¹ Vakhincha uluvafu ulonge ulwa nyanja, huvu Gerasi ² U Yiisu vu ikhoma mu mbwato, umunu unya mepo imbivi akhincha khumwene vuikhomela khumapumba. ³ U munu tamaga khumapumba. Asikholi aveawesinche ukhunsiga. Akhongiwe mara khingi ne minyololo. ⁴ Akhagedumula eminyololo asikholi uveale na makha agakhuntola. ⁵ Pakhelo na pamusi vu alekhumapumba na hufyamba, alekhulela nu khwetema na mawe amakhali. ⁶ Vwu ambwene u Yiisu khuvutali, akhanyilela khumwene nu khungundama khumwene. ⁷ Akhovela khulimenyu elivakha, "Akhata vwinongwa ukhungakha kheli, u Yiisu, va Nswambe va Nguluve uve ale khukyanya? Nikhohodova khwa Nguluve uste, ukhungatancha." ⁸ Ulwa khuva ambolile, "Khuma khu munu oya, ve mepo imbivi." ⁹ Umwene akhambuncha, "Elitawa lyakho veni?" Pwu akhanda akhata, "Elitawa lyango ne Legion, ulwakhuva tule vingi." ¹⁰ Akhandela ukhudova ukhuta asite ukhung'elekha khuvutali. ¹¹ Pale ni ngube nchindebelenchwa pakhyamba, ¹² Pwu vakhadova, ukhuta, "Utusukhe khungube; twingile huchene." ¹³ Pwu akhavedekha; imepo imbivi nchakhahoma nu khwingela mu ngube, pwu nchikhanyilela mu nyanja, nchale ingube elfu mbili nchicho nchaingile mu nyanja. ¹⁴ Na vavo vanchidemaga ingube vakhanyila khuhavavola khehyo pa khelunga. Pwu avanu vingi vakhehomya ukhuluta khwilola ekhehomile. ¹⁵ Pwu vakhincha khwa Yiisu vakhambona umunu unyamepo- imbiviuveale ne jeshi -- atamile pasi, afyalile, alenulukhala lunonu pwu vakhadwada. ¹⁶ Vavo valolile khekhyo khehomile khu munu uveakhale ni mwepo imbivi vakhambula ekhehomile khumwene na khu ngube. ¹⁷ Vovikhondova akhege mu khelunga kya vene. ¹⁸ Vwu ikhwingela mumbwato, u munu unyamepo mbivi akhadova alotage paninie nu mwene. ¹⁹ Akhasita ukhumwedekha, akhata, "Lutaga khuvunchenge vwakho na khuvanu vakho, ukhavavole ungaakhovombile Utwa, nu luhungu uuakhopile." ²⁰ Pwu akhaluta nu khutengula ukhupanga imbombo imbakha nchocho u Yiisu anchivombile khumwene khu Dekapoli, khela munu akhaswiga. ²¹ U Yiisu vualowikhe emwambo eyenge, mu mbwato, lulundamano lukhalundamano au hunchungutela, vu alepalukhanchi pa nyanja. ²² Pwu undongonchi yomo va sinsgogi, atambuliwawa Yailo, akhinche, vu ambwene akhagwa mumalunde ga Yiisu. ²³ Akhansima akhata, "Umwana vango udebe alepakhufwa. Nikhokhodova, winche umbekhele ifivokho pamwene, apate ukhupona." ²⁴ Pwu akhaluta nave, nu lulundamano lukhankonga nu khunchungutila. ²⁵ Pale nu ndlaa uvegwakhumaga unkisa emiakha kumi na miwili. Agatanchiwe, nu khuyaveliwa na vingi akhominche khela khenu khekhyo alenakhyo. ²⁶ Saapate uvwavule, pwu akhendelela ukhuva ne khali mbivi. Akhapulikha elimenyu ly Yiisu. ²⁷ Pwu akhincha khunsana khwa Yiisu vu ingenda mu lulundamano, akhibata eligwanda lya mwene. ²⁸ Ulwa khuva anchovile, "Ingave ningabate eligwanda lya mwene, niva neponile." ²⁹ Voibite, unkisa gukhelekhe lwa ukhuhuma, pwu akhepulekha mu mbele ukhuta aponile mbugatanchiwa wa mwene. ³⁰ Pwu u Yiisu akhalumanya ukhuta amakha gapungwikhe. Akhasyetukha khunu na khunu ndulundamano lwa vanu akhavoncha, "Veni uveanyibite eligwanda lyango?" ³¹ Avankongi va mwene vakhata, "Wilola ululundamano lukhunchungulile, nuve wita, "Veni uveakhwibite?'" ³² U Yiisu akhalola khunu na khunu ukhulola yoywa amwibite. ³³ Undala vualumanyile ekhevombikhe khumwene, akhadwada nu khutetema. Akhincha nu khugwa pasi pamwene nu khumbula elweli yoni. ³⁴ Akhata khumwene, "Ulwidikho lwakho lakhopokhile. Lutaga nu lunonchehecho apone ekhetamu khyaho." ³⁵ Vwu inchova, avange avanu vakhincha ukhuhuma khu ndongonchi va Sinagogi, valekhuta, "Umwalevo afyile. Khehi vukhugatancha umanyisi?" ³⁶ Pwu u Yiisu vuapulikhe khekhyo khinchoviwa, akhambula undongonchi va Sinagogi, "Osite ukhudwada. Wedekhe." ³⁷ Sahamwedekha yeyoni ukhulongonchana nave, akhava nu Peteli, Yakobo nu Yohani, alokhololwe va Yakobo. ³⁸ Vakhincha mumbonchenge uvwa ndongonchi va Sinagogi, vope akhavono vilela. ³⁹ Vuingile mbunchenge, akhavavola, "Kheli msosovile, kheli mwilela? Umwana safwile agonelile." ⁴⁰ Vakhang'eha, umwene, akhavahomya voni khunji, akhantola udada va mwana nu vanine navavo vakhele nu mwene, akhingela umwalemo umwana. ⁴¹ Akhatetola ekhevoho kya mwana akhata, "Talitha koum, "khuhuta, "Mwana ndebe, nikhohovola, sisimukha." ⁴² Umwana akhasisismukha nu khugenda (ulwa khuva ale ne miakha kumi na mbili). Pwu vakhava vanu va khudega. ⁴³ Akhava lagela ukhuta asikholi ovinogiwa ukhulemanya elevombikhe. Akhavavola vampe umwana ekyakhulya.