¹ Kwookubha Kristo akatuha obhuhoru tubhe bhahoru kwego mwimerere kisikisi mtaza kwitimbya kwubhubhihu bhwo obhuhagati. ² Murore, enye Pauro ndabhabhurira kubha haano murasarwe, Kristo arabhitengerera kwenzira yoyosi yirwa. ³ Kwego, ndamukumirirya omusubhe wuyo wosi wuno asarirwekubha arenderwa kukora ghosi. ⁴ Mwangirwe kure na Kristo, bhano bhosi "mukubharirwa ehene" muguri kuure no urubhango. ⁵ Ego kwenzira ye Ekoro, turaganya obhuhari bhwe ehene. ⁶ Ku Kristo Yeesu okusarwa no okutema okusarwa kutana ng'ana yiyo yosi. Okwikirirya okwene nikwe kukukora emiirimo gyo obhusegi. ⁷ Muari muriara bhuzomu. Niwi akabharekya okwitengerera ehene? ⁸ Obhung'eneribhwa bhwookukorego bhutakurwa kuuwuno akubhabhirikira emwe. ⁹ Ng'ana suhu erasarya gosi. ¹⁰ Okuhitira kuu Tatabhugya ndamenye mutakwitegerera ng'ana yindi yiyo yosi. Wuno arabhang'enererye aragega eriisinziro ryaye ewe omwene, wowosi wurya. ¹¹ Abhahiri, aribha ndagendererya kurarika esaro kwaki nabhono nikyanyakwibwa? Kwe eng'ana yino okunyora ndubhago kumusarabha kitakunagya kusaribhwa. ¹² Ni mang'ana gane kubharya nkubhakangata bhubhihu bharatiga abhene. ¹³ Eriobha rirabhabhirikira emwe abhahiri kubhweru, mutaaza kukora obweru kyoomubhiri kweegoo kubhusegi musakiriane abhene kwa abhene. ¹⁴ Kwookubha erihatike ribheri kuung'ana yimwe; eng'ana yiyo ni yino "Ookuhatika omusege omunyarobha wazo, kweego awe omwene." ¹⁵ Nawe, murarumane no kuryana muangarire mutaza kwisarya emwe abhene jwa abhene. ¹⁶ Ndabhuga mugeende muukoro muutakumara emigono gyo omubhiri. ¹⁷ Kwookubha omubhiri guno omugono mukuru kukira Ekoro, ne Ekoro eno omugono mukuru gukira mubhiri, ziyo zirahakana eyimwe neeyindi. Okumenya kurakora mutige kukora ebhigiro bhino mukuisega okubhikora. ¹⁸ Nawe kyeego Ekoro ekubherekerya emwe, mutari iyasi we erihatike. ¹⁹ Bhono amisego go omubhiri ghariyerekya, nago nioobhusimbe, obhunyaka, obhusarya. ²⁰ Obhusengeri bwe kirima, obhuturutumbi, obhubhisa, erihi, okuha no obhutindi, okutwanikana amasengerero. ²¹ Erihari, obhuwatwa, enamba na amang'ana agandi kya gayo ndabharekya emwe, kyego niabharekirye kubhutangiro, kubha bhano bhakukora amang'ana kya gayo bhatakughabha obhukuru bbwe Eriobha. ²² Nawe emisumo gye Ekoro niobhusegi, obhuzomerwa, bhuhoreru, obwitegereri, ²³ obhunyohu, ne ehisuhu. Erisinzirorya amang'ana kya gayo. ²⁴ Bhano bhari ku Kristo Yeesu bhakanyakwi omubhiri haamwe ne emigono gyabhu emibhihu. ²⁵ Hano turikaare Mukoro, tugende ne Ekoro. ²⁶ Tukabha bha kwihema, tutahindirana owumwe no omurikyaye, tutige kurorerana ihari.