¹ Ndabhuga kubha kwookubha omughabhi no omwana, atana kireni omubhagati, kwookubha nimwimerereri ebhigiro bhyoosigo. ² Kumbhukiranwa mbhwahi arihasi yoo kubhagariri na abhamurushamu nahano eribhaga rino riturirwe na wise wabhu. ³ Kwookubha nanetwe, hano tuhabha bhaana tukagwatirirrwa gati yoo obhubhagati okhunaara kubhutangiro bhwoo kyaro. ⁴ Kwego eribhaga ryehene ryahikiri, Eriobha ryamutumiri omwana waye, ombhwirwa wo omukari, omwibhurwa wa iyasi werihatike. ⁵ Kwego akakorego kubhaturya bhano bhari yiasi yerihatike, kwookubha tugege kwokubha bhana. ⁶ Kwookubha emwe ni bhana, Eriobha rikatuma ekoro yoo omwana waye mwosi we ezikoro zyetu, ekoro ino ekokubhirikirwa, "Aba, Tata." ⁷ Kwekubhego awe otari mubhagati kwego ni omwana. No mugabhi kuhitira ku Eriobha. ⁸ Nawe kwookubha, kwibhaga mutamenyiri Eriobha, muhabha abhabhagati kubharya kwokubha simuka gitari misambwa. ⁹ Kwookubha mumenyiri Eriobha, au bhabhamenyirimmenyekene ne Eriobha, kwaki murakyora kanuni ezinyako obhutangiro zinozitanobhwera? murenda kubha bhabhagatikweki? ¹⁰ Muragwata kisi siku ino ekwenderwa, okutazya kwe mieri, eribhaga, ne miaka. ¹¹ Dobhoha iguru wenyu. Dombhoha okubha kwa furani ninyakirwe mbhusa. ¹² Ndambhisegera, abhahiri, kwego muri, kwookubha mbheri kwego muri. Mutazabhwiri. ¹³ Kwookubha mumenyiri ego ehabha esababu obhurweri bhwo omubhiri kwookubha akararika ekina kubhungiro. ¹⁴ Yingabha omubhiri gwane ekebhaturu gati yo kusakya, mutazeri hamwe kunyanga. Kwego mukaturung'ana Maraika we Eriobha, kubha niari Kristo Yeesu omwera. ¹⁵ Kwego, mbhurihe obhuzomererwa bhwenyu? kwekubha ndabhasukirirya kunemwe, kwego, erinagika, mwihe ameso genyu na kuniha enye? ¹⁶ Kwego bhano mubheri omubhisa wenyu kwokubha muhabhuriri obhuheene? ¹⁷ Ndabhendera kwomubhubhu, kwego kutari kumazomu. Bharenda kubhatwanikanwa emwe nanenye kwego mubhagyeku. ¹⁸ No obhuzomu kubha no obhubhihu kwekubha neng'ana enzomu, kwokubha eribhaga ni nokubha hamwe na nemwe. ¹⁹ Abhana bhane abhasuhu, ndarumwa obhusungu kwiguru wenyu kwego Kristo obhubhwe musi wenyu. ²⁰ Musegiri kubhaho harya hamwe nokukyosha eriraka ryane, kwookubha ntakubhirikirya iguru wenyu. ²¹ Mumbhururire, emwe bhano muragongerya kubha yiasi yerihatike, mutakwigwa erihatike rirahaya? ²² Kwokubha ekamirwe kubha Abrahamu ahabha na abhana bhee kusubhe bhabhiri, owumwe kumukari omubhagati na oundi kumukari uno arimwasi. ²³ Kwokubhego, wurya omubhagati akibhurwa kwoomubhiri, ira oundi womukari wuno arimwasi akibhurwa kwe obhurage. ²⁴ Amang'ana gano garanagya kukerehibhwa kuhitira ekirengyo, kwokubha abhakari bhano bhatubheni marage ambhiri wombhwe waho kureka mukiguru kya Sinai. Aribhura ambha na bhano bhakubha bhamabhagati yuno ni Hajiri. ²⁵ Kwego Hajiri ni kiguru Sinai nguryo Arabhuni. Eratubhanibhwa na Yerusaremu yabhaono kwokubha ni omubhagati hamwe na bhana bhaye. ²⁶ Kwookubha Yerusaremu yino eriguru ermwasi na uno niwe mayi weetu. ²⁷ Kwokubha ekamiirwe, "kuzomerwa, awe omukari omugumbha, awe wono otakwibhura. Ongerye eriraka oteme ekitiri kwoobhuzomererwa awe wono otana manara go kwibhura. Kwokubha ambharu niabhana bhano omugumbha, obhwaru ya bhano uno anamusubhe." ²⁸ Kwokubha omuhiri, kwokubha Isaka emwe niabhana bhoo obhurage. ²⁹ Kwe eribhaga rirya omutu wuno yibhwirwe kwe enzira yu omubhiri akanyakya wuno yibhurwe kwe enzira ye Ekoro. Kwabhoono nigoego. ³⁰ Amakaamo garabhuga? "Mumurusheho omukari omubhagati hamwe no omwana waye we kisubhe. Kwookubha omwana wo omukari omubhagati atakughabha hamwe no omwana womukari uno arimwasi." ³¹ Kwokubha, omuhiri, etwe tutari abhana bhoo omukari omubhagati, kwego bho omukari uno arimwasi.