma panji khoga vanu, pwu vwoni valekhoswiga valekhuginia u Nguluve, nu khuta "Satugelile, ukhulola imbombo ndeye." ¹³ Akhaluta khulukhanji eya nyanja, elipuga lya vanu voni vakhincha khumwene, akhavamanyisya. ¹⁴ Vwu ilotanincha akhambona u Lawi unswambe va Alfayo atamile upovi songela esongo akhambula ukhuta, "Ung'ongage." Akhema nu khunkonga. ¹⁵ Usekhe u Yiisu vu ilya mbunchenge vwa Lawi, avasakha songo vingi na vanu avatula nongwa valekhulya nu Yiisu na vakhongi va mwene, ulwakhuva vale vingi vope vakhankonga. ¹⁶ Avasimbi vavo vale vapitawe, vovawene ukhuta u Yiisu ilya na vatula nongwa na vasakha songo, vakhavavula avakhongi va mwene, "Khehi ilya na vasakha songo na vatula nongwa. ¹⁷ U Yiisu vu apolikhe akhavavula, "Avanu avakhafu emivele gya vene savilonda uvakhovayavela; avanu vavo vatamu vovilonda uvakhovanyavela. Saninchile khukhwilaga avanu avanya lwidikho, ninchile khuvanya mbivi." ¹⁸ Avakhongi va Yohani na Avapitawe. Pwu avange avanu vakhincha khumwene khukhombola, "Khekhi avakhongi va Yohani na Avapitawe hufunga, na avakhongi vakho hawafungi? ¹⁹ U Yiisu akhavavula, "Avelangiwe ukhutoliwa udala wiwesya ukhufunga, imisekhe unya khutola udala vuvalenjela, unyaweghi vovalenjela savakhefunge." ²⁰ Amanchuva khikhwincha untola udala vuahenchi we khuvene, pwu mumanchuva ago pwu fifungaga. ²¹ Asikhuli umunu uveikhona ekhe tambala khya mwenda umpya mumwenda unkholo, apo umwenda ugwa pwu gwitatukha tena, ekhepya khikhega mu mwenda unkolo, pwu yapiva pavakhe uluvuvu. ²² Asikholi umunu uveivekha uvugimbe uvwunonu mu khidenge khyakhatale, uvugimbe yavukhufibanchula ifidenge, uvugimbe ne ifidenge fyoni pwu fiyaga. Uvungimbe uvwunonu vekha mu khidenge ekhepya." ²³ Pa linchova lya sabato u Yiisu alotaninche khufyolo, na avakhongi va mwene vakhatengula ukhipa ulubelege lwa ngano. ²⁴ Pwu avapitawe vakhambulo, "Lola khekhi vivomba ekhenu khekhyo ululagelo lubela ukhuvomba elinchuva lya sabato?" ²⁵ Akhavavola ukhuta, "Samwembile ekya avombile u Daudi ulwa ale ne njala umwene navanu vavo vale paninie nave? ²⁶ Umwa alotile mu mbunjenge vwa Nguluve Abiathari upwu ale ntekhenchi mbakha, akhalya ukate uguve khwe khuvolongolo - gugwa ululagilo lwa benchiche umunu yeyoni ukhulya - gwale wagwa na vatekhenchi - akhavapa voni vavo vale paninie numwene?" ²⁷ U Yiisu akhanchovaukuhuta, "E Sabato yavombiwe khutwevanu, sio avanu khu Sabato. ²⁸ Pwu, u Nswambe na Adamu ve Ntwa, khu Sabato."